الموضوع: واحد من جوه التوكبل كلاكيت تانى مره

المشاركة الأصلية كتبت بواسطة elsheikh2010

باشمهندس هاني تقبل تحياتي ... إن شاء الله انا رايح كمان كام يوم اعمل صيانة الألف ؟؟؟ وما اكدبش عليك عمنا غبور خد الي ورايا والي قدامي يعني كنت عامل حسابي ان الفيرنا بسعر لقيته بعد اسبوع واحد خلاها بسعر تاني وخد الفلوس الي كنت سايبها لفرش العربية والصيانة ؟؟؟؟ دلوقتي انا عايش في مدينة رأس غارب بمحافظة البحر الأحمر والتوكيل في الغردقة يعني حسبة 200 كم تقريباً فأنا عايز اعرف بالضبط صيانة الألف الأولى بتعمل كام ؟؟؟ بالقرش والمليم عشان مارجعش المسافة كلها ده زي ما رحت زي ما جيت ؟؟؟؟؟؟؟ وعلش انا باضايق حضرتك بأسألتي بس فيه واحد حبيبي ف صيانة الألف قالي حط زيت شل 5000 كم وفيه واحد حبيبي تاني قالي حط زيت شل 10000 كم عشان تستفيد بعرض غبور فلتر زيت وهوا مجاني ... فانا عايز النصيحة والي احسن للعربية في صيانة الألف حتى لو استغنيت عن العرض ؟؟؟؟ وتكلفة كل اختيار بالمليم يعني لو حضرتك نصحتني بزيت 5000كم هاتكلف كام ولو نصحتني بزيت 10000كم هاتكلف كام؟؟؟ و آخر سؤال لو عايز أظبط زوايا العربية وابص على الترصيص هاتكلف كام في الصيانة الدورية العادية ولا هيا زي ما سمعت مجانيه في الصيانات الدورية ؟؟؟؟ وشكراً جزيلا لحضرتك ..

اولا لف مبروك علي العربيه الجديده و عقبال صيلنه المليون
صيانه الالف مفيش فيها مصنعيات يعني حضرتك بتدفع تمن اازيت و الفلتر بس
زيت 5000 ====105+ تمن الفلتر 22 بس كده وزيت 5000 معفي من الضريبه
زيت 10000==== 226 +20 الفلتر + 10% ضريبه
بس في عرض لاخر الشهر فلتر الهواء و الزيت فرررري علي زيت ال10000 و فلتر الهواء تمنه 70 تقريبا و طبعا الزيت 10000 ضعف المسافه فكده العرض اوفر لحضرتك
بس في شرط صغير لزيت ال10000 انه ما يقعدش في العربيه اكتر من 8-9 شهور ودي حضرتك اللي تحددها بقاا مش كل حاجه عليااا و الف مبرووك علي العربيه للمره التانيه و شكرررررا

المشاركة الأصلية كتبت بواسطة aymanshebl

كنت عاوز اسال يا استاذ هانى انا لو عاوز اركب كاميرا خلفية اللى بشاشة دى فى دى التوكيل يركبها عادى ولا يرفض و لا يرفض الفكرة من الاساس و ياريت الرد بسرعة و شكرا

لا يا باشا التوكيل ما بيركبش اي اضافه علي العربيه و شكرررا

المشاركة الأصلية كتبت بواسطة ranger

استاذ هاني انا سألت على سعر تيل الفرامل الامامي في غبور لقيته ب 283 جنيه وسألت عليه في مركز معتمد تكنو وان لقيته ب 214 جنيه بالضريبة
هل ممكن الفرق يكون كبير كدة فعلا ؟!

شوف يل صديقي في نوعان من تيل الفيرنا
الاول اللي هو تيل الاكسنت و ده بيركب عليها و ده تمنه 150 جم
و التاني بتاعها اللي هو ب 280 جم
لكن تيل الاكسنت لما بيركب علي الفيرنا في صفاره + ان لحميه التيل اقل لكن هقولك حاجه
لما تقلب التيل علي ظهره تيل الاكسنت صاجه التيل اللي ورا لونها بني و التلنيه لونها اخضر شوف انت بقي لو الاخضر خدها بس المراكز المعتمده في بعض منها بينزل في اسعار ف غ علشان يبيع

المشاركة الأصلية كتبت بواسطة hima012

النهرده روحت التوكيل علشان اعمل صيانة ال40000 قالى انتى مش عامل حجز المهم انا العربية 40600 دلوقتي هي فيرنا 2009 وانا راجع حصل حاجه غريبه اوى بشغل التكيف لقتوا بجيب هواء مروح مش بارد المهم اتاكد ان زرار ac شغال بردو مافيش هواء ساقع ولاقيت العربية اول مره مؤاشر الحرار يعالى عن النقطتين روحت قافل التكيف وركنت وبصيت على الميه لقتهى نقصى خالص في القربة زوت مياه خضرا ومشيت الحرار ه ضبط قولت اجرب التكيف اول مره طلع هواء ساقه وبعدين رجع تاني هواء عادى وبعد شوية شغالتوا اشتغل كويس انا مش عارف ايه الموضوع ده حل في علاقة بين دوره التبريد والتكيف وهل نقص الميه ده ممكن يكون سبب لحاجه تاني مع انى مزود ميه من حاولى شهر كدا ودى كانت اول مره احط ميه للعربية من ساعت ماجت مش عارف انا قلقان ومحتار معلش طولت عليكما

صديقي العزيز
اولا لو العربيه سخنت التكييف مش هيطلع هواء ساقع بس مش كل واحد التكييف عنده مش مشحون و لا في مشكله في التكييف نفسه يقول العربيه بتسخن المهم
اولا ده اكيد فرع ابو رواش او قليوب لو انت جاي متاخر بس ماعتقدسش انه قليوب
المهم
اولا لا تشغل العربيه نهائيا بالتكييف
تانيا لو العربيه بتسخن بس مع التكييف بنسبه 90% حلجه من اتنين
الرداتير او وجود تراب كثيف علي سربنتينه التكييف فبتعمل عازل بين الهواء و انت ماشي و بين الرداتير
لكن خليهم يعملوا اختبار للجوان وش سلندر للامان
روحح بكره الصبح فرع قليوب الساعه تمانيه بدون حجز و نقص الميام ده طبعا لان العربيه بتسخن
طبعا احلي صباح للرجل المحترم د امير

المشاركة الأصلية كتبت بواسطة enghany

كان الله في العون يا باشا
بص اشتريه من بره و مش الكلاكس الله تجيبه براند نيم يعني المهم ان لما تغسل العربيه في المغسله الراجل مايجبش مياه من قدام عند سربنتينه التكييف ده غالبا اللي بيبوظ الكلاكس و الصوت ده طبيعي ده لاريه الكلاكس شغال لكن العيب بفرده الكلاكس نفسها و برده علشان تبقي عارف فرده الكلاكس جوه التوكيل تمنها 250 +50 تركيب + 10%ضريبه

شكرا لردك ياباشمهندس بعد اذنك لو فيهارخامة ترشحلى نوع معين يكون صوته عالى ومش مهم الفلوس