الموضوع: واحد من جوه التوكبل كلاكيت تانى مره

المشاركة الأصلية كتبت بواسطة loshabih

مهندس هاني ازي حضرتك اولا بعتزر اني بعت لحضرتك رسالة زوار وعملت الموضوع ده عشان مكنتش اعرف ان حضرتك صاحبه...كان معايا فيرنا 2011 وعايز اعمل صيانة الالف (1000 ) (العربيه عامله 800 كم عقبال لما اجي الصيانه تكون خلصت الالف )وكان عندي مشاكل بسيطه ...استهلاك البنزين عالي التفويله بتعمل 330 كم الفرامل ضعيفه وعايزه رجلاش ورا الهند عايزه تتشد الفانوسين اللي قدام مرحلين شويه عن الاكصدام ...فكنت عايز اعرف حضرتك موجود امته ولو نمرة حضرتك عشان عايز اعمل الصيانه قبل العيد كل سنه وحضرتك طيب ونمرة المركز عشان احجز وحضرتك تقولي انسب معاد امته مع العلم اني ساكن في مصر الجديده وتكلفه الصيانه كام؟؟ هغير زيت 10000 شيل وشكرا

الاخ العزيز
شكلي كده من النهارده اجازه طويله لاجراء جراحه بالقدم و الله يسلمك و يسلمكم جميعا بس كلمني و انت المهندس بيستلم العربيه منك علشان اوصي عليها و اعتذز جدا جدا لحضرتك و عقيال صيانه 1000000

المشاركة الأصلية كتبت بواسطة meshmesh_egypt

هو معاك حق فى موضوع مفيش بوجيه للشتاء وبوجيه للصيف
بس توصلت مع شركة NGK فى امركيا وشركة champion
وكان اهم شىء هو المدى الحرارى وديه قصه طويله هما شرحوهالى
المهم المدى الحرارى الكويس الى يشتغل على ماتور النيو اكسنت هو 6 للنوع NGK وارقام الموديلات اهى
Standard type of spark plug like BKR6ES-11.
Platinum type like BKR6EGP
IRIDIUM type like BKR6EIX-11
فى اوربا بيركبو مدى حرارى 5 عشان الجو عندهم برد ولازم البوجيه ميبقاش بارد قوى انما عندنا قالولى تركب مدى 6 عشان البوجيه يبقى بارد فى ال over heating وكمان هو الافضل لو غاوى شد لو مش غاوى شد وبتمشى على غيارات بطيئه كتير يبقى ممكن تركب مدى حرارى 5 وده بس بتغير رقم 6 بدل 5 وباقى الحروف زى ماهى لان كل حرف بيدل على شىء على طول السن والفتحة
وايضا شركة champoin ردت عليا بالمدى الحرارى وعندهم رقم المدى الحرارى بيختلف عن شركة NGK المدى الحرارى لل شامبيون للنيو اكسنت 1600 هو 10 وده فعلا الى لاقيته مكتوب على البوجيهات الفابريكه الى جايه مع العربيه لما غيرتها لانها كانت تشامبيون
انا ناويت انشاء الله اجرب الايريديوم بس انا محتار اجيب NGK ولا اجيب Champion علما بانى هجيبهم من توكيلهم الى بعتهولى فى الايميل مش من اى محل عشان ميبقوش مضروبين

الاخ المحترم
شوف مانيوال العربيه مش بينزل زي بعضه في كل بلدان العالم لان السبارات و الكماليات مختلفه انا مش عايز اقولك ان دورات service advisors levels و هي خاصه بالتعامل مع العميل مختلفه من منطقه الي احري و لمصر كورس معين موضوع من كوريا نفسها خاص بالزبون المصري المهم موضوع المدي الحراري للبوجيه غير موجه له اهميه لان الجو المصري حار عامه و حتي الشتاء غير قارص البرد و بالنسبه للانواع الحضرتك ذكرتها ستجد الفرق في مده البوجيه و هي
Standard type of spark plug like BKR6ES-11--------20000km
Platinum type like BKR6EGP ---------------60000km
IRIDIUM type like BKR6EIX-11---------------100000km
و جرب و قوللي

المشاركة الأصلية كتبت بواسطة Th3Leader

شكرا يا بشمهندس هاني علي مجهودك مع الاعضاء ومعايا مقدما :)

انا معايا النترا 2012 الشكل الجديد وعندي مشكلتين الاهم فيهم ان ساعات لما اجي اضرب فرامل العربيه تخبط جامد و احس ان في حاجه بتخبط في دواسه الفرامل من تحت و العربيه احسها بتترج جامد من قدام و الفرامل بتكون في نص قوتها بس ... ده حصل 4 مرات في خلال ال 4000 كيلو الي عملتهم
المشكله التانيه في صوت خبط ورا الكاسيت مع المطبات بتبان كان في جزء بلاستيك سايب و بيخبط في التابلو من جوه .... في حاجه معروف انها بتفك ولا استني لما اروح التوكيل ؟

الاخ الكريم
بص لو العربيه abs ده طبيعي
المشكله التانيه بسيطه و بلغ الاساقبال و بسيطه

المشاركة الأصلية كتبت بواسطة enghany

الاخ العزيز
شكلي كده من النهارده اجازه طويله لاجراء جراحه بالقدم و الله يسلمك و يسلمكم جميعا بس كلمني و انت المهندس بيستلم العربيه منك علشان اوصي عليها و اعتذز جدا جدا لحضرتك و عقيال صيانه 1000000

الف سلامه علي حضرتك بجد وان شاء الله ترجع بالف سلامه....طيب ممكن بس لو فيها تقل نمرة حضرتك بس وشكرا جدا

تروح وتيجى بالسلامة يابشمهندس هانى يارب يفك كربك وتقوم على خير بس خير جراحة قدم ليه انا دكتور صيدلى ياريت تقولى عندك ايه بالظبط

المشاركة الأصلية كتبت بواسطة loshabih

الف سلامه علي حضرتك بجد وان شاء الله ترجع بالف سلامه....طيب ممكن بس لو فيها تقل نمرة حضرتك بس وشكرا جدا

0160900088

المشاركة الأصلية كتبت بواسطة freeman207

تروح وتيجى بالسلامة يابشمهندس هانى يارب يفك كربك وتقوم على خير بس خير جراحة قدم ليه انا دكتور صيدلى ياريت تقولى عندك ايه بالظبط

ربنا يكرمك يا دكتررره
هو ظفر غائر بالحم و ورم شديد بالصباع و صديد بس

المشاركة الأصلية كتبت بواسطة enghany

ربنا يكرمك يا دكتررره
هو ظفر غائر بالحم و ورم شديد بالصباع و صديد بس :_alshmokh11:

بسيطة ان شاء الله عملتها لمراتى من 3 شهور انت هتاخد حقنةة بنج موضعى فى اللحم اللى حوالين الظافر وبعدين بيشيل الظافر اللى داخل فى اللحم وبعدين هيلفوا بس خد بالك اوعى بعد العملية تتخبط فيها وتلبس حاجة واسعة شبشب مثلا وتقوم بالسلامة وطمنى عليك