واحد من جوه التوكبل كلاكيت تانى مره

**enghany** · 03-11-2011 07:42 PM

المشاركة الأصلية كتبت بواسطة easy2002

السلام عليكم
باش مهندس هاني أنا معايا فيرنا 2007 عاملة 90 ألف كيلو عاوز أعملها صيانه ف التوكيل وأكشف عليها الصيانه عبارة عن إيه وتكلف كام علما اني مغيرتش زيت الفتيس نهائي من أول ماجبتها

شوف الفلاتر هواء بنزين بوجيهات يتم تغيرهم كل 20000 تكلفتهم 170 جم
زيت الفتيس و مياه التتبريد كل 40000 ----- 150 جم
كاتينه +بلي كل 60000 --- 850جم
الصيانه 280 جم

**Ashraf_Ibrahim** · 04-11-2011 05:01 AM

المشاركة الأصلية كتبت بواسطة enghany

شوف انا ماعرفش ليه كل 5000 وبعدين مش شرط الزيت يعني لو بتحط زيت 3000 كم تيجي كل 3000 و ايه السوال بتاع الدواسه.

تمام طيب مش ضروري نعرف ليه التوكيل بيعمل صيانة كل 5000 كم
خلينا عمليين اكتر
ايه الاضرار اللي ممكن تحصل نتيجة تأخير الصيانة من 5000 كم الى 10000 كم ؟!
يعني بنود الصيانة الدورية الرئيسية هي
*رجلاش فرامل
*تربيط عفشة
*تنضيف نظام الانجكشن
*مراجعة اسلاك وشد سيور المحرك

*سؤال الدواسة هو اني كنت بلاقي الدواسة تحجر من وقت للتاني
لما جينا ننضف البوابة والرشاشات لقيت فيها بلاوي -اعتقد دا كان السبب- واللا فيه سبب تاني؟!

**aymaneid** · 05-11-2011 01:21 AM

انا عملت حادثة امبارح باللاكسنت ار بى ماعملتش غير 1000 كيلو .... والخبطة جات من الخلف وى الاكصدام الخلفى اتشق وى دخل لجوة وى الشنطة اترحلت من مكانها فكنت عاوز اعرف تكلفة الاصلاح ممكن تكون كام فى التوكيل لان العربية هتحتاج زرجينة عشان تترد مع تغيير الاكصدام الخلفى و ممكن الشنطة كمان مع شوية دهانات .... فالموضوع ده هيتكلف كام او على الاقل عاوز اعرف اسعار الاكصدام الخلفى والشنطة ممكن يعملوا كام؟؟؟

شكرا للمساعدة

**hma313** · 05-11-2011 02:35 PM

فى زنه فى الفيرنا 2011 اول ما بفتح الكونتاك زنه طويله ما بنتهيش غير زنه طلمبه البنزين
دا طبيعى ولا فى حاجه
تقريبا الزنه دى من الموتور او الحساسات

**m1o2s3t4** · 14-11-2011 11:46 PM

عندى الالنتر 2007 واكسل 97 والثنين فيهم مشكله واحد عداد البنزين واقف اطلع العوامه من التنك واحركها العداد يشتغل تمام تنزل التنك ماتشتغلشى مش عارف ايه الحكايه ارجوك تفيدنى ياباشمهندس

**micom** · 29-11-2011 09:55 AM

http://www.nilemotors.net/Nile/188967-getz-club-57.html

باشمهندس

ال link أعلاه فيه مشاركة لواحد عنده مشكلة الرجة بسبب قاعدة الموتور وفيه حل لهذة المشكلة.

الرجاء ابداء رأيك في هذا الحل.
وشكرا

**enghany** · 29-11-2011 08:51 PM

المشاركة الأصلية كتبت بواسطة aboshehab

باشمهندس/هانى
كل سنة و حضرتك طيب عيد اضحى سعيد على حضرتك و الاسرة
لى سؤال بسيط و هام
معى نوبيرا اتوماتيك فول اوبشن سحب جميل و رائع و استهلاك بنزين معقول و لكن عفشة سيئة جدا و تكلفنى شهريا مبالغ طائلة
قالو ا لى الهيونداى ناعم و اقتصادى و لكن سحبه مش عالى و مشاكله ميكانيكا موتور و حساسات
هل الكلام صحيح و لو خطا ايهما انعم و اكثر اقتصادية ماتريكس 2007 ام النترا 2007 و كلاهما اتوماتيك و على قد فلوسى
و لكن المشكلة فى مصروفات الصيانه اسف للاطالة و منتظر النصيحة لابدء رحلة البحث و الشراء

الاخوه الكرام اعتذار عن فتره الانقطاع لكن لظروف لا يعلمها الا الله و لكن متواصل مع بعض الافاضل عبر الموبايل المهمم
هات الانترا 2007ةشرط الحاله

**enghany** · 29-11-2011 08:55 PM

المشاركة الأصلية كتبت بواسطة hma313

فى زنه فى الفيرنا 2011 اول ما بفتح الكونتاك زنه طويله ما بنتهيش غير زنه طلمبه البنزين
دا طبيعى ولا فى حاجه
تقريبا الزنه دى من الموتور او الحساسات

لا دي لازم تتشاف هاتهال التوكيل

**enghany** · 29-11-2011 09:02 PM

المشاركة الأصلية كتبت بواسطة micom

http://www.nilemotors.net/nile/188967-getz-club-57.html

باشمهندس

ال link أعلاه فيه مشاركة لواحد عنده مشكلة الرجة بسبب قاعدة الموتور وفيه حل لهذة المشكلة.

الرجاء ابداء رأيك في هذا الحل.
وشكرا

بص هي حل انك تشيل الصاجه االي فوق القاعده بس اسبرين يعني هتخف الرجه شويه و بعدين هترجع تاني و اسال mada انا ااي مواريه القاعده الكري و هي قلييله بالسوق جدا و ركبها زي الفل