واحد من جوه التوكبل كلاكيت تانى مره

**enghany** · 25-03-2012 02:44 PM

المشاركة الأصلية كتبت بواسطة amgomaa

السلام عليكم
انا الحمد لله معايا النترا 2012 خليجى عامله 2200 كم حتى الان وكان ليا استفسار بخصوص الباور دلوقتى لما بلف الدركسيون والعربيه واقفه بسمع صوت تكه واحده طالعه منه بس غير اللى بتكون فى الاخر و ساعات لما تكون ماشيه بسرعه بسيطه بس فى ملاحظه الصوت ده بخلاف صوت الزن الطبيعى بتاع الباور اللى هو انين بسيط ومش دايما بيظهروكمان ساعات لو حركت الدركسيون يمين و شمال فجاة برده والعربيه واقفه بحس ان فى حاجة بتلق جوه الدركسيون مش عارف الصوت ده طالع من جوه الدركسيون وساعات بحس انه طالع من العمود اللى واصل بين الدركسيون و الدواسه فهل الصوت ده طبيعى نتيجة الحركة المفاجاة ولا ده ليه علاقه بعلبة الدركسيون لا قدر الله مع العلم انى عملت صيانة الالف فى مركز معتمد لهيونداى و ربطوا العفشه وكمان لما قلتلهم على الموضوع ده فكوا الدركسيون واتاكدوا ان كل حاجه جواه تمام يعنى مفيش حاجه مفكوكه جواه فهل ده طبيعى يعنى هو الباور الكهرباء ده الطبيعى بتاعه ومعلهش كمان سؤال صوت العفشه وانا قافل الازاز مسموع بشكل واضح جوه العربيه فهل ده كمان طبيعى والف شكر

اخي الزميل المحترم
بص طبعا هو كل اللي حضرتك بتقوله مش طبيعي بالمره لكن في الاول من كلام حضرتك اعتقد ان في مشكله في وصله عمود الدركسيون او ان الناس دول اللي روحتلهم مش كويسين و لو الوصله مش مربوطه هتعمل صوت طقه يمين وشمال عند حركه الركسيون و ايضا دبدبه عل الارض

**enghany** · 25-03-2012 02:49 PM

المشاركة الأصلية كتبت بواسطة Ashraf_Ibrahim

ازيك يا بشمهندس
اديني جاي بمشكلة اهه :d
بص يا سيدي
عربيتي عاملة 43800 كم حاليا
فيرنا 2010
اخر صيانة كانت ال 40000 غيرت فلاتر وبوجيهات
المهم النهردة الصبح -الساعة 10.45 صباحا نزلت كالعادة مسحت العربية وشغلتها
انا لما بشغل بنتظر نصف دقيقة وابتدي اتحرك بمشي تقريبا في حدود 400 متر لحد ما اطلع من الجزء المكسر للأسفلت فطبعا باخده على الاولاني
المهم النهردة بعد ما اتحركت لقيت الموتور بيقطع فقلت جايز بيتهيألي قمت واقف وموطي صوت الكاسيت وزودت بنزين لقيته فعلا بيقطع
قلت جايز شوايب او حاجة في البوجيهات وكملت حركتي شوية واختفت التقطيعة دي
جيت في نص اليوم اتكررت تاني التقطيعة دي
يا ترى دي من البنزين واللا من البوجيهات واللا ماخدش في بالي واللا ايه بالظبط؟!

يا باشا قولتلك ادي اخره قاعده القهاوي سحلب و شيشه و كمان طاوله و ناسي العربيع

بالنبه للتقطيعه غالبا بوجيهات فيها رطوبه و الموضوع بيظهر كان العربيه دايره 3 مش 4 و تظهر غالبا الصبح بس و لو في حاجه كلمني علي الموبايل

**enghany** · 25-03-2012 02:54 PM

المشاركة الأصلية كتبت بواسطة ahmed_fathy_

تحياتي وشكري لك ياباشمهندس على ذوقك. كان عندي سؤال انا معايا نيواكسنت 2010 ولسه في الضمان وكنت عايز اركب زينون فهل ده له تأثير على الضمان مع العلم اني مش هالعب في الضفيرة بتاعة العربية.
شكرا بجد على مساعدتك.

شوفيا صديقي
هو انا مش عارف ازاي مش هتوصل من الضفيره لكن هما مش هيشوفوا العربيه فيها زينزن هيقلاولك دي بره الضمان لكن لو الموضوع عمل مشكله في العربيه او اثر علي حاجه تانيه زي الضفيره او قفله لا قدر الله هيبقي علي حسابك

**enghany** · 25-03-2012 02:58 PM

المشاركة الأصلية كتبت بواسطة verna2008auto

ازيك يا باشمهندس هاني . ويومك سعيد

هل لفتيس الفيرنا شداد زي بتاع فتيس الرينوة مثلا ؟؟

وإية هيا اقصي صيانة ممكن تتعمل للحفاظ علي فتيس الفيرنا الاوتوماتك غير تغيير الزيت كل 40.000 بزيت مطابق للمواصفة
وشكرا...

اخي المحترم
يعني ايه شداد فتيس دي معلومه جديده عليا انا اعرف شداد الموتور زي اللي في العربيات القديمه زي الادا
و الفتيس الاوتو مالوش غير تغير الزيت بتاعه كل 400000 لان دي اكتر حاجه بتبوظه

**LanCeLoT** · 25-03-2012 03:26 PM

المشاركة الأصلية كتبت بواسطة enghany

لا لو شغل عفشه ممكن في ابورواش او المركز الجديد بتاع العبور

شكرا يا باشا .. و كنت عاوز اعرف انا حصل عندي مشكله في وحدة الرفع علما باني جايبها و مركبها في مركز الخدمه .. وهما قالولي اشتري واحده جديده ونركبهالك .. بس مش عارف بيتهيألي المفروض تتغير على حسابهم ولا ايه رأيك ؟؟

**enghany** · 25-03-2012 03:44 PM

المشاركة الأصلية كتبت بواسطة lancelot

شكرا يا باشا .. و كنت عاوز اعرف انا حصل عندي مشكله في وحدة الرفع علما باني جايبها و مركبها في مركز الخدمه .. وهما قالولي اشتري واحده جديده ونركبهالك .. بس مش عارف بيتهيألي المفروض تتغير على حسابهم ولا ايه رأيك ؟؟

هو حضرتك ركبتها في اي فرع بالظبط و من لد ايه؟

**osoo22** · 25-03-2012 05:05 PM

السلام عليكم ,,,
لو سمحت يا بشمهندس عندى مشكلة و اتمنى ان تساعدنى , انا معايا ماتريكس 2006 أوتوماتيك لسة جايبها جديد و انا أول مرة أركب أوتوماتيك المهم العربية الحمد لله زى الفل مفيهاش مشاكل كتيرة سحبها كويس و تسارعها بس المشكلة اما ابتدى اول ما اوصل لسرعة 100 كيلو بلاقى ال rpm وصل ل 4 تقريباً و بحس انها المفروض تنقل بس مبتنقلش ؟؟؟ هل دة طبيعى ؟؟؟ و جريت بيها لحد 160 تقريباً و ال rpm وصل ل 6 تقريباً

فى إنتظار إفادتكم بأذن الله

**enghany** · 25-03-2012 06:18 PM

المشاركة الأصلية كتبت بواسطة osoo22

السلام عليكم ,,,
لو سمحت يا بشمهندس عندى مشكلة و اتمنى ان تساعدنى , انا معايا ماتريكس 2006 أوتوماتيك لسة جايبها جديد و انا أول مرة أركب أوتوماتيك المهم العربية الحمد لله زى الفل مفيهاش مشاكل كتيرة سحبها كويس و تسارعها بس المشكلة اما ابتدى اول ما اوصل لسرعة 100 كيلو بلاقى ال rpm وصل ل 4 تقريباً و بحس انها المفروض تنقل بس مبتنقلش ؟؟؟ هل دة طبيعى ؟؟؟ و جريت بيها لحد 160 تقريباً و ال rpm وصل ل 6 تقريباً

فى إنتظار إفادتكم بأذن الله

العضو المحترم
بص يا سيدي لو العربيه بتاخر في النقل و الRPM بيعلي بدون نقل و كمان صوت الموتور 90% ده حساس فتيس و دي بسيطه ياريت تخليني اشوف العربيه