مجهود تشكر عليه استاذ احمد كعادتك دائما
مجهود تشكر عليه استاذ احمد كعادتك دائما
تقرير شامل و رائع و معلومات مهمة ان الواحد يعرفها وجزاك الله كل خير
كلام جميل ومفيد ... ربنا يبارك فيك
موضوع ممتاز
شكراا يا باشمهندس
لا جمد قلبك و واشترى ومتخفش ابدا , كلها امور سهلة , يمكن انت شايفها كتيرة , لكن ساعة التطبيق مفيش اسهل منها
عليه افضل الصلاة والسلام ...
الله يخليك يا فندم وشاكر تقديرك الطيب ودعواك الكريمة
تسلم يافندم وشاكر تقديرك الطيب
تسلم يا فندم على تقديرك الغالى والحمد لله ان حضرتك استفدت منه
الله يخليك يا فندم وشاكر دعواتك الكريمة وتقديرك الطيب
العفو يا فندم وشاكر تقديرك , وتحت امرك , واهلا بيك ونورتنا
معلومات مفيدة جداااااا
تسلم الايادى يا زعيم
بس زيادة فى الحرص وبناءا على تجربة عملية فى عربيتى
انا لحد اما وصلت 1000 كم ما رفعتش الrpm عن 2500 لفة / دقيقة
وبعد ال1000 كم رفعت واحدة واحدة لحد 3000 rpm
وبعد كده براحتك بقى بس خلى بالك من استهلاك البنزين
استاذ احمد
ان شاء الله هستلم العربية بتاعتى الأسبوع الجاى والمفروض ان بعد خطوات الإستلام النموذجية اللى قلتهالنا واللى ربنا يجازيك بيها عننا خير ان شاء الله عندى شوية اسئلة:
1. بخصوص ملى الكاوتشات نيتروجين... ايه اقرب مركز للملى من اوتو ايجيبت مدينة نصر؟
2. هل ممكن بعد التسخين لدقائق اخد بيها مشوار طوالى 200 كم تقريبا لحد بورسعيد لأنى من بورسعيد اساسا؟
3. ايه هى النصائح فى حالة السفر الطوالى لأول مرة بعد الإستلام؟
4. انا ان شاء الله عاوز اركبلها فرش جلد ودواسات فهل فيه واحد كويس اروحله يكون عنده فرش محترم للسوبر صالون خاصة ان الكنبة الخلفية فيها جزء منفصل لمسند الذراع. انا عاوز فرش يستحمل ويكون سعره كويس فى نفس الوقت؟
وشكرا ليك على التقرير الهايل بتاعك
اقرب محطة تزود فيها نيتروجين , كالتكس فى اخر عباس العقاد متقاطع مع مصطفى النحاس
وبخصوص الطريق وحضرتك مسافر , متقرصش عن 100 , وياريت تنوع بين 80 الى 800 ومتمشيش على سرعة ثابتة
واحسن واحد تركب عنده فرش جلد بخامات محترمة جدا .. خامات مستوردة المانى .. وتركيب وتقفيل عالى .. هو .. جينز كار
اللى فى مدينة نصر .. بس ياريت تحجز معاه .. وخالى بالك التركيب بياخد حوالى 5 ساعات
قولى بقا ايه الهدايا اللى اخدتها من اتو ايجبت وقابلت مين هناك
بجد موضوع جااااااااااااااااااااامد مجهود متميز قعلا ,
انا كان ليا استفسار انا جايب العربية هى نيسان صنى مانويل 2011 من شهر 3 الى فات كده انا ماشويرى قصيرة ما بتزدش عن ساعتين تلاتة و كلها داخل البلد يعنى 20-30 كيلو المشوار و مبجريش يمكن اقصى سرعة جبتها كانت 80 و خبط فى حوالى 4-5 نقرات كانوا جامدين :majd(4): , عملت بيها لحد دلوقتى 860 كيلو , و فى مرة وانا باجيب الاول الفتيس معشقش كويس و عمل صوت زرجنه جامد بس دوست دبرياج بسرعه ,هل كل ده هيأثر على العربية جامد ؟
الله يخليك , وشاكر تقديرك
متقلقش من اللى حصل .. وحاول يوم جمعة خد العربية واتحرك فى مشاوير طويلة الفترة الجاية
والله يابوحميد انا لسة ماقابلتش حد وجها لوجه انا يدوبك حولتلهم المقدم على بال ما يلاقوا اللون اللى طلبته كحلى فرش بيج هاى لاين وهتتوفر على كلامهم يوم الأربعاء القادم ويومين كمان على بال الورق ما يوصل يعنى على يوم السبت او الأحد ان شاء الله هنزل القاهرة ان شاء الله واستلم
ومحدش قاللى على اى هدايا خالض مع انى قريت انهم المفروض بيعملوا خصم ع الكاش الف جنيه وبيدوا بارك سنسور وميدالسة وحاجات من دى لكن انا اللى اتكلمت معاه انسان محترم اوى اسمه احمد حسن فى فرع مدينة نصر
اه احمد حسن حبيبى , وانسان محترم جداا
قريت فين موضوع ان فى خصم 1000 جنيه على الكاش !!
محدش قالى على موضوع ا1000 جنيه ده , وكمان السنسور بيكون مع عرض التقسيط فايننس , لكن الهدايا العادية هى اللى بتاخدها وحتاخدها
ووقت لما تيجى القاهرة قولى بس
شكرا يا ابو حميد
تخفيض 1000ج ده انا قريته فى المنتدى هنا من فترة من احد اعضاء المنتدى اللى لما استلموا عربياتهم كان فيه تخفيض الف جنيه
ان شاء الله خلال الأسبوع القادم هيبقى الإستلام وهكلمك علشان اتشرف بمعرفتك
ال1000 جنيه اللى حد اخدهم من اتو ايجيبت تخفيض كان حسين و وكان وقتها ممكن يكون فى خصومات كبيرة كدا , وبعدها معرفتش اجيب للاعضاء خصومات كبيرة كدا , واللى بقدر عليه هدايا فقط
لان حالى السوق بيتغير من يوم للتانى
وتحت امرك ويشرفنى مكالمتك
تحياتى
please tell us the best place to by nissan sunny TAKSSET
السلام عليكم ,,,
موضوع رائع يا باشا تسلم عليه وجزاك الله كل خير ,,, أنا عندي استفسار بخصوص ظبط ضغط العجل ,,, هل يتم الظبط كما هو موضح على باب العربية ,,, أنا عندي مكتوب 33 - 36 ولما جيت اظبط الهوا الراجل قالي 36 دي قدام و 33 ورا وقالي إن الضغط ده عالي و يؤدي إن العربية تدب على المطبات وظبطهالي على 30 كل العجل ,,, هل الكلام ده صحيح ؟؟ ولا أروح اظبطها زي ماهو مكتوب ؟؟ مع العلم إن العربية صني سوبر صالون
ماخالص التحيات....
امشى زى ما مكتوب فى قايم االباب يا باشا .. ضرورى جدا.. ومتسمعش كلام حد
نفسى بتوع الكاوتش يبطلوا فتى بقى ويسيبوهم من موضوع 28 فى الصيف و30 فى الشتاء ده بقى
لازم نلتزم باللى مكتوب ع العربية وبس زيادة ولا نقص
اللى صنعوها ادرى ناس باللى ينفعلها
عربيتى مو 2010 ex ومكتوب 32-29
وعربية زميلى مستلمها معايا مكتوب 36-33
!!!!!!!!!
واستلام نفس الشهر ومافيش اختلاف بينهم فى اى حاجة
انا كنت قريت انهم فى فترة معينة زودوا ضغط العجل عشان استهلاك البنزين يقل شوية والسحب يزيد وبعدين لقوا مفيش رجا منها
بس انا لو مكتوب 50 هاعمله زى ما هما كاتبين
زى موضوع الزيت ده
لو ما كانش فيه باتش موبيل 1 فى صدر العربية كنت حطيت اى نوع زيت
انما انا باحب امشى زى ما اللى صنعوها بيقولوا
وكل واحد له القرار الاول والاخير طبعا
اية الحلاوة دة : ) لا بجد معلومات الواحد استفاد منها شكرا على الموضوع الجامد جداااا ...
انا لي تجربه فى الموضوع ده
لو ضبطت الضغط زى الكتالوج حتلاقى العربيه ناشفه جدا وبترزع بس سحبها ممتاز واستلاك بنزين كويس
لو عايز تحس ان العفشه ناعمه اكتر من العادى بتاعها يبقى خليك فى ال 30 امامى و28 خلفى بالرغم من انه اقل بكتير من الرقم الموجود على القايم عندك 36/33 او حتى فى النيسان 2010 اللى هو 32/29
الحل ده حيريحك من ترزيع العفشه بس حيقصر عمر الكاوتش ويزود استهلاك البنزين
وده عن تجربه بيفرق السما من العمى فى العفشه
والاختيار ليك
مع كامل احترامى لنيسان واحمد مصطفى كبير مشجعى نيسان
هانى بيك .. فينك من زمان .. وحشنا يا باشا كتير والله
كلامك سليم يا باشا .. فعلا ارقام ظبط الكاوتش الجديدة .. بتفيد فى استهلاك البنزين .. والسحب
لان فعلا اى خلل او ارقام اقل من اللى مكتوب .. بتلاقى العربية تقلت فى السحب حاجة بسيطة والاستهلاك بيعلى
وده حصل معايا .. فى مرة العربية معايا سحبها بقا بطى شويتين .. واستهلاكها عالى فى البنزبن .. ولقيت لما كشفت ان الكاوتش مش مظبوط خالص .. ولما ظبطه بقا افضل
وياريت الناس تحط نيتروجين لانه ممتاز جدا وبيحافظ على عمر الكاوتش .. وبيعطى اداء افضل مع الفرامل كمان
وبيظبط موضوع العفشة ومش بتكون ناشفة اوى .. بتكون معقولة
بس كدا حتافضل بين نعومة عفشة واستهلاك زايد فى البنزين .. ام عفشة ناشفة واستهلاك طبيعى
جرب اظبط على 36/33 بس تكون حاطط نيتروجين
عن نفسي حاولت اقسم البلد نصين :)))))
حاولت ازود نعومة العفشة ... و في المقابل ما ياثرش على السحب و عمر الكاوتش ...
رحت ظابط القداماني على 35 و الخلفي على 32 .... قللت درجة يعني امامي و خلفي ....
النتيجة ... تحسن بسيييييط في نعومة السيارة ...
و بصراحة ناوي اسيبها كده ....
و ممكن المرة الجاية اخليها 34 - 31 ....
بصراحة العربية سحبها للبنزين عالي فـأنا كده كده مش هاعرف احسبها صح على العموم أنا حطت نيتروجين وظابط على 36-33 ... بص يا باشا أنا مشيت بيها 100ك وقولت أفول حطيت 11L يعني بمعدل 9ك في اللتر ... وتاني مرة مشيت 200 وفولت حطيت 24 لتر يعني بمعدل 8.3 ... مع العلم إن كل ده من غير تكيف ... ودلوقتي أنا بجرب بالتكييف داخل على الربع الاخير من العداد وعامل 195k بس ... مش فاهم بقى هل ده طبيعي علشان أنا في أول 1000 ولا كده ده كتير وممكن يكون عندي في مشكلة ... مع إن الناس هنا على المنتدى بيقولوا 240 - 250 في الصفيحة ... وموديلات قبل 2011 واللي المفروض إنهم عمله حساس أكسجين في 2011 ... ياريت لو تفيدني يا باشا ولك جزيل الشكر.
ما تقلقش ياباشا هى فعلا حريقة بنزين
بس انا عن نفسى بافول العربية من 37-40 لتر 92 مرة واحدة وبيعملوا معايا من غير تكييف 520-530 كم طرق سريعة وبانقل على 3 rpm والسرعة القصوى 120-130 كم
اما لو شغلت التكييف بنفس الطريقة وده بيكون فى 20-25% من وقت السواقة عامة وطرق سريعة برضه ممكن تكمل لحد 460 كم
غالبا نص العداد اللى فوق باكون قطعت 200 كم واللى تحت بيكمل 300 كم
اما فى بعض المشاوير داخل البلد وماشى اول وتانى ومشغل التكييف احب اقولك التفويلة مش بتكمل 350 كم وده بيحرق دمى طبعا
مع العلم ان عربيتى مو 2010 وفيها حساس اكسجين واغلب سواقتى معتدلة بدون حرق اكتر من 3 rpm الا اذا كنت باخطى عربية نقل او خلافه و80% من سواقتى للعربية طرق سريعة بين الرابع والخامس
واكيد مع الوقت والصيانات الاستهلاك هايتحسن ما تقلقش
يا جماعة .. سبق واتكلمنا مليون مرة على الموضوع ده .. انتو من خوكم عاملين قلق .. وياريت الكل يقراء الموضوعات بتعته واسبابه كويس جدا
لسه فى ناس فى صيانة الالف مينفعش تحكم عليه .. وسبق وقولنا مليون مرة .. ليمكن حد ياخد استهلاك ثابت فى البنزين
ممكن واحد يعمل 240 او 260 فى الصفيحة .. انا لو ركبت عربيته هى هى معملهاشششششش ابدا
تفرق حساسية رجلك جدا .. وبتفرق الطريق والكاوتش وحالة العربية .. والسرعة وحاجات كتير جداااااااا .. موجود عنها موضوع فى الموضوعات المثبتة .. ياريت تقروه عشان تستفاده منه
احيانا العربيات بتطلع من المصنع حساس الtps مش مظبوط على القراءة الصحيحة .. فعند صيانة الالف بيتظبط .. واحيانا وارد العربية تطلع مش مترصصة كمان .. وبتتظبط ببلاش الترصيص مجانا اول صيانة
فمتخافوش .. وبلاش قلق
اللى عاوز يحكم على الاستهلاك يستنى عربيته بعد صيانة الالف .. ويقرا الموضوع المثبت بتاع اسباب زيادة النزين .. ويظبط كاوتشه
وكمان يبعد عن الزحمة .. ويطلع على طريق طوالى وميعديش ال100 كيلو فى السرعة
ونرجع ونحكم
تحياتى
بارك الله فيك و نفع بيك المسلمين و غير المسلمين علي حد سواء ....
الله يخليك يا فندم وشاكر ليك تقديرك ودعائك الكريم ..
تحياتى
ما شاء الله الموضوع فعلا مهم ومفيد جدا جزاك الله كل خير
بس انا اليومين دول ماشي في اجراءات قسط صني سوبر صالون بس في ناس بتقول ان العربيات الحديثه متلينه جاهزه و مش محتاجه تليين و كمان سمعت ان العربيات الحديثه مش محتاجه تسخين فياريت تفيدونا في الموضوع ده افادكم الله
كمان كنت عاوز اسأل عن المشتملات الى اسأل عليها عند الاستلام يعني كام مفتاح و كام ريموت و هل الكاسيت كمان ليه كتالوج ولا لا و ليه ريموت ولا لا و الاستبن بجنط سبور ولا حديد و الدواسات بتبقى اصلي ولا الي يدوهولي اخده
كمان المفروض انها نازله بسنسور و اشارات في المرايات ازاي اتأكد انها راكبه فيها من المصنع ولا لاعشان الضمان؟
يعني هو اختلاف اقوال ...... بس الاضمن انك تلينه
هو كله 1000 كم ... يعني مشوارين طوالي ويخلصوا ويبقي استريحت نفسيا
هي مش بتسخن ديه صحيحة ....... ممكن تدور وتمشي علي طول
هاتستلم مفتاح اسود بيفتح كل حاجة في العربية بما فيهم الشنطة وبيشغل العربية
وواحد تاني نبيتي بيفتح كل حاجة ماعدا الشنطة وبيشغل العربية برده
وحزء معدن كده مكتوب غليه رقم مهم جدا ... ممكن تطلع منه المفتاح حتي لو مش معاك نسخة
وهاتاخد ريموت واحد فقط.
والكاسيت ليه كتالوج وضمان والسوبر صالون الكاسيت له ريموت
الاستين مش عارف بصراحة
الدواسات انا اخدنها هدية
هما ممكن يركبوها مش شرط المصنع بس مفيهاش لعب خالص بياخد سلكة وبيركبها .... متقلقش.
وربنا ييسرلك الخير وتستلم بكل خير يارب العالمين
متشكر جدا جدا جدا لاهتمامك يا باشا
قدامى عرض من معرض فى مدينة نصر اشترى صنى 2011 بمقدم 9200 جنية وقسط 1300 لمدة 90شهر من غير تامين او حظر بيع بفايدة 6% افيدونى
الكلام ده مشابه للتقسيط عن طريق بنك ناصر مع الفرق انك مع بنك ناصر بيكون في حظر بيع و لازم بتحول ليه مرتبك او تحط وديعه و لو هتحول مرتبك بتجيب ضامن الا اذا كان المقدم اكتر من نص سعر العربيه فلو الكلام ده يناسبك يبقى بنك ناصر امان عن اي معرض انا مخلص اجراءاتي مع بنك ناصر و مستني المعرض توصله العربيه عشان السوبر صالون مش موجوده دلوقت
يا جماعه أنا كنت حاجز سوبر صالون هاي لاين فراني فرش رمادي من أتوإيجبت مدينة نصر و كان المفروض أستلم 15/9 بس الموضوع شكله مطول
أنا بعد ما كنت استقريت على الصني ابتديت أفكر أجيب حاجة تانية و رجعت للحيرة تاني أنا أقصى أمكانياتي أقسط عربية الكاش بتاعها 105000