الموضوع: لمؤيدى اقالة المشير .......... اقنعونى لاقتنع

المشاركة الأصلية كتبت بواسطة A.Saad

لمؤيدى اقالة المشير .......... اقنعونى جتيز اقتنع
والموضوع جاد مش سخرية ولا هزار

دلوقت الكلام على ان التباطؤ فى المحاكمات سببه المشير والمفروض من وجهة نظركم ان المشير يقال علشان المحاكمات تسرع
عايز اعرف الاتى :-

1- ليه المشير شخصياً ، مش القاضى اللى بيأجل او يصدر الحكم ............. هل المشير ادى تعليمات بكدة
وللناس اللى لسه ماتحكموش ,,,,,,,,,,,, مش وكيل النيابة او رئيسها هو اللى بيحقق
هل المشير ادى تعليمات بتأجيل المحاكمات

2 - ليه المشير مش المجلس العسكرى كله ............... مش جايز يكون فيه مؤامرة منهم عليه علشان يشيلوه

3 - ايه الية او طريقة تعيين رئيس للمجلس الاعلى بعد اقالة المشير
هل هيتم التعيين من داخل المجلس ولا من خارجه
ومن اى سلاح
وبالانتخاب ولا التعيين
ولو بالتعيين
مين اللى هيعين
ولو بالانتخاب
مين اللى هينتخب
الشعب ولا الجيش
لو الشعب : هنعرف ازاى الراجل الجديد ، هل هيكون ليه برنامج انتخابى وهل فيه اشراف قضائى على الانتخابات
وهل الشعب اللى هيحدد المرشحين ولا الجيش
وايه رد الفعل اللى الشعب ياخده لو حس بتزوير فى الانتخابات او ان الجيش بيفرض مرشحين محددين
ولو الجيش
اى رتب ومن اى اسلحة وازاى
وهل هيكون فيه اشراف قضائى على الانتخابات : مهو يعتبر رئيس الدولة دلوقت

شوف يا استاذ A.Saad انا ليا اراء فى موضوع المشير هأعرضها على حضرتك دلوقتى بس فيه حاجة موضوع انه يتم اقالته الان مش ده اللى فى اهتمامى و ان كنت متخوف جدا من وجوده و الاحداث بتزيد من هذه المخاوف و اعتقد انه مع الوقت لابد ان يمتد الاصلاح الى وزارة الدفاع
و نرجع لارائى و هى قد تقبل الصواب او الخطأ و تحت امر حضرتك فى النقاش

بالنسبة للمحاكمات
فكان من الممكن تشكيل لجان قضائية للتحقيق بجانب المدعى العام اختصارا لوقت التحقيقات و لمساعدة النائب العام على الانتهاء من البلاغات المقدمة اليه
كان يفترض ان يتحفظ المجلس العسكرى على رؤوس الفساد و يمنع اى طريقة للاتصال بهم و يتحفظ على الاوراق التى تركت لتفرم او لتحرق و يقدم برنامج حماية شهود مع العفو لكل من يدلى بمعلومات عن كبار رؤوس الفساد حتى لو كان مشارك معها بالمساعدة
البدأ بالبلاغات التى تخص الكبار اولا و ذلك لتهدئة الشعب و لتخويف الباقين
على فكرة انا من زمان كان عندى رأى فى موضوع المحاكمات و هو ان الفساد فى المجتمع كله و بالتالى مش هينفع احاكم الكل و لكن لابد من ضرب الرؤوس الكبيرة و الهامة و التى كانت تضع السياسات و تأخذ القرارات و بكده الصغيرين هيخافوا و يتعدلوا علشان كده تلاقينى بتكلم عن الشهادة مقابل العفو
نقطة اخيرة لا يمكن ان ندعى ان القضاء مستقل تماما و لا يمكن ممارسة اى ضغوط عليه و معروف ان هناك قضاة للبراءة و اخرين لاشد العقوبات و من الممكن ان حضرتك تعمل بحث عن المستشار عادل عبد السلام جمعة الذى يحاكم امامه حبيب العادلى

اما اداريا
هأعطى لحضرتك مثال و افهم منه حضرتك الباقى
لما يكون هناك شركة كبرى و لها رئيس مجلس ادارة فاسد و سارق و مرتشى و ظل ماسك هذه الشركة لمدة ثلاثون عاما و قام هذا الرئيس بتعيين مدير تنفيذى من اختياره وظل معه لمدة عشرون عاما و بالطبع كل الصفقات و التعاقدات و كل شيئ كان يتم بعلم الاثنين فماذا تعتقد ان يكون هذا المدير

اما عسكريا
و برغم انى غير عسكرى و اتوجه بالاستفسار هذا الى العسكريين ,ما معنى ان تذهب الى ابو و اخو و صديق عدوك الاكبر و تجعله خيارك الاول و الاخير فى التسليح فكل سلاحنا الان تقريبا امريكى و عصب سلاح الطيران و هو السلاح الاهم فى اى معركة هو طائرات الاف 16 و التى يأتى وقودها من امريكا و ماذا لو حدثت حرب و منعت عنا امريكا وقود هذه الطائرات ساعتها هتكون الطائرات على الارض و هدفا سهلا لتدميرها و بيعها خردة للحاج عبد الغفور البرعى
و ماذا لو نفذت الذخيرة و رفضت امريكا اعطاءنا ذخيرة جديدة , اعتقد كان يفترض ان ننوع من تسليحنا و خصوصا فى مجال الطيران
فى اعتقادى و الله اعلم ان هذه خطيئة استراتيجية فمن يتحملها ؟؟
طبعا بالاضافة الى مسائل اخرى لا اريد ان اخوض فيها منعا للبلبة و لحساسية الموقف

اجتماعيا
تفريق و شق وحدة الصف اللى كانت موجودة بين مختلف اطياف الشعب فى ايام الثورة الاولى وذلك بأبتداع تعديلات دستورية لم تكن تفرق فيها النتيجة بين نعم و لا لانه فى الاخر اعلان دستورى اكثر من 85% من مواده تمت بأرادة المجلس العسكرى وحده

امنيا
فشل تام فى التعامل مع حالة الانفلات الامنى الحادثة الان و عدم الحزم مع وزارة الداخلية
من الذى سمح لضباط امن الولة بفرم و حرق الاوراق الهامة و التى تخص الدولة و ما الاجراء الذى تم اتخاذه ضد هؤلاء الضباط

اعلاميا
الاحتفاظ بنفس اسلوب الخطاب القديم و اتباع حالة تعتيم و تضارب فى التصريحات و الحفاظ على كثير من القيادات الفاسدة لوقت طويل

اما موضوع مؤامرة من المجلس العسكرى فى اعتقادى مستبعدة تماما لانهم فى الاخير فى مركب واحدة و لو بدأت برأس المجلس فماحدش يعرف هتنتهى عند مين

كل اسئلة حضرتك فى النقطة الثالثة من الممكن التعامل معهم بأقتراح من اثنين
الاول : موضوع المجلس الرئاسى و هذا فى خلافات عليه
الثانى : و هو فكرة غريبة شوية و هى ايه لازمة اختيار رئيس للمجلس العسكرى
طبعا حضرتك بتقول ايه الكلام الغريب ده هو الراجل ده بيقول ايه ,بس استنى عليا
الفكرة اللى انا اقصدها لماذا لا نترك النظام الرئاسى جانبا لفترة و نجعل رئيس الوزراء يقوم بأعمال رئيس الجمهورية لفترة انتقالية و حتى انتخاب مجلس الشعب القادم
و بالتالى كرئيس وزراء يختار هو وزرائه بحرية و من ضمنهم وزير الدفاع و الذى يعمل بوزارته تحت امرة رئاسة مجلس الوزراء حتى تكمل الدولة مؤسساتها
طبعا نظام رئيس الوزراء معمول به فى كثير من الدول
طبعا اكرر ديه افكار قد تقبل الصواب او الخطأ و لكن المهم لازم نفكر

و فى النهاية تحياتى لشخصك الكريم

المشاركة الأصلية كتبت بواسطة A.Saad

ايه الفرق بين ان رئيس الوزرا يقوم بعمله وبين قيام المجلس بعمله

بصراحة رد حضرتك غير متوقع ,يعنى انا كنت متوقع ان الرد ده كان هيكون نقطة فى ردك بما ان الموضوع الاساسى كان هدفه مناقشة دور المشير فى الوقت الحالى و عدم كفاءة ادارته و كنت منتظر من حضرتك ان تقول ما النقاط التى اتفقت معها و ما التى اختلفت معها و اسباب الاختلاف
عموما ارد على حضرتك فى نقطة لماذا رئيس الوزراء
الهدف من الفكرة ديه حاجات كثير منها
* سهولة قيام رئيس الوزراء بمحاسبة الفاسدين و القبض عليهم و تقديمهم لمحاكمات دون اى نوع من الخوف او الاحراج بعكس المجلس العسكرى الذى يرتبط بصداقات مع بعض المسئولين القدامى و كان يدين بالولاء و القسم للرئيس السابق
* رئيس الوزراء رجل مدنى عنده القدرة على التواصل مع كل اطياف الشعب ويستطيع ان يتقبل كل الافكار عكس الطبيعة العسكرية التى تعودت على الاوامر و التفرد فى اتخاذ القرارات و الضيق من توجيه الانتقادات
* حل اشكالية المجلس العسكرى و اختيار رئيسه لان فى هذه الحالة سيصبح هناك وزير دفاع و هو جزء من حكومة يرأسها رئيس وزراء
* سهولة و سرعة اتخاذ القرارات لان رئيس الوزراء سيأخذ القرارات و ينفذ دون الرجوع لمجلس عسكرى هو غير مختص بالقرارات المدنية و لكنه اصبح مسئول عنها و لابد ان يفهمها قبل اصدارها
* ابعاد المجلس العسكرى من ان يكون فى خط مواجهة مباشرة مع الشعب و بالتالى عدم الاصطدام معاه
* نقطة تاريخية و نفسية و هى بخصوص الشرطة و التى ترى انها تأخذ اوامرها من الجيش و ده بسيبب لهم ضيق اما فى حالة رئيس الوزراء سيكون كل من الداخلية و الدفاع مرؤسين و تصبح العلاقة بينهم علاقة تعاون و مساعدة
* فى العلاقات الخارجية دائما ما تفضل الدول الاجنبية و مؤسساتها التعامل مع متخذ قرار مدنى و لا تفضل التعامل مع العسكريين
هذه اسباب طبعا تقبل الاتفاق او الاختلاف و لكنى اعتقد انها الى حد كبير معقولة و فى انتظار اراء حضرتك سواء فيها او فى المشاركة السابقة بخصوص المشير
و تحياتى لحضرتك

المشاركة الأصلية كتبت بواسطة أشرف العدوي

هو حضرتك جبت المعلومة دي منين الي تحتيها خط
لاني متأكد انها خطأ تماماً

بالنسبة لسلاح الطيران
((إن عصب القوات الجوية المصرية اليوم هو 220 طائرة مقاتلة من طراز إف-16 فالكون وبذلك تكون مصر رابع مستخدم لتلك المقاتلات في العالم.[8]
تستخدم القوات الجوية المصرية أيضًا 19 طائرة ميراج 2000 بالإضافة إلى تطوير 32 طائرة من أنواع إف-4 فانتوم الثانية، ميراج 5، وسي 130 هيركوليز. تستخدم 6+2 طائرة إنذار مبكر وتحكم من نوع إي - 2 هوك آي، والتي يتم تطويرها إلى طراز هوك آي 2000. ولكن لا يزال هناك قيود مفروضة على القوات الجوية المصرية تمنعها من التطور واستخدام الطائرات المتطورة وإمكانيات إعادة ملء الوقود جوًا وتَملك قذائف موجه بدقة عالية. وذلك بسبب رفض الولايات المتحدة الذي أدى إلى إلغاء عقد بقيمة 4.5 مليار دولار أمريكي عام 2005 لشراء عدد يتراوح بين 60 و 100 طائرة إف - 16 أخرى، مما جعل مصر تتجه لروسيا لشراء أربعون طائرة ميكويان ميج-29 إس إم تي وأربعة وعشرون طائرة ياك - 130 بالإضافة لعقد بشراء 30 طائرة سوخوي - 35.))
http://ar.wikipedia.org/wiki/%D8%A7%D9%84%D9%82%D9%88%D8%A7%D8%AA_%D8%A7%D9%84% D8%AC%D9%88%D9%8A%D8%A9_%D8%A7%D9%84%D9%85%D8%B5%D 8%B1%D9%8A%D8%A9
لو حضرتك اخذت بالك هتلاقى الطيارات الحديثة فقط هى من الصناعة الامريكى و الباقى صناعات قديمة و بواقى سلاح السبعينات و الثمانينات بما فيها الميراج ال 2000 التى هى انتاج الثمانينات و توقف انتاجها و حلت محلها الرافال بالاضافة الى اليوروفايتر و حتى جزء من الطائرات الميراج تقريبا عدد 5 طائرات ان لم يخونى الرقم تم شراءه مستعمل من الامارات
و ده رابط بيوضح ان اكثر من نصف قوة سلاح الطيران امريكى و هو الحديث اما اقل من النصف الباقى هو القديم من السبعينات و الثمانينات
http://www.globalsecurity.org/military/world/egypt/airforce.htm
و اليك رابط يوضح تفصيل ومقارنة سلاح الطيران فى عامى 1990 و 2010 و قارن بين زيادة السلاح الامريكى بشكل عالى جدا و نقص السلاح من الدول الاخرى
http://www.globalsecurity.org/military/world/egypt/airforce-equipment.htm
و هذا معناه ان الشراء و التحيث يتم من قبل امريكا فقط

نيجى للقوات البرية
دبابات القتال الرئيسية</SPAN>

• أم 1 أي 1 / أم 1 أي 2 أبرامز : (العدد:1,005) (محلي الصنع) ---- امريكى

• أم-60 : (العدد:1,700) -------------- امريكى
• تي-62 : (العدد:500) -------- روسى قديم
• تي-55 : (العدد:390) -------- روسى قديم
• رمسيس الثاني : (العدد:260)

ناقلة جنود مسلحة مجنزرة و عصبها m 113 و عددها اكثر من 2100 ناقلة و تمثل حوالى الثلثين
و ممكن حضرتك تكمل من الرابط
http://ar.wikipedia.org/wiki/%D8%A7%D9%84%D9%82%D9%88%D8%A7%D8%AA_%D8%A7%D9%84% D8%A8%D8%B1%D9%8A%D8%A9_%D8%A7%D9%84%D9%85%D8%B5%D 8%B1%D9%8A%D8%A9#.D8.AF.D8.A8.D8.A7.D8.A8.D8.A7.D8 .AA_.D8.A7.D9.84.D9.82.D8.AA.D8.A7.D9.84_.D8.A7.D9 .84.D8.B1.D8.A6.D9.8A.D8.B3.D9.8A.D8.A9

الدفاع الجوى
طبعا مازال يعتمد على صواريخ سام القديمة و بالاضافة الىصواريخ باتريوت الامريكية و كان من المفترض ان يتم شراء نظم صواريخ s300 , s400 من روسيا و لكن لم يحدث
و اخيرا رابط لمقارنة التسليح للقوات البرية و هتلاقى حضرتك نفس الملاحظة للطيران

http://www.globalsecurity.org/military/world/egypt/army-equipment.htm

اعتقد انى رديت على حضرتك و بمصادر و فى مواقع اخرى و منتديات بس انا فضلت المصادر الاقوى
و طبعا لو عند حضرتك ما يثبت خطأ ما ذكرت فأرجو التوضيح مع ذكر مصادرك و بالمناسبة لقد اصبحنا فى عصر مفتوح و كل شيئ اصبح يتصور حتى فى المخازن و يتم عمل الدراسات و ذكر الاعداد بدون الاساليب القديمة للمخابرات
و تحياتى لحضرتك