تسجيل صوتي للرئيس السابق على العربية

**dr_magdi2009** · 10-04-2011 07:01 PM

بخاف جدا لما كل الناس تتفق فى راى واحد ........لان سياسة الراى الاوخد بترعبنى انى انجرف فيها ....وفى الاخر الكل بيطلع غلط خايف كلنا نطلع غلط و كله اتهامات كاذبة زى مابيقول .............

لاتنسو مافعل عبد الناصر بعد ثورة 52 فى الملك فاروق طلع فيه عيوب كتير كان التاريخ بيعيد نفسة و للاسف اكتشفنا نزاهة الملك فاروق و اسرتة بعد فوات الاون

فى مثل امريكى بيقول: ان الساعة الخربانة بتيجى مرتين بتكون صح )

دائما احترم الراى الاخر حتى لو مش على هواك

ماحدش يحسينى بدافع عن مبارك ..ولا فلول ولا طعمية
الحمد لله ..فى حياتى كلهماليش دعوة فى السياسة فى حالى

بس هى دى خبرتى فى الحباة

**tawfic** · 10-04-2011 07:12 PM

من محمد حسنى مبارك الى جموع الشعب المصرى
شكرا على حسن تباطؤكم و نتمنى لكم حرب اهلية موفقة

**enas75** · 10-04-2011 07:14 PM

اولا الجيش مش حيرد...لان الموضوع مش بالكلام ..الورق هو المهم .....والنائب العام بيحقق ....مع اني متاكده انه مش حيثبت حاجه
..............
حسني مبارك من 6 سنين طلب من البرلمان الخروج الامن وترك الحكم ...كما حدث في روسيا وساعتها البرلمان رفض ( برلمان2005) اللي كانت المعارضه فيه قويه جدا
وكلهم قالو ساعتها مفيش خروج امن
توقعي الحالي انه اتفق مع الجيش علي الخروج الامن وده بسبب الانشقاق اللي اتقال انه حصل بين الجيش والحرس الجمهوري ومنعا للصدام الدامي بين جبهات الجيش والحرس والشعب خرجو بقرار الخروج الامن اللي حاصل......
حتقولو طب ليه الجيش مش بيعلن ده ...حقولكم ............ان محدش حيحاول يفهم ساعتها والدنيا حتولع ...(ده مجرد انه طبق حظر تجول بالمعني الحقيقي ليه ..قامت ناس تطالبه بالرحيل) .....فقرر انه ياخدنا بهدوء عايزين محاكمه ....حاضر حيتحاكم وفي النهايه تنزل القضيه علي مفيش ويكون عدت سنين والناس هديت خصوصا ان في الوقت ده حتصدر احكام ضد باقي شله الانس اللي في طره لاند
ده ممكن جدا يكون سيناريو حاصل ........وراي يحتمل الصواب او الخطا....والايام حتوضح لنا هذا

**medo_2060** · 10-04-2011 07:16 PM

يخرب بيت البجاحه والله... بعد ما ظبط الفلوس هو وولاده وكلابه جاى دلوقتى يقولنا الى يطول يمسك عليا حاجه يبقى يقابلنى ...
وليه الخطاب دا جاى يتذاع بعد شهرين ليه مسمعناش صوت فخامته من فتره...وليه قناه العربيه ومش التلفزيون المصرى..وليه المجلس العسكرى سمح ليه بالهجص دا وطالع يقول الاخوه المواطنون وبتاع...انا دلوقتى اتأكدت ان احنا بيتعمل علينا مسلسل تركى وفى انتظار برضه رد فعل المجلس العسكرى (فعل وليس كلام فيسبوك)

**Khaled_Nowaihy** · 10-04-2011 07:18 PM

دهاء العواجيز هزم حماس الشباب .... ابتداء باستدرار العطف وفى النهاية بالأدب والقانون
والمتهم برئ حتى تثبت ادانته .... ما هو القانون بيقول كده
يا سلام لو طلع الشعب كداب وهو اللى افترى على الراجل الشريف هو وعائلته
سمة عصر مبارك ............. كله بالقانون
الشعب اتقرطس يا رجالة
رحماك يا الله

**otefa** · 10-04-2011 07:31 PM

المشاركة الأصلية كتبت بواسطة enas75

اولا الجيش مش حيرد...لان الموضوع مش بالكلام ..الورق هو المهم .....والنائب العام بيحقق ....مع اني متاكده انه مش حيثبت حاجه
..............
حسني مبارك من 6 سنين طلب من البرلمان الخروج الامن وترك الحكم ...كما حدث في روسيا وساعتها البرلمان رفض ( برلمان2005) اللي كانت المعارضه فيه قويه جدا
وكلهم قالو ساعتها مفيش خروج امن
توقعي الحالي انه اتفق مع الجيش علي الخروج الامن وده بسبب الانشقاق اللي اتقال انه حصل بين الجيش والحرس الجمهوري ومنعا للصدام الدامي بين جبهات الجيش والحرس والشعب خرجو بقرار الخروج الامن اللي حاصل......
حتقولو طب ليه الجيش مش بيعلن ده ...حقولكم ............ان محدش حيحاول يفهم ساعتها والدنيا حتولع ...(ده مجرد انه طبق حظر تجول بالمعني الحقيقي ليه ..قامت ناس تطالبه بالرحيل) .....فقرر انه ياخدنا بهدوء عايزين محاكمه ....حاضر حيتحاكم وفي النهايه تنزل القضيه علي مفيش ويكون عدت سنين والناس هديت خصوصا ان في الوقت ده حتصدر احكام ضد باقي شله الانس اللي في طره لاند
ده ممكن جدا يكون سيناريو حاصل ........وراي يحتمل الصواب او الخطا....والايام حتوضح لنا هذا

أنا معاكي في جزئية الخروج الأمن وأغلب الظن أن فيه أتفاق تم لخروج مبارك بأقل الخسائر وكان رئي من أول أيام الثورة أنهم هايرجعوا منه الفلوس بس مش كلها ودون محاكمات جنائية ليه فقط دونا عن باقي عائلته
بس التسجيل ألي ظهر ده ضد النظرية دي تماما
يعني في حال صحة الأتفاق على الخروج الأمن وظهور الفيديو في التوقيت ده وفيه أعتصامات وأتهام للمجلس بالمؤامرة يبقى بيأكدو الكلام وبثيرو الشعب ضد هم أكثر أيه الحكمة من كده؟!
المفروض طبعا المجلس يطلع بيان يوضح أزاي تم التواصل بين مبارك في أقامته الجبرية مع قناة أجنبية؟!
في الأغلب التسجيل أتسرب لأحداث وقيعة وفتنة في البلد

**medo_2060** · 10-04-2011 07:39 PM

وبعدين هو بيحصر الموضوع فى الفلوس ليه !! طز فى الفلوس جنب البلاوى الى عملها وقتل المتظاهرين !!
منقول من كلنا خالد سعيد :

مبارك تألم من حملات الدعاية الظالمة عليه وعلى أسرته ولم يتألم من موت مئات الآلاف من المصريين من المرض والجوع واستشهاد أكتر من 500 شخص برصاص شرطته وتعذيب عشرات الآلاف في سجونه واصابة الآلاف في عينهم برصاص زبانيته .. حاجة تكسف

**م. عمرو شرف** · 10-04-2011 07:57 PM

لما تربطوا اللى حصل يوم الجمعه وضرب نار على الجيش فجر السبت ( أيوه ضرب نار وفيه أصابات) ونبرة التشكيك فى المجلس الأعلى والمطالبه برحيل طنطاوى وعدم حضور جمال للتحقيق وبعد كده الخطاب ده

يبقى دى أكبر ضربه للجيش ( علشان الناس تقول أنه متفق معاه )علشان الناس تقوم عليه ويحصل فوضى

كل اللى بيروح للنائب العام بيتحبس وأخرهم أحمد نظيف من شويه

يعنى لو جمال راح هناك مش هيطلع

علشان كده سرب الحديث ده دلوقت

وده حديث من طرف واحد مش حوار يعنى يتسجل على الكمبيوتر ويتبعت أيميل لقناة العربيه بتاعت السعوديه

هو مش فارق معاه أن البلد تولع بالعكس هو عايزها تولع