تسجيل صوتي للرئيس السابق على العربية

**تامر.محمد** · 10-04-2011 05:15 PM

المشاركة الأصلية كتبت بواسطة hobiko

حاموت و أقول كلمة قبيحة ...............

انا قلتها في سري لما شبعت

**omar-saad** · 10-04-2011 05:18 PM

انا متاكد ان الجيش هايحايد موقفه
وهايقول الاجراءات القانونية تاخد مجراها
وكل ثورة وانتو طيبين

**hossaam** · 10-04-2011 05:18 PM

يا جماعة...
ضروري نعمل مقابلة المنتدى الجمعة الجاية في شرم الشيخ...
واهو..يا نرجع يا ما نرجعش بقه...

يا مين يليمني عليك يا حسني..

وبعدين اشمعنى قناة العبرية .....موقف السعودية مش عاجبني..
خصوصا انها في قناتها الاخبارية الرسمية تعليقا على جمعة المحاكمة اللي فاتت
لم تذكر مطالب الجماهير بمحاكمة مبارك ...واكتفت بجملة محاكمة الفساد!!!

**aly_hosny** · 10-04-2011 05:18 PM

فين الخارجية ال سويسرية ال قالت مبارك ليه عندنا عشرات الملايين
ولا سويسرا بتضحك علينا

المشاركة الأصلية كتبت بواسطة memo_p910

سيبكم بقى من مبارك وعصابته وانظروا الى المستقبل كل دي فتن علشان تعرقل تقدمنا نحو المستقبل

لا مسيبناش
حقنا و لازم ناخده

**r0xer** · 10-04-2011 05:21 PM

انا معرفش ليه مضخمين الامور.

عادي جدا انه يطلع على قناة فضائية يتكلم..ممكن كنا حسينا بمدى التآمر لو كان طلع على تلفزيون مصري مثلا ولاحاجة. ولكن دي قناة فضائية، ومن حقه يدافع عن نفسه بالكلام أو القول أو الفعل. وإلا نبقى احنا كمان بقينا فاسدين لو هنطبق القوانين على هوانا دون الأدلة والبراهين.

الجيش مش من مصلحته يتستر على مبارك وهما عارفين كدا كويس جداً، ومبارك لعبها بذكاء و يوميا بيحاول يثبت مقولته انه خاف من الفوضى لو مشي..وبالفعل من يوم مامشي الفوضى بتزيد و خطابه دا هيزود الفوضى وبالتالي يصبح كلامه صحيح 100%.

أرجو أن لا ننساق وراء هذه التخاريف لهذا الشيخ العجوز، وان نهتم فقط بما هو في مصلحة البلاد في الوقت الحالي وهو الوحدة الوطنية مع الجيش و محاولة بناء مصر من جديد و التكاتف لذلك.

ولنترك ما للقضاء للقضاء فهي مؤسسة محترمة ونضيفة.

ولو معندكوش ثقة في القضاء المصري يبقى خلاص..على مصر يا رحمن يارحيم لانه لو فسد القضاء "اللي هو ماسك التحقيقات مع مبارك وكل الشلة دي" يبقى عوضنا على الله في البلد كلها نهائيا بلا رجعة. لكن الجيش ملوش علاقة بالتحقيقات ولا القضاء ولا ينفع يحشروا نفسهم وإلا هتبقى محاكمة غير عادلة وهيستغل الموضوع دا في اوروبا ومن ثم مش هيرجع لنا ولامليم.

ارجو ان لا ينزل الناس يوم الجمعة القادمة ضد الجيش لأن بهذا الشكل يكون قد انتصر مبارك من معركته في شرم الشيخ ضد العوام السذج من المصريين.

وشكراً.

**تامر.محمد** · 10-04-2011 05:23 PM

يا اخواننا الموضوع فيه جوانب كتير

1- كلمتين زي دول فعلا يثير الشعب ضد المجلس العسكري بعنف , و مفروض ان مبارك عارف كده طبعا

2- يعني ايه واحد في الاقامة الجبرية و بيسجل كلمتين لقناة اجنبية ؟؟؟؟؟؟ تيجي ازاي ؟؟؟؟؟ يعني اقامته مافيهاش حظر اتصالات ؟ ولا عادي ان اي حد يقابله ؟ و تبقى جبرية ايه دي ؟ ولا محظور عليه و اخترق هو ده ؟؟؟

3- يا ترى رد فعل المجلس العسكري هايبقى ايه ؟ لو ما كانش رد فعل قوي يتناسب مع الغيــــــــــــــظ اللي في قلوبنا كلنا يبقى البلد هاتدخل في دوامة زي الطين

4- مبارك فعلا هرب الفلوس كلها ؟ لو فعلا هربها مين اللي سمح له بكده ؟ سواء بالغباء او التواطوء ؟

**ahmedjumpo** · 10-04-2011 05:27 PM

ايه اللى بيقولوا الراجل ده و هل خلاص اصبح بهذه السهولة انه يستهزء بنا و مين اللى سامحله انه يتكلم و ايه فايدة الاقامة الجبرية اللى عاملها الجيش

المشاركة الأصلية كتبت بواسطة tlrsiap

هو مش بيحرق دمنا بس
هو بيقول لنا انا خلاص ظبطت اموري و اللي يعرف يمسك عليا حاجة و اللي هايطول مني قرش يبقى جدع

الفلوس راحت خلاص

يا استاذى ما هو ده اللى بنقوله بقالنا اكثر من شهر ان الفلوس راحت خلاص لانهم سابولوا الوقت و ده كان رد على استاذ عزيز يتكلم على محاكمة مدنية لمبارك

المشاركة الأصلية كتبت بواسطة ahmedjumpo

كلام حضرتك جميل و كان ممكن يتنفذ لو تم تجميد الاموال بمجرد تنحى الرئيس السابق اما و بعد صدور قرار التجميد بعد مرور شهر و نصف من التنحى هل تعتقد ان لسه فى اموال فى اروبا بأسم الرئيس السابق !!!!!
يعنى الفلوس مفيش و المحاكمة مفيش لان مش هيعرفوا يثبتوا عليه حاجة طالما الفلوس اختفت و مش هينفع يدان لانه هيجيب فى رجليه ناس كتير جدا جدا فى كل الاماكن و حبات السبحة ساعتها هتفرط و ده لن يتم السماح بحدوثه

هل بعد هذا و التاكد من ضياع الاموال هل مازال بعض الاخوة يروا ان هذا الرجل يستحق محاكمة مدنية عن مجمل الخراب الذى سببه فى مصر

المشاركة الأصلية كتبت بواسطة otefa

عندي أحساس جامد أن الموضوع فيه لعبة للتوقيع بين الجيش والشعب
نصبر شوية نشوف تعليق القوات المسلحة وباقي الأعلام
أصل مش منطقي أبدا ألي حصل ده
أشمعنى العربية
وأشمعنى الوقت ده بالذات والدنيا ملخبطة بين الجيش والمتظاهرين عايزين أيه من نشر حديث زي ده في الوقت ده!!!!!
ربنا يستر حاجة تقلق والله

يا استاذ اوتيفا لعبة ايه هو مش الراجل ده تحت الاقامة الجبرية و حراسة من الجيش ,اذن من المسئول عن اجراء هذا الحديث المستفز للشعب

**dode2002** · 10-04-2011 05:33 PM

عليك العوض يارب في مصر

-

الموضوع: تسجيل صوتي للرئيس السابق على العربية

LinkBack

أدوات الموضوع

عرض

-

-

-

-

-

-

المواضيع المتشابهه

حصريا تسجيل صوتي من مقابلة الرحاب بتاريخ 11/11/2011

الكشف عن مقبرة خمس نجوم للرئيس السابق مبارك

اقرار الذمه الماليه للرئيس السابق حسنى مبارك

بخصوص تسجيل العربية

الكلمات الدلالية لهذا الموضوع

المفضلات

المفضلات

ضوابط المشاركة