الموضوع: استفسار فى الجوازات

المشاركة الأصلية كتبت بواسطة fepsceasar

استاذ محمد سليم
انا شاكراهتمامك للاسف لو كنت اعرف حكاية المد دى كنت عملتها لكن كنت روحت خلاص وقالى تيجي الاربعا
ممكن افهم حكاية الساعة 12 انا عامله 12:15 (منه لله بقى اللى عطلنى هو كائن غريب معايا فى الشغل) المهم موظف الجوزازت قالى استلام الجوازات يوم الاربعاء من 10 إلى 3 هل فى طريقة أعرف بيها ميعادى أو احاول اقدمه اخليه قبل الساعة 1

مش معنى انه قالك من 10 الى 3 يعنى انت ليك ميعاد محدد للاستلام روحله الساعه 10 وهو حيسلمك او فى اى وقت من 10 الى الساعه 3 اللى هى ميعاد انصرافه من العمل فالمقصود بالميعاد ده هو المعاد اللى موجود فيه لغاية 3 رغم ان انا عرف ان فيه فتره مسائيه فى التحرير بسيمكن لغوها علشان القلق والمظاهرات اللى هناك

تسلم يا غالي

المشاركة الأصلية كتبت بواسطة ahmed4000

برده مبرر غير منطقى اخترعه موظف قديم وبقينا حافظينه - مش مقصود الاخ الفاضل صاحب الاقتباس-

لكن زحام ايه اللى حيحصل؟

كاننا كلنا حنسيب بيوتنا ومحافظتنا ونروح قسم فى حتة تانية ونعمل زحمة

انا ساكن فى مدينة نصر وشغال فى وسط البلد فطبيعى اطلع ورقى من وسط البلد بدل ماخد يوم اجازة مخصوص

وفى نفس الوقت حتلاقى واحد ساكن فى وسط البلد وشغال فى مدينة نصر يروح يطلعه فى مدينة نصر

يبقى فى النهاية مش حتحصل زحمة نتيجة ان شخص بيعمل ورقة من محل غير اقامته

ايه المشكلة فى كده؟

ناهيك اصلا انه ليه فكرة الجواب وانا مكتوب فى بطاقتى انى شغال فى المكان الفلانى -واظن البطاقة مستند رسمى معترف بيه-

يبقى الفكرة مش فكرة نظام اد مهو فكرة ازحلقه يمكن يمشى واوفر على نفسي الشغل

هو بيطلب منك جواب لو انت مقدم فى مكان غير توزيعك الجغرافى فبتجيبله جواب تثبت انك اتنقلت تبع المكتب اللى انتت رايح تقدم فيه الان بدل مايقولك غيرلى البطاقه بعنوان العمل الجديد ويعقدلك الدنيا فالجواب للتسهيل مش للتعقيد

طيب يا جماعة كنت عايز اسال علي حاجة انا كنت في مصر من شهرين عشان اعمل جواز سفر لبنتي وروحت الجوازات قالولي بدل هي اتولدت بره مصر لازم تعمل الجواز بتاعها في المكان اللي اتولدت فيه وعشان اعمله عندي هيتكلف 150 يورو وطبعا مبلغ كبير وانا مستحرم ادفعه ومش شايف اي داعي انه يكون بالسعر ده ممكن اعمل ايه عشان اعمله في مصر وبالمناسبة لو الواحد حب يشتكي القنصلية وخصوصا موضوع الاسعار ده يعمل ايه

اعملها شهادة ميلاد من مصر و بناء عليه تعمل الجواز من هنا
بس علشان تعمل شهادة الميلاد محتاج ورق موثق من وزارة الصحه عندك و تختمه من السفاره

المشاركة الأصلية كتبت بواسطة brown-eyes

طيب يا جماعة كنت عايز اسال علي حاجة انا كنت في مصر من شهرين عشان اعمل جواز سفر لبنتي وروحت الجوازات قالولي بدل هي اتولدت بره مصر لازم تعمل الجواز بتاعها في المكان اللي اتولدت فيه وعشان اعمله عندي هيتكلف 150 يورو وطبعا مبلغ كبير وانا مستحرم ادفعه ومش شايف اي داعي انه يكون بالسعر ده ممكن اعمل ايه عشان اعمله في مصر وبالمناسبة لو الواحد حب يشتكي القنصلية وخصوصا موضوع الاسعار ده يعمل ايه

المشاركة الأصلية كتبت بواسطة أحمد كمال

طيب بفرض واحد بنته اتولدت برة و هو رجع مصر خلاص يعمل ايه يعني ؟!!!


البلد دي عايزة تتولع فيها ببنزين و تتبني من الاول

يا اخوانا الموضوع مش محتاج بنزين ولا مية نار
هل يعقل ان انا لو اتولدت فى امريكا كل لما اعوذ اطلع جواز اسافر امريكا اطلعه من هناك حتى لو استقريت فى مصر من سنين طبعا مستحيل وساعتها يبقى البلد عاوز يتولع فيها باللى اشد من البنزين مليون مره

لكن الحكايه هى انه ممنوع واحد يطلع جواز وهو خارج البلاد وهى دية مشكلة الاخ صاحب الاقتباس يعنى لوبنت حضرتك خارج البلاد لازم تدخل مصر عن طريق جواز سفر منفصل لوحدها تطلعه من السفاره فى الخارج او تضيفها على جوازك لو كان من الجواز القديم وبعد لما توصل مصر بالسلامه تعمل شهادة ميلاد كومبيوت روساعتها تطلع جواز من مصر غصب عن عين التخين
طبعا فى واحد حيقولى ما هو انا ممكن اقولهم ان بنتى معايا فى مصر وجت من بره و المفروض ان الجوازات مش حتحتاج تشوف البنت بذات نفسها او تجيبها معاك وساعتها اضحك عليهم واطلع الجواز
حقولك ماينفعشى لان فى حالة الاطفال الصغيره لما بلاقى شهادة الميلاد مكتوب فيها محل الميلادج بالخارج باطلب الاثبات انها موجوده فى مصر والاثبات ده مش عن طريق ان اشوف النت ذات نفسها لا ده عن طريق الجوالز اللى دخلت بيه البلد سواء جواز منفصل او جواز الام او الاب وسعاتها بتكون مضافه عليه ومختوم لها بختم وصول مبين فيه عدد الافراداللى دخلم على الجواز واقدراعرف منه اذا كانت البنت جوه ولا بره

المشاركة الأصلية كتبت بواسطة mohamed_selim

اعملها شهادة ميلاد من مصر و بناء عليه تعمل الجواز من هنا
بس علشان تعمل شهادة الميلاد محتاج ورق موثق من وزارة الصحه عندك و تختمه من السفاره

كلام سليم ومفيهوش اى مشكله

يا جماعه اى استفسار فى موضوع الجوازات انا تحت امركم بس الحكايه مش مستاهله العصبيه دية صدقونى الاجراءات بسيطه جدا وكل سنه بيحاولوا يسهلوا على الناس اكترفى موضوع اصدارالجواز بس احنا نعرف حقوقنا وواجبتنا ونعرف التعليمات صح وبتبقى مكتوبه فى لوحه على جدران المكتب ومش كل حاجه ناخدها من غير مانفهما كويس وساعتها نقول البلد كذا وكذا
بصراحه انا بقابل ناس فى الشغل بتتعامل معانا كاننا احنا اللى كنا بنقتل المتظاهرين فى ميدان التحرير وخلاص كل واحد عاوز يخلص ورقه بالعافيه ويقولك 25 يناير وانا لغاية دلوقتى مش عارف ايه علاقة 25 يناير بالهمجيه اللى اصبحت عند بعض الناس