السلام عليكم ..ارجو المساعدة في الاختيار .. بين الصنى او ابترا او النترا ( زيرو مانويل ) بغض النظر عن اختلاف سعر كل واحدة وكنت عايز اعرف هل الاوبترا والالنترا تقفيل مصري ؟ و رايكم في معرض سمير ريان مدينه نصر اجيب من عنده ولا اشوف حد تانى ؟
السلام عليكم ..ارجو المساعدة في الاختيار .. بين الصنى او ابترا او النترا ( زيرو مانويل ) بغض النظر عن اختلاف سعر كل واحدة وكنت عايز اعرف هل الاوبترا والالنترا تقفيل مصري ؟ و رايكم في معرض سمير ريان مدينه نصر اجيب من عنده ولا اشوف حد تانى ؟
بصراحة .. انا معايا الصني ,,, ولو رجع بيا الزمن كنت هختار برده الصني ...
اللي يميزها على الاوبترا و الالانترا ... انها ياباني ( مع انها تقفيل مصري لكنه عامل غير مؤثر بالمرة ) و سمعة التوكيل المحترم اللي بيحترم عملاؤه .. و سعرها الاقل من الاوبترا و الالانترا مع انهم بنفس الكفاءة و المواصفات تقريبا ...
و انزل اتفرج عليهم الاول و حاول تجربهم ,,, و ما تنساش الاستخارة ...
ربنا ييسر لك الخير
شكرا لمرورك الكريم يا باشا ومستني المزيد من الاعضاء
صنى افضل بس الكنبة قعدتها مش مريحة فلو مش بتركب ناس كتير عاده تبقى افضل
معرض سمير ريان عنده افضل سعر بس عنده ناس شغاله بيعملوا حورات بالهبل انا راى اشترى من التوكيل اريح
يبقي كدة
صنى 2
ابترا 0
النترا 0
السلام عليكم
أخي الكريم .... كيف حالك
انا والله مش بشارك في مواضيع المقارنات الا علشان اقول علي تجربتي لما جيت اشتري الصني ومانويل ... يعني قعدت حوالي شهرين ادور واركب مع صحابي ولفيت الدنيا كلها والمعارض والميكانيكية وكل واحد شغال في العربيات وسألتهم علي الموديلات الاتية .... _(ماعدا الالنترا والاكسنت علشان اول سبب الفلوس ... اي حاجة هيونداي تأكد ان هاتدفع بتاع 10000 جنية زياده عن اللي تستحقه)
انا سالت علي
الاوبترا - الافيو - اللوجان - الجين تو - الريو - البيرسونا ... العريات اللي في نفس الفئة ديه
وطبعا من اللي قريته في المنتدي ان الصني سفاحة بنزين - كنبتها ضيقة - تقفيل مصري .. فطبعا مفكرتش فيها .. واي حد ينصحني بيها كنت بردد اللي حفظته وخلاص
المهم ولا عربية من اللي فوق عرفت اجمع صوتين مع بعض انها عربية حلوة وتستحمل البلد ديه وخصوصا الميكانيكية وقطع الغيار
لغاية ما دخلت منتدي نيسان ... ومكانش ليا فعلا باحتكاك بالنيسان ... المهم قعدت حوالي شهر في المنتدي قبل ما اجيب العربية ومتابع مواضيع ملاكها نفسهم ...... محدش بيشتكي من الحاجات ديه خالص الا حالات فرديه والتوكيل بيحلها ... وقلت اخر خطوة اني انزل الشارع واسأل ملاكها
وفعلا كنت بوقف العربيات وبسأل ملاك الصني عليها ... وماشاء الله لا قوة الا بالله مشوفتش اجماع علي عربية بالشكل ده ... تخيل ان في منهم بسأله ايه رأيك في استهلاك البنزين قالي ممتاااااااااز ... قلته بتعمل معاك قد ايه في الصفيحة قالي 5 كم/لتر ... انا اتصدمت ولقيته مبسوط بيها ههههه ... قلت امال هو كان معاه ايه قبليها لما ديه بتعمل 5كم/لتر جوه المدينة وممتاز
وكنت قريت ان اسوء عربية ومشاكل الضفيرة في العربيات القديمة كانت بتعمل 8- 9 لتر /الصفيحة
فقلت الحمد لله .... توكلنا علي الله
وانا مروح عديت علي الميكانيكي بتاعي وكنت سألته علي اللوجان ... قالي مشتغلتش فيها وخليك في حاجة معروفة ... قلتله ايه رأيك في الصني .... قالي ايوه ديه العربيات ماشاء الله .... وشغال فيها وشاورلي علي واحده واقفه لزبون عنده وشغال فيها من زمان ... توكل علي الله وعربية ممتازة .....قلتله في ناس بتشتكي من البنزين ... قالي عربية ممتازة وصاحبها ماشتكاش منها ابدا ماشاء الله
بالنسبة للكنبة ... هي علي حسب الكرسي السواق ... لو رجع للاخر اللي هيقعد ورا هايتزنق ... لو الطبيعي هيبقي كويس .
وفي عضو معانا فرش العربية جلد .... شوف الكنبة بقيت عاملة ازاي فرق رهيييييييييييييييب ... علشان الجلد بيلم وده حل تحفة وينفع للي الكنبة اللي ورا مضايقاه.
وفي النهاية برده انا بدور علي عربية تستاهل فلوسها وصيانتها مش مكلفة وقطع غيارها منتشره (كانت مهمة اوي عندي) واعطالها قليلة
وبفضل الله لقيت كل ده في الصني ... حتي التقفيل لما روحت اشوفها في المعرض
والله والله تقفيل محترم جدااااااا واحسن من عربيات كتيييييييييييييييييير اوي في فئتها واعلي منها وخامات التابلوه محترمة جدا بلاستيك ومحمل مش الخفيف العادي.
فعلا العربية ديه محترمة جدا واتظلمت بشكل رهيب من الاشاعات وكفاية انها عاملة المبيعات ديه كلها من غير دعاية ماشاء الله ... وده دليل علي انها محترمة وسعر اعادة البيع محترم.
الاوبترا ... عربية محترمة جدا وع اغلبية صحابي ... بس كرهوني فيها علشان التوكيل وقطع غيرها .
وفي الاخر متنساش تصلي استخارة وربنا يعينك وتستلم علي خير
وممكن تتفضل في منتدي نيسان وتقلب في المواضيع المثبتة ... واي سؤال احنا تحت أمرك
وديه حبة مقارنات للصني .... اسيبك تتصفحها
اقعد بالعافية :bye2:
http://www.nilemotors.net/Nile/203643-a.html
http://www.nilemotors.net/Nile/210004-a.html
http://www.nilemotors.net/Nile/209578-2.html
http://www.nilemotors.net/Nile/208358-a.html
http://www.nilemotors.net/Nile/197470-rb-2011-a.html
http://www.nilemotors.net/Nile/202954-a.html
فى رأييى: الأكثر انتشارا والأسهل صيانة مع احتفاظها بتكنولوجيا غير معقدة دون اى تفريط فى الأداء: الصنى، مع وجود اهتمام مبالغ فيه من التوكيل ومراكز الصيانة بالسيارات
الأوبترا: ميزتها عن الصنى الأحساس بثقل السيارة على الأرض وشاسيه جنرال متورز التى اشتهرت بمتانة شاسيهاتها، لكن يعيبها انها ابطأ من الصنى بسبب ثقل الوزن وصياناتها اكثر تكلفة الى حد ما
الإلانترا: تنتمى الى جيل احدث من التكنولوجيا مما يجعل محركها اكثر المحركات الثلاثة قدرة والسيارة اكثر الثلاثة تسارعا واناقة داخلية، كماانها افضلهم فى عزل الصوت، لكن الشاسيه اقل متانة من السيارتين السابقتين، وحكاية السدر البلاستيك دى مش نازلالى من زور، والزحام المرعب فى توكيلات هيونداى
انا معجب الالنترا كشل ومنظرشياكه لكن الباقى مش عارفه
والله يا جماعة انتو بتحرجوني باخلاقكم العالية ورحابة صدركم واخلاصكم في النصيحة هي فعلاتجربة الشراء مشوار متعب جدا وانا بتابع المنتدي من فترة واستفدت كتيرمن تجارب الزملاء وخصوصا في قسم الياباني في تفاعل جامد جدا وانا في البداية كنت بدور علي لانسر او كورولا استعمال فكنت هدفع من75 الي 90الف في عربية استعمال دة طبعا كلام مش منطقي وهو فية اه منطقي في بلدنا الحلوة ( الجمارك المبالغ فيها مثلا ) ...طيب منا اجيب صنى زيروبنفس الفلوس والصنى مش اقل من اخوتها الياباني مكونات يابانى محترمة وتزيد في سير الكتينة الجنزير ودة بيدى امان وثقة علي الطريق وبيحمي المكنة ............... المأخذ الوحيدعلي العربية الصنى كان نفسي الجماعة اليابانيين يعملو حساب الجماعة طوال القامة ويوسعو الصلون شوية ودي الحاجة الوحيدة الي خلتنى افكرفي الاوبترا والالنترا و اخيرا جزيل الشكر ليكم جميعا ودوام الصحه والعافية
لو عاوز التكنولوجيا الاحدث النترا الوسع النترا الهدوؤ والعزل الجيد النترا قوة الماتور ومع توفير في البنوين بشكل غريب يبقي النترا اعادة البيع بسرعة لو حبيت النترا فخامة التقفيل وجودة الخامات المستخدمة في التابلوة والصالون بالكامل النترا
ربنا يعينك وييسرلك الخير وتستلم بكل خير ان شاء الله
انا من راي ..ترتب العربيات من حيث وجهة نظرك ... (الأولي فالأولي )
وتنزل يوم وتروح معرض عنده العربيات كلها بدل ما تلف كتير ... بس مش ده اللي تشتري من عنده (خليك في المعارض المعتمده ....احسن بكتيييييييييييييير)
المهم روح كده واتفرج علي الصني والاوبترا والالنترا مثلا .... واقعد فيها ورجع الكرسي وشوف قعدتك المستريحة
ودوس دبرياج لكنك هاتسوق بالظبط ومتتكسفش .... وشوف ايه اللي هتريحك في القاعده وافتكر ان مفيش حاجة كاملة .. الكمال لله وحده .... وربنا ييسرلك الخير يارب
انا زي حلاتك كده واكتر هههههههه .... طويل وعريض يعني واخد حقي من الكرسي تالت ومتلت ... ولما برجع الكرسي الاخر وبريح ضهره سنه او سنتين وبنزل الكرسي ... وبدوس الدبرياج بتبقي رجلي الشمال مفروده علي الاخر تقريبا
واليمين بعيده حوالي 10 سم عن الكونصول الامامي (انا طولي 183 سم) ... ممكن تنسبها لغاية ماتنزل وتشوفها علي الطبيعه.
طبعا لو عايز اقابل حضرتك وتجربها سواقة ... انا تحت أمرك
هو كل ده في المانويل طبعا علشان محتاج حركة اكتر ... في الاوتوماتيك اعتقد انك مش هتحتاج مساحة كبيرة ... والله الموفق ومتنساش الاستخارة وتستلم بكل خير ان شاء الله
اقعد بالعافية :bye2:
بودي اقول الصني بس التقفيل المصري غير جيد و ده رؤيه شخصيه و كمان سفاحه بنزين ( ده رأيي 3 اشخاص من ملاك الصني في 3 محافظات مختلفه ) و الاوبترا مش مريحه نفسيا بالنسبه ليا غير كده توكيلها تيت عن تجربه ( صيانه 1000 و 5000 لعربيه افيو ) يبقي فاضل الالنترا و لا تنتظر النيو شيب لانه هيبقي اغلي من الشيب الحالي بكتير جدا في اعتقادي الشخصي .
السلام عليكم
اخي الكريم ..... كيف حالك
كنت عايز حضرتك شوفت التقفيل المصري ده .... علشان انا فعلا كنت بسمع زي حضرتك كده كل الاشاعات ديه فعلا
وحتي لو حصلت(استهلاك البنزين) حالات فرديه بس
التقفيل بتاع الصني كصالون او ماتور احسن بكتيييييييييييييييييييييي ير من عربيات كوري في نفس فئتها ... حتي خامات التابلوه احسن من خامات عربيات اغلي من فئة الصني
وواحد صاحبي معاه تيدا الياباني .... وتقفيلها لا يختلف عليه اتنين ماشاء الله ... واول ما ركب معايا قالي ماشاء الله امال ايه بقي تقفيل مصري .. تقفيل مصري .. محترم اهو
وبلانسبة للبنزين ... زيها زي اي عربية 1600 وعلي الطوالي احسن بكتير من عربيات 1600 و1300 كمان
انا جوه البلد عملت 210 كم/الصفيحة ماشاء الله
وعضو معانا في المنتدي عامل بيها 256 كم/ الصفيحة علي السريع
وبالنسبة لقوة ماتورها حتي لو هاتستلك بنزين بنسبة معقوله ... يبقي كويس جدا للسحب بتاعه ماشاء الله
جزاك الله خيرا
اقعد بالعافية :bye2:
صنىىىىىىىىىىىىىىىىىىىىىىى ىىىىىىىىىىىىىىىىىىىىىىىىى ىىىىىىىىىىىىىىىىىىىىىىىىى ىىىى
ربنا يعزك ويبارك في عمرك يا فندم ... :))
هي اذواق فعلا ..... وزي ما حضرتك عارف ان الواحد بيشتري العربية وبيبقي دافع فيها دم قلبه وبيبقي نفسه ياخد كل اللي نفسه فيه بالفوس بتاعته ... وده مش عيب
بس هي الفكرة ان الصني هي العربية الوحيده اللي حسيت اني بفضل الله كل مليم دفعته خدت حقي بيه وانا مش قصدي علي العربية بذات نفسها فقط ... لا كعربية وكتوكيل وكقطع غيار وكصيانة سهلة ... وانا مش هاعوز حاجة تاني بعد كده والحمد لله ده اللي كنت بدور عليه ... حتي لو العربيات التانية متفوقة علي الصني في حاجات تانية ... بس توكيلها كذا وقطع غيارها كذا
يبقي معملتش حاجة .... وطبعا لولا اختلاف الاذواق لبارت السلع
وبالنسبة للبنزين ... فعلا هي مش بتتقاس بالعربية .... يعني ممكن نفس العربية وشخصين يسوقوها وكل واحد يعمل كيلومترات غير التاني ... بتفرق في طريقة السواقة والحرق ودوسة البنزين نفسها ... وعلي اي عربية مش شرط الصني.
وانا قريت مشاكل كتير لعربيات في نفس الفئة (وحش بنزين - كذا كذا) وعربيات 1300 بتعمل نفس استهلاك الصني ... حتي كن في عضو جليل هنا في المنتدي مش فاكر اسمه ... معاه بيكانتو .... العربية بتستهلك زي اي عربية 1600
ممكن ميكنش عيب عربية قد ما هو اختلاف طريقة سواقه .... وحضرتك لو دخلت القسم هتلاقي مواضيع مثبتة لملاك الصني وكاتبين الاستهلاك بتاعه جوه وبره البلد ..... بس قبل ما تيجي قلي علشان اعمل الغدا ... هههههه
وفي الاول والاخر .... الاستخـــــــــــــارة ان شاء الله
واللي صاحب الموضوع يرتاحلها ... ممكن عربية بتشم بنزين وشكلها حلو بس هو مش مستريحلها ... والعكس صحيح طبعا
ربنا يرزقه الخير ويستلم بكل خير ان شاء الله
بس تعديل صغير في المشاركة اللي فوق
انا قست المسافة تقريبا 8 سم وليست 10 سم ..... والكرسي عالي علي الاخر
ولو وطيته المسافه هتزيد من 1 سم الي 2سم ....... علشان الكرسي بتاعها مش بينزل عمودي ... لالا بينزل وبيرجع للخلف وبيبيت في الضهر حوالي 4 سم
وطبعا ... لما تشوفها علي الطبيعه هاتفرق معاك جامد
والله المستعان
أقعدوا بالعافية :bye2:
السلام عليكم
ربنا يوفقك في الاختيار انا عارف قد ايه هو محير انا قعدت شهر لغايه ما قررت و جبت النترا مانيوال 2011 من سمير ريان
بس هي كعزل حلوه كبنزين جميله . كان معانا اكسنت 2002 1.5 قبليها بس الحاج قفشها و اداني الالنترا عشان ما يبهدلهاش في مشاويره بس لامانه الناس بتشكي ان العربيه بتحدف لليمين , روحت التوكيل ما عرفوش يعملوهاو شكلي أروح brdidgestone و أراجع علي الزوايا و أروح للميكانيكي ياخد هوا للفرامل مع ان والله العربيه بقالها معايا شهر و نص و لسا عامله 2088 و انا جاي الشغل النهارده
نيجي بقي للتوكيل
زززززبببببباااااااالللللل للللللللله
زحمه و استعباط و معامله زي الزفت للعربيه . مره ملحوسه من بره و في ال 1000 في حاجات ما عملوهاش رغم ان مكتوب انهم هيعملوها و رجعتلهم بعديها بأسبوع و صنايعي ابن ....... علي الكاسيت و الباز و الباس و غالبا بوظلي السماعه اليمين ودام ابتدايت تزن و علي فكره أعرف واحد جوه بيسمعوم اسمه بيبقي ناقص يضربولي التمام !!!!
بس ده امانه فقلق أقولك طبعا عشان تبقي عارف كل حاجه و القرار في الاخر ليك
مافيش كلام بعد كلااااااااااام استاذ حسين
شكرا ليكم جيعا .... وخاصة أ / حسين وتأكدو ان كل واحد فيكم اضاف وهي دي اهم حاجة في المناقشة الجميلة دي وربنا يسهل وانا مش هستعجل وهاخد وقتى وتجربة القيادة فعلا مهمة والحمد لله مقدور عليها ..... بالاضافة الي ما سبق مناقشتة من مزايا وعيوب كل عربية ....... وربنا يديم المعروف