مش عارف اقرر اجيب اكسنت rb مانيوال عالزيرو ولا اجيب نيسان صني اتوماتيك 2011 عالزيرو

**toxin** · 19-01-2011 05:01 PM

و الله هجنن يا جدعان مش عارف اخد قرار

معايا 90.000 جنيه و عايز اجيب عربيه عالزيرو و مش هاقدر ازود ولا جنيه على الـ 90.000 جنيه ده اخررري

اجيب نيسان صني 2011 اتوماتيك بـ 90.000 جنيه

ولا اجيب هيونداي 2011 اكسنت RB مانيوال بـ 90.000 جنيه

ولو هترشحو الاكسنت RB على النيسان صني هترشحوها على اساس ايه . يعني ايه اللي يخلي الاكسنت احسن من الصني

و انهي اكتر استابلتي على السرعات العاليه ؟

بجد الحاجه اللي خنقاني في الاكسنت ان مفهاش ايرباج انما الصني فيها و هل الاكسنت موفره في البنزين ولا هتسحب جامد و صراحه انا مش مصدق حته ان موتور الاكسنت بيطلع 124 حصان الرقم انا شايفه كبير بمقارنتها بالعربيات التانيه .
لاني امبارح كنت في فرع هيونداي 6 اكتوبر و الراجل بيقلي الاكسنت Rb متورها هوا هوا الاكسنت 2010 متغيرش فيه اي حاجه ؟؟

يريت اسمع اراء الناس عشان اخد اخر قرار لاني المفروض انزل اخلص بكره او بعده

شكرا ليكو

**Ashraf_Ibrahim** · 19-01-2011 06:03 PM

انا لو مكانك هجيب الصني
عوامل الامان بتاعتها افضل وثباتها افضل من الاكسنت عموما !

**Hacker5** · 19-01-2011 06:44 PM

يعنى يعتبر الحاجات اللى ممكن تتفوق بيها الاكسنت على الصنى فى

تكنولوجيا
موتور حديث
شكل احلى بكتير و عصرى
تقفيل كورى
صالون شيك و تصميم جديد على عكس الصنى
فى اعادة البيع الهيونداى من غير كلام

فى الاخر شوف حضرتك مرتاح لانهى عربية
انا لو مكانك هادفع المبلغ دة مقدم هيونداى النترا اتوماتيك و القسط هايبقى كلام فارغ

**ashouhdy** · 19-01-2011 06:52 PM

انا من دلوقتى لو حجيب عربية لازم ابص على عوامل الأمان اهم حاجة

يعنى اة الاكسينت رائعة بس فى عوامل الأمان زيرو

على الاقل الصنى فيها abs ودة دلوقتى عااامل اسااااااااسى مهم جدا

.... توكل على الله وهات الصنى الهاى لاين اللى بزجاج فامية :)))

**M.Osman** · 19-01-2011 07:24 PM

رأيي الشخصي لو بتفكر في الإتنين دول بس و مش هتزود عن 90 يبقى صني عشان عوامل الأمان...

لو عربية تانية غيرهم يبقى بروتون جين تو او بيرسونا :)

**elmnseee** · 19-01-2011 07:46 PM

اكسنت rb شكل جديد موتور على الورق لحد دلوقتى لجد منجرب ونشوف صاروخ تابلوه عصرى جداااا سعرها غالى شويه اعادة بيعها اخر حاجه هتفكر فيها هتبعها وانت حاطط رجل على رجل توكيل عنى معقول اما الصنى موتور قديم بالنسبه للاكسنت شكلها سىء جداا جدااا ده من وجهة نظرى فيها وسائل امان زاى absو ايرباج تابلوه قديم معرفش فى اعادة البيع ايه ظروفها بس انا متاكد انها مش هتبقى زاى الهيوانداى وربنا يوفقك وتعرف تختار الى انسبلك

**amrsabet** · 19-01-2011 08:02 PM

نصيحه اخ من واحد ركب نيسان صنى سوبر صالون زيرو موديل 2008 وبعتها فى شهر 7 /2010 وراكب دلوقتى مش ههولك النترا لا هيونداى فيرنا موديل 2008 وبصراحه فى اختلاف بين العربيتين اللى انت بتفكر فيهم كالاتى :
استهلاك البنزين (هيونداى )
تصميم الداخلى والخارجى (هيونداى )
تسارع (هيونداى )
اعاده البيع (هيونداى )
راحه الكراسى والصالون (هيونداى )
الوسع الداخلى للعربية (هيونداى )
الامان (نيسان ) فى حالة لاقدر الله الحوداث الخطيرة لكن فى الطبيعى ربنا بيسترها مع الواحد الايرباج مش هتستخدمه
الثبات (نيسان )
التوكيل (نيسان )
الضمان (واحد )
الكماليات ( فى نفس السعر ال 90 الف ) هيونداى افضل لان ex كمالياتها عاديه زى الهيونداى ماعدا الفتيس

الراحه النفسية (اهم حاجه فى كل اللى انا ذكرته لانى ركبت النيسان سنتين وانا حاسس انى عندى 45 -- 55 سنه بسبب شكل التابلوه لانى سعتها كنت زيك محتار بين الامان والثبات ولا الشكل والماتور الاحدث )

اركب دى واركب دى وشف ايهما انت حاسس بنفسك سعيد ومرتاح نفسيا فيها ونصيحه مش عوامل الامان بس هى اللى بتخلى الواحد يشترى عربية و الا ماكنتش الالنترا باعت زى الرز حتى من ايرباج من 2007 لحد دلوقتى