الموضوع: I will get a M11 today

كلامى مش صح طيب ياريت تدخل على مواضيع m11 عشان تعرف كل حاجه واعتبر ان متكلمتش فى حاجه والعربيه تمام و100فل

بعد اذنكم يا جماعة اصل محدش رد علي استفساري :)

انا وصلت دلوقتي الي 1120 كم الفتيس بقى انعم بشكل ملحوظ جدا - الدبرياج معنديش فيه اي تعليق بالعكس ده ناعم جداً هو بس واطي شوية او يمكن عشان كنت راكب هيونداي و دبرياجها فعلا كان عالي اوي - اما بالنسبة للصوصة فالحمدلله مش موجودة نهائياً و لا عمري سمعتها - موضوع السخونة الي من الدبرياج عمري ما حسيت بيها علما اني بكون في العربية اكتر من 6 ساعات يومياً - الموتور صوتة مش عالي ابداً غير طبعا لما بزود RPM الي 5 او 6 - العربية بنزينها كويس جداً مش اقصادية لانها 1600 و مش سفاحة زي نيسان صني او اوكتافيا مثلاً و بالنسبة لموضوع بنزين 92 هو اصلا في حد جايب عربية جديدة و زيرو و 1600 و هيحط 90 انا اسف ده اكيد بيهرج و بعدين الفرق في اللتر 10 قروش يعني في التفويلة (60 لتر) الفرق 6 جنيه .

بالنسبة بقى للكماليات اللي الايتاذ ركبها و خسر فيها زي السوند اللي ب 3 الاف جنيه و الزينون مبدأيا دي كماليات ليك انت و لمزاجك و مش بتتحسب خلال البيع الا قليل جداً عشان انا مجرب في الهيونداي لكن العربية دي السوند بتاعها قوي جدا و الصوت ممتع و عالي و نظيف و نورها عالي اوي انا مافتكرش اني شغلت النور من ساعت ما اشتريتها عايش علي الفوج لايت بس و كمان فرش العربية شيك جداً و واتر بروف هو يعيبه اللون الفاتح اما عن موضوع البلاستيكات و التابلوه فصدقني انا مش هاقولك غير حاجة واحدة بس :

انا كنت ناوي اشتري Proton Gen2 و ابلصدفة البحتة ركبتها مع واحد زميلي في الشغل لاقيت التابلوه ممسوح بمعني الكاسيت كله لون واحد من غير كتابه و ال waiting فيه رقعة بيضاء مكان المثلث الاحمر

اخر حاجة M11 موديل 2011 اللي هي من غير ستارة ورا صدقوني مفيهاش غير عيبين وحيدين حتى الان و هما :

العفشة مش بتكون مربوطة اول ما بتيجي
الدركسيون و هي بيلف لو خت مطب بيسمع معاك بصوت غريب

و الله شهيد

و ياريت بقى حد يرد علي استفساري

المشاركة الأصلية كتبت بواسطة hany_ali

بعد اذنكم يا جماعة اصل محدش رد علي استفساري :)

انا وصلت دلوقتي الي 1120 كم الفتيس بقى انعم بشكل ملحوظ جدا - الدبرياج معنديش فيه اي تعليق بالعكس ده ناعم جداً هو بس واطي شوية او يمكن عشان كنت راكب هيونداي و دبرياجها فعلا كان عالي اوي - اما بالنسبة للصوصة فالحمدلله مش موجودة نهائياً و لا عمري سمعتها - موضوع السخونة الي من الدبرياج عمري ما حسيت بيها علما اني بكون في العربية اكتر من 6 ساعات يومياً - الموتور صوتة مش عالي ابداً غير طبعا لما بزود rpm الي 5 او 6 - العربية بنزينها كويس جداً مش اقصادية لانها 1600 و مش سفاحة زي نيسان صني او اوكتافيا مثلاً و بالنسبة لموضوع بنزين 92 هو اصلا في حد جايب عربية جديدة و زيرو و 1600 و هيحط 90 انا اسف ده اكيد بيهرج و بعدين الفرق في اللتر 10 قروش يعني في التفويلة (60 لتر) الفرق 6 جنيه .

بالنسبة بقى للكماليات اللي الايتاذ ركبها و خسر فيها زي السوند اللي ب 3 الاف جنيه و الزينون مبدأيا دي كماليات ليك انت و لمزاجك و مش بتتحسب خلال البيع الا قليل جداً عشان انا مجرب في الهيونداي لكن العربية دي السوند بتاعها قوي جدا و الصوت ممتع و عالي و نظيف و نورها عالي اوي انا مافتكرش اني شغلت النور من ساعت ما اشتريتها عايش علي الفوج لايت بس و كمان فرش العربية شيك جداً و واتر بروف هو يعيبه اللون الفاتح اما عن موضوع البلاستيكات و التابلوه فصدقني انا مش هاقولك غير حاجة واحدة بس :

انا كنت ناوي اشتري proton gen2 و ابلصدفة البحتة ركبتها مع واحد زميلي في الشغل لاقيت التابلوه ممسوح بمعني الكاسيت كله لون واحد من غير كتابه و ال waiting فيه رقعة بيضاء مكان المثلث الاحمر

اخر حاجة m11 موديل 2011 اللي هي من غير ستارة ورا صدقوني مفيهاش غير عيبين وحيدين حتى الان و هما :

العفشة مش بتكون مربوطة اول ما بتيجي
الدركسيون و هي بيلف لو خت مطب بيسمع معاك بصوت غريب

و الله شهيد

و ياريت بقى حد يرد علي استفساري

الله ينور عليك يا باشا

كلامك ممتاز يا أستاذ hany وفعلاً عندك حق فى كل كلمه قلتها
ربنا يباركلك فى العربيه ويحفظهالك
تحياتى

الله ينور عليك يا عم هانى اهم حاجة ملحوظة فعلا فى العربية دربكة العفشة والتخبيط والتكتكة انما معتقدش ده عيب لانه ان شاء الله يتحل بسهولة فى اول صيانة..

عامة ربنا يباركلك ويباركلنا فى عربياتناوباذن الله نستمته بركوبتها

شكراً يا جماعة بس في مصيبة حصلت يوم الخميس اللي فات و طبعاً هي مصيبة بالنسبة لي لكن لما الصيانة جم صلحوها قعدت اشتم فيهم للصبح اللي حصل كالاتي:

خرجت يوم الخميس مع عائلتي الصغيرة بعربيتي و والدي و عائلتة بعربيتة بعد الساعة 12 بالليل و رحنا المعادي تحديدا شارع 210 المهم وقفنا عند محل عشان نتعشى وقفلت المفتاح تكة واحدة بس يعني التابلوه منور و دخلت المحل اشتر الحاجة و لما رجعت اركب العربية (خلال 20 دقيقة) جيت ادور ....... كل حاجة اطفت كأن النور انقطع ..... مبقاش في كهرباء في العربية و بدون تفاصيل في كل محاولات الكشف علي الفيوز و تنظيف الاواشيط و تغير البطارية و عمل وصلة من بطارية تاني و كل المحاولات باتت بالفشل برده النور مقطوع الساعة بقيت 4.30 صباحاً كلمت الصيانة قالي من 8 الي 8 المهم روحت الناس كلها و قعدت جنب العربية لحد الساعة 8 صباحا يوم الجمعة كلمت الصسانة 016888830 ردو علي و قلتلو العيب قال (بس كده) بصراحة استفزني جدا المهم وصلوا 8.30 فك البطارية سنفر السلك الارضي و ركب البطارية و دور العربية و خلصت

العيب ..... صامولة سلك الارضي الواصل بالبطارية كان معزول (علية بويا) و مع السخونة السلك اتعزل نهائيا
الحل ...... الراجل فك الصامولة و سنفرها و نظفها و ركبه تاني مكانه
الانطباع .... حسبي الله و نعم الوكيل في المصريين عشان انا قعدت انا و مراتي و بنتي الرضيعة و امي و ابوي المسنين في الشارع اكتر من 5 ساعات عشان واحد حيوان رش العبارية و البطترية راكبة و واحد حيوان مارجعش عليها

ألف ميرووووك

يلا خير الحمدلله انها جت سليمة وحسبى الله ونعم الوكيل فى كل ظالم بجد لان قلة الضمير دى بقت علامة مميزة فى الشغل المصرى .. محدش بقى بيفكر غير فى نفسة وبس ومش مهم يتقن شغله الا لو صاحب الشغل قدامة دة لو كان صاحب الشغل اصلا عنده امانه .. لو كدة يقولولنا واحنا نيجى نشوفهم بيقفلوا عربياتنا ازاى قبل مانشتريها اهو حتى نساعدهم ونناولهم مفك ولا كماشة او حتى نقرط عالمسامير علشان ميطلعش فيها مشاكل بعد كده بدل مانلبسها فى الاخر ويتحرق قلبنا على الفلوس الى صرفناها فيها .. اوعلى الاقل خالص نعرف نبيعها بعد كده ومنخسرش فيها كتير .