الحمد لله بقيت واحد من اهل السوزوكي

**hazem_khidr** · 17-04-2008 04:31 AM

ما شاء الله تمنها كده كويس اوي.
بالنسبه للنصايح فاهم حاجه خلي بالك من السقف بتاعها لان ضعيف جدا و البارومه بتدخله بسهوله.
لو لقيت بارومه عالجها بقصدير مش عند السمكري علشان السقف ما يموجش منك.
قطع الغيار بقي عندك محلات كتير في احمد حلمي و كلها سوزوكي بس جديد و استعمال
دا رقم محل اسمه ميدو 2 في شارع احمد حلمي و المسئول اسمه رامي
25797749 و الموبايل 012480867 عندهم كل حاجه و جديد و استعمال و انا مجربه قبل كده و شاري من عنده بس فاصل معاهم علي خفيف.
خد بالك من الرداغ بتاعها لانه بيبقي تحت الكنبه الخلفيه و لو لقيت العربيه مش بدور في مره تعرف ان العيب منه و تجيب الرداغ بتاعها ما تسمعش كلام اللي يقولك نركب رداغ في سدر العربيه .
لو حتجيب حاجه في العفشه هاتها جديده و اشتري دماغك ما تسمعش كلام اللي يقولك دا استعمال و ياباني و الكلام الفارغ دا العفشه تبقي جديده خصوصا المساعدين و الاسكترا.
و شوف اي حاجه عاوز تعرفها انا تحت امرك:)

**abdelaziz-waleed** · 17-04-2008 04:43 AM

الف مبروك ربنا يعطيك خيرها ويكفيك شرها

**اسلام المصرى** · 17-04-2008 05:32 AM

بسم الله الرحمن الرحيم
ألف مبروك لحضرتك :) ربنا يباركلك فيها و يعطيك خيرها و يبعد عنك شرها.

**furp** · 17-04-2008 05:08 PM

السلام عليكم

اخواتي الاعزاء

الف شكر ليكم جميعا بجد انتم ناس هايلين ومحترمين وبتحبوا الخير لكل الناس ودي من اهم صفات المسلم

وشكرا لكل من رد عليا وزودني بكلمة مبروك وربنا يجعلها في ميزان حسناتكم جميعا

وشكرا لكل شباب ورجال هذا المنتدي وربنا يجعلنا دايما عوننا لبعضنا البعض وربنا يدينا الخير وريبعد عننا اي شر

وشكرا جزيلا

**nav man** · 22-04-2008 04:52 PM

الف مبروك ربنا يباركلك فيها انا من مالكي السويفت من زمان93 عربية موتورها كويس اوى

**furp** · 22-04-2008 07:28 PM

الف شكر ليكم جميعا

وشكرا استاذ محمد عادل وربنا يباركلك في عربيتك وتشاركنا كمان باهم نصايحك لصيانه السويفت والي بدانها بنصايح استاذ حازم خضر

وإن شاء الله كلنا نستفيد

**nav man** · 23-04-2008 03:51 PM

الف مبروك ربنا يديلك خيرها ويبعد عنك شرها.بس انا متاكيد ان موديل 93,94 ياباني دي ازاي مصري

**furp** · 23-04-2008 06:17 PM

السلام عليكم

ازيك ياستاذ محمد

صدقني انا مش عارف بس الي اعرفه ان بداية انتاج السويفت في مصر من 1994 فممكن تكون عربيتي من ضمن بداية خط الانتاج في مصر

والله اعلم