أفكار ومقترحات حول موضوع سرقة العربيات السيراتو

**aaet1** · 13-04-2011 09:14 PM

السلام عليكم
أكيد يا جماعة كنتم متابعين خلال الفترة اللى فاتت موضوعات سرقة السيراتو سواء من خلال منتدانا أو من بره وعلشان كده أنا فكرت فى فتح الموضوع ده بحيث من خلاله نقدر نعرف بالظبط إيه سبب السرقة، هل الأعداد اللى بنسمعها بتتسرق مبالغ فيها لغرض فى نفس شخص ما، كمان نسمع بعضنا وكل واحد عنده فكره إزاى نواجه الزحف ده يقولها

بداية أنا عندى كام فكرة كده وهى:
1- ياريت الأخوة اللى حصلت معاهم السرقة دى يعرفونا بكل ظروفها سواء المكان اللى اتسرقت منه العربية والوقت وكمان مواصفات العربية نفسها هل فيها انذار مثلا ولا لأه وماينسوش أصغر التفاصيل حتى لو كانت العربية وقتها متغطية ولا لأه، كمان يعيدوا ذكر أرقام عربياتهم وألوانها.
2- ميثاق شرف نتفق عليه كلنا واحنا والحمد لله كتير ان أرقام العربيات المسروقة وألوانها نحفظها وتفضل فى بالنا وكل مكان نمشى فيه نحاول ندور فيه عليها.
3- لو فيه حد من الأخوة هنا ضابط شرطة ياريت يشاركنا سواء باتصالاته أو سواء بخبرته وأفكاره.
4- كان فيه موضوع قديم عن جهاز ممكن يتركب جوه العربية وتقدر منه تحدد مكانها من خلال جهاز gps او موبايل، طبعا الجهاز ده مش هنلاقيه فى مصر وبالتالى ممكن نتعب أخونا محمد شوقى يحاول يشوفه بره ويقولنا تكاليفه

أخيرا المجال مفتوح للمشاركة البناءه من الكل لغاية ماربنا يزيح عننا الغمة دى والبلد أمورها تتظبط

تحياتى للجميع وربنا يكفينا الشر

**wonder11** · 14-04-2011 02:42 AM

السلام عليكم ...أنا من ملاك السيراتو وإنهاردة واحد صاحبى كلمنى وقالى إ ن عربيتة (سيراتو SX 2010) .. إتسرقت ..هو ساكن فى أكتوبر وكل اللى وضحهولى إن مفيش أى آثار كسر مكان العربية ..هو مكنش مركب إنذار ..ولما عمل محضر عرف إن عدد المسروق كتيير ومن قبل الثورة ..ومش فى أكتوبر بس فى القاهرة عموما .. أنا سألت ناس كتييرالنهاردة اي الحلول الممكنة زى الكلبش بتاالدركسيون وغيرة ...إنذار .. الحاجة الجديدة اللى عرفتها واللى شاركت عشان أوضحها للناس هية موضوع ال vincode .. يعتبر ال ID بتاع العربية ودة بيكون مكتوب أسفل زجاج العربيةالأمامى مواجة لكرسى السائق لو بصيت من خارج العربية هتشوفوا بوضوح ..الحرامية بياخدوا الرقم دة ومنة بيقدروا يعرفوا الكود الخاص بمفتاح العربية الأصلى ويطلعوا علية ...إزاى معرفش.. هل معاهم ناس مثلا من التوكيل ...الله أعلم بجد أنا هتجنن..ودة معناة إنهم بيسرقهوها على مرحلتين ..المهم بسهولة جدا تقدر تغطى الرقم دة من جوة العربية ..تحشر أى ورقة أو كارت يغطى الرقم دة ...وبالنسبة للى الناس اللى زى حالاتى وعربيتهم لسة جديدة بيكون فية إستيكر على الباب الخلفى شمال بيكون مكتوب علية بيانات العربية والرقم دة ياريت تقطعوة خالص ...

**waleedelpiloot** · 14-04-2011 02:54 AM

هيى التكنولوجيا وصلت فى السرقة لحد كدة
انا مشششششششششششششش مصدق الى بيحصل دة
شكرا يا باشا على المعلومة المفيدة جداجدا دى وربنا يسترها علينا كلناا

**Ahmed.Fahmy** · 14-04-2011 03:40 AM

ربنا يستر علينا يا جماعة
على فكرة موضوع ال GPS دا موجود فى مصر من 1250 جنيه وانت طالع وكتير كمان اعمل search على جوجل مصر هتلاقيه

**aaet1** · 14-04-2011 01:54 PM

المشاركة الأصلية كتبت بواسطة wonder11

السلام عليكم ...أنا من ملاك السيراتو وإنهاردة واحد صاحبى كلمنى وقالى إ ن عربيتة (سيراتو sx 2010) .. إتسرقت ..هو ساكن فى أكتوبر وكل اللى وضحهولى إن مفيش أى آثار كسر مكان العربية ..هو مكنش مركب إنذار ..ولما عمل محضر عرف إن عدد المسروق كتيير ومن قبل الثورة ..ومش فى أكتوبر بس فى القاهرة عموما .. أنا سألت ناس كتييرالنهاردة اي الحلول الممكنة زى الكلبش بتاالدركسيون وغيرة ...إنذار .. الحاجة الجديدة اللى عرفتها واللى شاركت عشان أوضحها للناس هية موضوع ال vincode .. يعتبر ال id بتاع العربية ودة بيكون مكتوب أسفل زجاج العربيةالأمامى مواجة لكرسى السائق لو بصيت من خارج العربية هتشوفوا بوضوح ..الحرامية بياخدوا الرقم دة ومنة بيقدروا يعرفوا الكود الخاص بمفتاح العربية الأصلى ويطلعوا علية ...إزاى معرفش.. هل معاهم ناس مثلا من التوكيل ...الله أعلم بجد أنا هتجنن..ودة معناة إنهم بيسرقهوها على مرحلتين ..المهم بسهولة جدا تقدر تغطى الرقم دة من جوة العربية ..تحشر أى ورقة أو كارت يغطى الرقم دة ...وبالنسبة للى الناس اللى زى حالاتى وعربيتهم لسة جديدة بيكون فية إستيكر على الباب الخلفى شمال بيكون مكتوب علية بيانات العربية والرقم دة ياريت تقطعوة خالص ...

ياخبر ده أنا هنزل أشيل الورقة دى فورا، والله لسه من كام يوم بقول لمراتى هو اشمعنى العربيات السيراتو كلها بما فيها عربيتنا سايبين الورقة دى ملزوقة :))

المشاركة الأصلية كتبت بواسطة aftam

ربنا يستر علينا يا جماعة
على فكرة موضوع ال gps دا موجود فى مصر من 1250 جنيه وانت طالع وكتير كمان اعمل search على جوجل مصر هتلاقيه

يا باشا أنا مش بسأل على ال gps اللى طبعا موجود فى مصر من زمان وفى مليون حته أنا بسأل عن جهاز صغير بيتركب فى العربية عامل كده زى أجهزة التتبع اللى بنشوفها فى الأفلام الأجنبية والجهاز ده ممكن استقبال اشارته على موبايل أو جهاز gps

**hi_nmr** · 14-04-2011 06:45 PM

لو كلامك صحيح وبجد مشكور انك وضحتهلنا علشان ناخد بالنا منه يبقي اكيد شفرة المفاتيح بتاعت السيراتو متسربه من الشركة
ولو ده حقيقي بقي كل الناس اللي معاها سيراتو في خطر ياخدوا بالهم كويس

**تامر.محمد** · 14-04-2011 07:04 PM

موضوع خطير جدا !!!

**tamatemo** · 14-04-2011 07:13 PM

هوا اللي سمعته بس خبر شبه مؤكد

انه فيه معاهم اجهزة اللي بتاخد شفرة العربية وتفتحهامن غير الانذار ما يدور

وان فيه عصابة متخصصة في السيراتو بس واللي بتسرقه بيتباع لتجار المخدارت

ربنا يستر

حاولو تكلبشوا الدركسيون

ولو فيه فيوز يتشال ممكن تشيلوه علشان العربية ماتدورش