عايزين مقارنة بين لانسر2008 الشكل الجديد و1600كوروللا 2008 لو تكرمتم

**mohameduoser** · 17-04-2008 02:52 PM

انا شايف الانسراشيك

**mogyt** · 17-04-2008 04:08 PM

شكرا جزيلا لكل من اهتم بالرد
وعلي فكرة انا شفت الكوروللا هنا في السعودية بس ما سقتهاش فخمة جدا من جوه وواسعة بس موتورها هو موتور الكوروللا القديم وبعدين مقارنةالأسعار بعد حساب الجمارك تلاقي السعر متقارب مع مصر ولكن الأوبشنز المصرية اكتر بكتير وتكسب مع مراعاة اني اللي هنا يابانية واللي في مصر جنوب أفريقيا

اما اللانسر ما شفتهاش ولكن اتصلت بالوكيل هنا فقال ان مش نازل منها غير2000 سي سي بس

وعلي فكرة انا معايا هنا سيفيك 1999 من 4 سنين عربية ممتازة وهايلة واصيله وبنت ناس

**qwertyqwerty** · 17-04-2008 11:53 PM

انا اول مرة اعرف ان قطع غيار اللانسر الجديدة ارخص من الكورولا الجديدة.
هل ده معقول؟؟؟؟؟؟؟؟؟؟؟؟
أنا على وشك اتخاذ قرار بشراء الكورولا ولكن سمعت حاجة تقلق حيث
يتردد وجود مشكلة فى فتيس الكورولا الاوتوماتيك الجنوب الافريقى موديل 2008
الاوتوموتيك بينتش!!!!!!!!!!!!!!

**tarooooka** · 22-04-2008 12:15 AM

يا جماعه لو انتوا بتتكلموا صح مفيش احسن من اللانسر 2008 الجديده بالنسبه للتويوتا وحرام تقارنوها بيها يا جماعه اللانسر الرياضيه 2008 الجديد ملهااااااااااش حل اسئل مجرب كشكل واستايل والوان وجنوط وزينون وسقف كفااااااااااااااايه

**abo samra** · 07-05-2008 05:00 PM

يا جماعة حرام عليكم اللانسر ال 1500 سى سى دى موتورها وحش جدا ولو واحد شد معاها ب لانسر 1600 الشكل القديم هتتبهدل العربيه يا جماعه ما تنفعش للشد نهائى ازاى بقا شبابى ......كدا بقا الكورولا هيا اللى شبابى لان موتورها قوى جدا وبعدين ان شفت اعضاء هنا عاملين مقارنه بس اعتقد المقارنه اللى قالوها دى ما بين كورولا الشكل القديم واللانسر القديمه مش الجديده لان الكورولا الجديده ثباتها مختلفه عن القديمه تماما

**Sharky** · 07-05-2008 05:23 PM

الكورلا الجديدة فيها مشكلة فى الفتيس بيعلق و السحب بتاعها ضعيف قوى فى الاول و التانى
أنا رأى طالما اللانسر سحبها وحش و الكرولا الجديدة كمان
يبقى ما فيش غير سيفيك الجديدة

**Mustafa_Farouk** · 07-05-2008 05:35 PM

المشاركة الأصلية كتبت بواسطة sabbagh

انا لم اقصد انى اقول ان كورولا افضل من لانسر او العكس لانى لم اجرب اى منهم
انا بس اتفرجت عليهم
و بصراحة ال2 مش عاجبنى بالمقارنة بسعرهم
اللى قصدته انى فى الشهرين اللى فاتو بشوف كورولا الجديدة فى الشوارع اكتر من لانسر بكتير
تقريبا بشوفها يوميا و لانسر على فترات متباعده بالرغم من ان لانسر بقالها فى السوق وقت اطول
كلامى غير مبنى على معلومات احصائية دقيقة
مجرد انطباع من مشاهدة الشارع

i agree with ur point of view

إدخل على تويوتا ومتسوبشي في المنتدى وشوف اللي ناس كاتبة .
إنت ليه متفكرش في ميجان، اوكتافيا أو فيكترا . دة إنت لو عايز عربية كبرة حجماً .
أنا على مأعتقد إن الانسر الفول اوبشين حلوة جداً من جوا ومن برا بس الاقل في المستوي دي شكلها وحش أوي من جوا، تحسه التابلوه فقير ، دي وجهة نظري .

**SEATLOVER** · 07-05-2008 07:23 PM

بمنتهى البساطة
لانســــــــــــــــــر

**أبو عبدالله** · 08-05-2008 12:52 AM

يا احمد سحب الكرولا الجديده كل اللي جربواها بيشكروا جامد في سحبها

يعني اللي قالك المعلومة دي مش في محلها خالص

**Sharky** · 08-05-2008 01:09 AM

إللى قالى المعلومة دى واح دصاحبى عنده مركز صيانة لتويوتا يعنى متخصصين تويوتا يا أبو عبدالله و ممكن أوديك ليه و تسمع منه الكلام دا بنفسك هو قالى إن ملاكها بيشتكوا إن سحبها ضعيف فى الاول و التانى .

وعلى العموم إحنا بنتكلم فى إيه ما هو فيه فى المنتدى أعضاء معاهم الكرولا الجديدة و هما نفسهم إللى بيقولوا كده و ممكن تراجع اللينك دا و تتأكد
http://www.nilemotors.net/Nile/showthread.php?t=23057