عايزين مقارنة بين لانسر2008 الشكل الجديد و1600كوروللا 2008 لو تكرمتم

**Sharky** · 08-05-2008 01:14 AM

السلام عليكم
طبعا انتم متفقين معايا ان الموضوع مقلق جدا علشان كدة قررت اكتب عنة لنصيحة الاخرين اولا واللهي ومعرفة مدي حقيقة المشكلة وابعدها.
الدكتور محمود- دة مش اول مرة حد يشتكي من موضوع الفتيس دة انا واحد صحبي عندة نفس المشكلة في عربيتة, حتي لما روحت التوكيل في صيانة 1000 قالولي اية اخبار العربية قلتلهم كل حاجة تمام بس انا عندي مشكلة من غير ما اتكلم قلولي هتقول سرعة سحب العربية والفتيس قلتلهم نعم قالولي دة في كل العربيات ودة اساسا لان الفتيس اصلا منيوال مش اوتوماتك يعني هما عرفين الموضع دة كويس جدا.
بالنسبة لقوة الضغط علي الدواسة ممكن اقولك ان العربية اساسا سحبها ضعيف جدا من الاول للتالت بس بصراحة العربية بعد التالت سحبها ممتاز جدا. بس هعمل اية بعد التالت واحنا معظم مشينا بيكون داخل المدينة وانتم عرفين طبعا اشارات المرور والزحام. كل مرة بكون واقف في اشارة واكون عاوز اسحب الاقي كل العربيات سبقتني وانا لسة واقف يا سلام لو مطب حاجة تكسف. علي فكرة انا كنت بسوق ابل كدة لانسر وميجان وليجانزا ومكنتش بحس بالموضوع دة خالص يعني الموضوع دة في الكرولا مشكلة. كانوا زمان بيتكلموا علي الميجان وفتسها من 4 سنين لكن مقارنة بالي انا شوفتة في الكرولا مفيش مقارنة واتمني ان تكون المشكلة سوفت وير زي نبيقول البعض.
السيد شاركي - انا استلمت العربية من حوال ثلاث اسابيع وكانت اغلي من التوكيل بالطبع الي لما تروح عندهم هيقلولك هتستلم بعد 3 شهور لكن في الحقيق العربية مرطرطة في السوق ودة طبعا عملية نصب زي ما احنا عارفين وهي دلوقتي عملة 2200 كيلو, في مشكلة تاني طبعا زي ما قلت ان العربية ممكن متجبش الاول ولاقي صوت المتور علي وممكن يوصل لحد 4000 ر ب م ةالعربية لسة علي الاول فبطر اشيل رجلي من علي الدواسة وادوس فرامل او اغير من اتوماتك مود الي مانيول مود وبعدين ارجع تاني اتوماتك, انا قةلتلهم علي المشكلو دة بردة قالولي في الاول هنطلع حد معال يبص عليها وبعد كدة جية مهندس تاني وقالي في بعد الناس اشتكت من نفس المشكلة بردة وهما هيبعتوا تقرير اليابان بالمةضوع دة وعلي اي حال نستني لحد صيانة ال 5000 كيلو , دة كان ردهم, حد يصدق الكلام دة بردة في عربية جديدة والثمن دة؟؟؟؟؟؟؟؟؟؟؟
السيد- العربية فيها زرار سبورت يخلي استجابة العربية اسرع زي ما انت قلت بس دة فوق الخامس لو انت علوز تزود قوة السحب في المسافات الطويلة ودة بالطبع بيزود بردة معدا استهلاك البنزين معاك.
علي فكرة دة مشكلامي انا لوحدي في الموضوع دة ممكن نشوف كلام اصحاب الكرولا الجديدة بردة؟ وهنعرف مدي حجم المشكلة.

و أدى الكلام إللى قالوا العضو elkodsy فى اللينك إللى أنا حطيته فى المشاركة السابقة و هو من ملاك الكرولا الجديدة و بعت شكوى لتويوتا بره لعدم رضاه عن العربية حتى الان و فى نفس الوقت توكيل تويوتا فى مصر مش عارف يعمله حاجة و بيقولوا إستنى لحد صيانة 5000 كم يمكن ربنا يسهل و تتحل لوحدها :D

هى مش دى الكرولا أم 142 حصان

**Ahmed Samy** · 08-05-2008 01:23 AM

المشاركة الأصلية كتبت بواسطة أبو عبدالله

يا احمد سحب الكرولا الجديده كل اللي جربواها بيشكروا جامد في سحبها

يعني اللي قالك المعلومة دي مش في محلها خالص

طب بلاش السحب !!!:):)
دا السحب هوا مشكلتها الكبيرة
و التقصيرة بين الأول و التاني
و عدم النقل بعد المطبات
و الثبات الأقل من المتوقع
الصالون الفقير (في كماليات كتير) بس فقير في الشكل
ده غير شكلها من وراااااااااا:p:p:p:p اع ع ع ع ع

ولكن اللانسر حاجة تانية
شكل ثوري اجمع الكل على انه افضل من التويوتا (هيا مكببة شوية) بس شغالة
وشها جميل
و أداء ممتاز (و دي حاجة كل أصحاب العربية أجمعوا عليها) و حكاية 1500 دي معلش كل حاجة بالسي سي و بس .... المحرك ال MIVEC فيه تكنولوجي جديد
صحيح التويوتا برضه فيها موتور جديد VVTI هايعمل ايه المحرك مع ناقل حركة مقصر.

اللانسر من الداخل جميلة جدا و تابلوها تحفة
(خامات التابلوه بلاستيك صحيح بس شيك)
يعيب اللانسر شنطتها الصغيرة , بس ليها حل :D

لانسر لانسر لانسر

**abo samra** · 08-05-2008 01:53 PM

بالعكس والله كلوا بيشكر فى الكورولا الجديده ومحدش شكر فى اللانسر نهائى
وبجد انا خلاص هتجنن من الناس اللى بتقول شد الكورولا وحش
كفاية بس الطلعه حرام عليكم
يا ريت بس محدش جرب السياره يتكلم عنها لان دى امانه
وبعدين مش معنى ان واحد طلع عنده عيب فى الفتيس يبقى الفتيس فى الكورولات وحش
وبعدين لو كلامكم صح مكانتش هتنتشر الانتشار المتذايد دا العربيه مبيعاتها فى ازدياد اكتر من الجيتا والاوكتافيا والسيفيك اللى تقريبا فى نفس المستوى السعر
انا مش متحيز للكورولا بالعكس انا بس شايف ان الناس بتقول حاجات ما شفتهاش وبعدين انا اساسا لو هجيب مش هجيب الكورولا الجديده لان شكلها مش جامد قوى وفيه حاجات تانيه احسن
وبعدين اللى قال ان الكورولا ثباتها اقل من المتوقع......زيمكن حضرتك بتتكلم على القديمه ممكن اعرف جبت الكلام دا منين
بجد خلاص هتجنن

**Sharky** · 08-05-2008 02:01 PM

هو حضرتك مش واخد بالك من إللى كاتبه زميلنا elkodsy إللى معاه كرولا الجديدة و هو حضرتك ماشوفتش اللينك إللى كاتب فيه الكلام دا !!!!!!

يا ريت تراجع الكلام دا

دة مش اول مرة حد يشتكي من موضوع الفتيس دة انا واحد صحبي عندة نفس المشكلة في عربيتة, حتي لما روحت التوكيل في صيانة 1000 قالولي اية اخبار العربية قلتلهم كل حاجة تمام بس انا عندي مشكلة من غير ما اتكلم قلولي هتقول سرعة سحب العربية والفتيس قلتلهم نعم قالولي دة في كل العربيات ودة اساسا لان الفتيس اصلا منيوال مش اوتوماتك يعني هما عرفين الموضع دة كويس جدا.

و على فكرة دا المشكلة أصلا فى الطلعة و بالذات فى الاول و التانى لدرجة الراجل بيقول دى حاجة تكسف

أظن الكلام واضح إن سحبها وحش و الفتيس فيه مشكلة و دا من كلام الوكيل و ملاكها مش من كلام حد تانى

**Ahmed Samy** · 08-05-2008 02:08 PM

يا ريت بس محدش جرب السياره يتكلم عنها لان دى امانه

ده بالفعل عن تجربة عربيتين مش عربية واحدة
الحمد لله الوادح بيتحرى الأمانة و مابياخدش بالسمع

وبعدين مش معنى ان واحد طلع عنده عيب فى الفتيس يبقى الفتيس فى الكورولات وحش

مش واحد يافندم:):)
الشكوى دي معروفة - متكررة - و التوكيل حافظها
دور في منتدى تويوتا هاتلاقى

أما موضوع المبيعات فدي حجوزات من 5 أشهر
يعني عربيات متباعة قبل ماحد يحط رجله فيها (و ماكانش ليها تست درايف) و لا حتى تشوف شكلها
كان المعروض كله خليجى

كمان الكماليات الكثيرة و اسم تويوتا كان حافز قوي للحجوزات دي

و حضرتك لازم تكون عارف ان في موجة من المبيعات بتصاحب اي عربية متسوقلها كويس و بعدين ممكن الموجه دي تقف او تقل او تزيد حسب اقبال الناس و سمعة العربية

و هانروح بعيد ليه
الله يرحم ايام الميجان لما نزلت اواخر 2004 :):) بااااااااااااااااااعت زي ما حدش باع
و دلوقتي .......طبعا خلاص مش زي زمان و السبب استوك كان فيه عيب + اشاعات

البيع الأولى مش مقياس نهائيا على كفائة العربية او عدم كفائتها

اما اللانسر (بما اننا نتحرى الأمانة) ياريت تقوللنا مين اشتكى ؟؟؟ و اشتكى من ايه ؟؟؟
ده كفايه ان ناس كتير كان بيقارنوا بين التويوتا و اللانسر و يقولو ان موتور التويوتا مش عارف ميه كام واربعين حصان - و طلعت كذبة تسويقية من وكيل غير محترم-.

و اتفرج دلوقتى على مبيعات اللانسر
بتزيد يوم عن يوم لأن المنافس بيضعف يوم عن يوم
و اللي حضرتك بتشوفه في الشوارع من التويوتا ده كان كله محجوز
العبرة بمعدل الحجوزات دلوقتي

**M_HaFeZ** · 08-05-2008 02:12 PM

هى الكورولا فعلا 142 حصان ولا وسعت اوى منهم ؟

**Sharky** · 08-05-2008 02:16 PM

المشاركة الأصلية كتبت بواسطة Ahmed Samy

و اتفرج دلوقتى على مبيعات اللانسر
بتزيد يوم عن يوم لأن المنافس بيضعف يوم عن يوم
و اللي حضرتك بتشوفه في الشوارع من التويوتا ده كان كله محجوز
العبرة بمعدل الحجوزات دلوقتي

الكلام دا مظبوط مبيعات اللانسر EX فى إزدياد دلوقتى

**abo samra** · 08-05-2008 02:24 PM

انا مش هتكلم كتير وانا اعرف 5 جابوا الكورولا الجديده وكلوا بيشكر فيها ومحدش اشتكى منها خالص
واللى انتم شايفينوا صح ده ده يرجعلكم وكل واحد فيكم بيقول كلام الناس وكذا قال وكذا قال ما فيش مره تكون شفت بنفسك
عموما انتم حرين

**Sharky** · 08-05-2008 02:28 PM

هو إنت لسه مش واخد بالك إن إللى بيقول الكلام دا ملاكها و التوكيل نفسه

هى الكرولا إللى مع الخمسة صحابك مانيوال و لا أتوماتيك ؟
خليجى و لا جنوب أفريقى ؟

**abo samra** · 08-05-2008 03:01 PM

بص يا سيدى انا ركبت كورولا الجنوب افريقيى العربيه القديمه فى طلعتها كنت بتسمع بصوت الموتور انما دى شبه غير ملموس وعزل الهواء فيها ممتاز جدا واعلى من الكورولا القديمه و بعدين وانت راكب اصلا العربيه بتديك احساس انها لازقه فى الارض (يعنى تقيله) انا لما سالت صاحبها العربيه اخبارها معاك ايه مفيش مشاكل ؟ قال العربيه اتحسنت عن القديمه بكتير وبقت اثبت واقوى مع العلم انه كان معاه كورولا 1300 مو 2006 والفتيس اخباره ايه قالى احساس ممتع قوى انك تنقل السرعات من الدريكسيون وتشد بطريقة e وقالى بيحس بنتشه كدا خفيفه فى الفتيس بس انا ما لاحظتهاش الصراحه نهائى
اللى غريب فى العربيه ان لو اخدت مطب جامد شويه العربيه بتحك فى المطب ؟ يمكن علشان قاعده عجلاتها كبيره شويه فنص العربيه بيقع فى نص المطب مش عجلاتان وعجلتان انما الكورولا الخليجى اللى هيا اليابانى نفس صوت الموتور القديم بالظبط واى حد هيركبها هيلاحظ الموضوع دا 'طبعا العربيه مش 110 حصان زى القديمه مع انها نفس الموتور ولكن العربيه اتقل فبتقل الى 107 حصان فقط بصراحه بشكل عام بالنسابلى الكورولا الافريقى اشد