الموضوع: وايه يعنى لما اروح اتفرج

المشاركة الأصلية كتبت بواسطة azmeralda

الرابط مش بيفتح
بس مين قال لك انى بمد عينى انا وضحت فى كلامى جدا انى مش بتعقد ومعنديش مشكلة وكمان لما بشوف اى عربية فى الشارع بتعجبنى بقول ما شاء الله لا قوة الا بالله اللهم بارك له وارزقنى مثلما رزقته

وبعدين انا مقتنعة ان الواحد لازم احلامه تكون كبيرة جدا (مش لازم لدرجة مرسيدس يعنى ) بحيث لو حقق ربعها بالسعى والأجتهاد وعدم الأستبعاد يكون حقق حاجات كبيرة برضه

وهشوف تفسير الآية : )

السلام عليكم:
يافندم أنا مقولتش لحصرتك انكى تمدنى عينيكى ولا أقصد ذلك على الإطلاق فهذا شىء يعلمه الله
ولكنى رأيتها فرصه لتوضيح معنى الأيه ليس إلا وللأسف أن ليس كل مايكتب يفهم مايقصد منه
بعتذر لحضرتك لوكان مسار موضوعك تحول شيئاً ما.....تحياتى والسلام عليكم

المشاركة الأصلية كتبت بواسطة azmeralda

لاتنظر إلى من هو اعلى منك - منتديات زيرو سات



بس hhooحضرتك شايف ان المعنى ده منطبق على الفرجة على عربية فى المعرض من باب العلم بالشىء ولا منطبق على انى اشوف حد راكبها فأقول يا سلام ونفسى يبقى عندى زيها وكده؟

السلام عليكم
والله يافندم من باب العلم بالشىء ده شىء مش وحش بس ياترى لوفرضنا حضرتك إن فى 10 اتفرجوا على العربيه ياترى كام واحد منهم بينام الليل ومابيحلمش بيها أو لما بيركب عربيته ال128 أو حتى اللانسر أو الصنى أو أو
وهى نعم كبيره والحمد لله بيحس انه مش مرتاح وقرفان وعايز يغير
فلو حضرتك شايفه انك هتتفرجى وتحمدى ربنا وتتفكرى فى نعم الله عليكى اتفرجى براحتك
وبعدين فى نفس طواقه ياأختى كأحد الخلفاء لما تولى الإمارة طاقت نفسه للخلافه ولما تولى الخلافه طاقت نفسه للجنه فزهد فى الدنيا
فقد تكون فرجتك مما يدعو للتفكر فى الجنه على أساس أن هذا الوهم كما نسمع موجود فى الدنيا فماذا فى الجنه
بعتذر لحضرتك للمره التانيه عن تغيير مسار موضوعك المحترم......تحياتى والسلام عليكم

مفيش مشكله ...
انا عن نفسى اوقات ابقى ماشى الاقى معرض عربيات عارض عربيه معينه ..انا مش هشترى ولا حاجه بس عاوز اعرف العربيه دى سعرها كام و ظروفها ايه ..
بركن وانزل اتفرج و اتكلم و افاصل فى السعر كمان و اخد منه كارت ..وسلام عليكم
توكيل مرسيدس دخلته قبل كده اتفرجت على ال c class و ال e class و ال s class وسالت على الالوان الموجوده و مواعيد التسليم ..وسلام عليكم
بى ام نفس النظام ..كيا رينو نيسان ..اى ماركه فى اى معرض بتفرج و اعرف ..عادى مش عيب
مش عاوز اقولكو بقى انى ممكن اوقف واحد ماشى فى الشارع بعربيته اتفرج عليها ..لانه معدل فيها حاجه معينه :)