طلع خطر ومهم جدا
بعد ما كنت مع واحد صحبي بنضف الكربراتير لقيت ان عنده نفس المشكلة اللي عندي .. والبوز ده مهري وهيتكسر بعد فترة
خدوا بالكوا يا جماعة .. غلطتها بعمرة بعد الشر
هصور الخرطوم ده فين بالظبط و أكتب هنا
عايز أقول برضه اني غيرت بوجيهات
جبت ngk ب 35 جنيه
بمشي بيه حالي علي ما أجيب splitfire أو ngk iridium
البوجيه اللي خرج طلع مهبب .. هبقي أصوره بكرة
بس مافيهوش زيت أو أي حاجة
وده لأني منضف كربراتير بسبراي وكل الوساخة دخلت علي السلندرات
وبالنسبة للتانك انا اشك ان التانك ال 45 لتر ده كذبة من هيونداى فى الكتالوج لان واضح ان المشكلة عامة واخر رقم وصلناله كان تفويل التانك ب 33.5 لتر والاحتياطى بيكون 1.5 لتر او 2 لتر بالكتير واتمنى مزيد من الاراء
بسم الله الرحمن الرحيم خير بأذن الله يا ماجد باشا بس شوية ظروف كدة و بالنسبة للاخ وائل لاحظت انه كاتب لمبة ( 260 فولت ) و علما اعتقد عشان اصلح المعلومة للجميع انها قصدة تقريبا ( 260 وات W ) ولاا اية يا وائل
احمد باشا زيزو واحشني يا اسكندراني انته فين يا عم واحشني والله وربنا ييسر لك الاحوال وظروفك تبقي تمام انشاء الله وانا الحمد لله ربنا كرمني بعربية اكسيل 95 وكنت كاتب استفسار عن السربنتينة ياريت تفيدني فية يا ابو الافكار ومتتقلش علينا تاني عشان بتوحشنا .......
ازيك يا Eng.Geo وحشنا
بقلك انا لو لاقيت الزيت ناقص وزوته وبعدين بعدها بيومين لاقيت فيه زيت كتير من تحت الموتور عند قاعده الموتور يا ترى الزيت اللى زوته يكون عمل حاجه فى الموتور ضرب جوان مثلا و شكرا
ازيك يا eng.geo وحشنا بقلك انا لو لاقيت الزيت ناقص وزوته وبعدين بعدها بيومين لاقيت فيه زيت كتير من تحت الموتور عند قاعده الموتور يا ترى الزيت اللى زوته يكون عمل حاجه فى الموتور ضرب جوان مثلا و شكرا >> ممكن بس انت متأكد انه زيت موتور مش زيت فتيس لان انا حصل معايا كدة بعد مغيرت زيت موتور وفتيس ولاقيت بعدها زيت تحت العربية قلت ممكن بتاع الزيت يكون مقفلش الطبة كويس رحتله وبص قالي لا مقفولة كويس الزيت واقع من عند الكوبلن قالي روح للمكانيكي رحت للمكانيكي قالي محتاج تغير الاويل سيل كوبلن فتيس ....الله المستعان تكون حاجة بسيطة معلش طولت بس للافادة زي متعود من الربطة الجميلة دي وربنا يسترها علي الجميع يارب
وبالنسبة للتانك انا اشك ان التانك ال 45 لتر ده كذبة من هيونداى فى الكتالوج لان واضح ان المشكلة عامة واخر رقم وصلناله كان تفويل التانك ب 33.5 لتر والاحتياطى بيكون 1.5 لتر او 2 لتر بالكتير واتمنى مزيد من الاراء
لا ما اعتقدش الاحتياطي كده خالص انا مشيت عليه كتير اوي اليومين اللي فاتو ولسه ما مونتش
طيب انا هافول النهارده ونشوف النتيجه النهائيه كام
لقد أسمعت لو ناديت حيا ولكن لا حياة لمن تنادي
ولو نار نفخت بها أضاءت ولكن أنت تنفخ في رماد!!
م.معماري/ تامر احمد
بالنسبة للخرطوم اللي أتفك ونزل الميه اللي في الرادياتير
بص في أتجاه السهم الأحمر
هتلاقي المنظر كدة
الخرطوم المقصود هو اللي متعلم عليه بأحمر
مربوط بأفيز في بوز في الكربراتير من تحت
الخرطوم اللي متعلم بأزرق ده هو اللي جاي من الرادياتير للموتور
واضح انه نازل للموتور
الخرطوم الأحمر ده خارج من الموتور للكربراتير عشان ياخد المية السخنة اللي في الموتور يستفيد بيها عشان لو شغلت التكييف السخن
نقرب شوية من المكان ده
كدة انا قربت جوة والأفيز مش باين قوي
بس هو ماسك في البوز بتاعه في اللكربراتير جوة
فك الأفيز ده وبص علي البوز نفسه اللي في الكربراتير
لو لقيته مهري .. خدها من قاصرها وفك الكربراتير ( بعد ما تفك العمة هتلاقي 4 مسامير طوال ماسكين الكربراتير بالموتور .. فكهم وفك كل الخراطيم و وسلك الأكسلاتير وسلك الشفاط ) وروح لخراط قوله يعملك بوز بدل ده
خد بالك لازم تكون العربية باردة وانت بتفك الكربراتير بدل ما يقفع
هيكون في بنزين في الكربراتير .. عادي
مش هتاخد وقت كتير .. بس ممكن ترحمك من عمرة
انا ربنا سترها معايا ولحقتها في الوقت المناسب
في حالة حبيت تخلص منها
ممكن تسد المكان ده .. بلا بوز بلا بتاع .. عن الخراط برضه
وتسد الخرطوم كويس
كدة كأنك فصلت التكييف السخن
ده كان حلي المؤقت عشان أروح بيتنا
سديت مكان البوز المكسور ب Epoxy وسديت الخرطوم بمسمار عجل
ازيك يا eng.geo وحشنا
بقلك انا لو لاقيت الزيت ناقص وزوته وبعدين بعدها بيومين لاقيت فيه زيت كتير من تحت الموتور عند قاعده الموتور يا ترى الزيت اللى زوته يكون عمل حاجه فى الموتور ضرب جوان مثلا و شكرا
أزي حضرتك يا هندسة :)
يا رب تكون بخير
معتقدش انه في حاجة حصلت من زيادة الزيت
أتأكد انه زيت الموتور .. شوف مستواه بقي عامل أيه
لو نقص .. شوف الطبة من تحت .. شوف الماسورة بتاعة مقياس الزيت ممكن تكون مفكوكة من الموتور
لو مش ناقص .. شوف زيت الباور وخراطيمة وباقي الخراطيم والزيوت
المفضلات