الموضوع: سبيرانزا m11 موديل 2011 للبيع

واللي بيقولك سعرها تمام كدة لو يعرف يجيبلك زبون على السعر دة يبقى جزاه الله خيرا الموضوع مش كلام وخلاص

المشاركة الأصلية كتبت بواسطة alshahba

للتوضيح:-
1- تكاليف نقل الملكيه لاتزيد تقريبا عن 300 جنيه وذلك لانه يكتب فى العقد ان البيع ب 1000جنيه فقط
2- السياره الوحيده المعروضه فى موقع بيع السيارات موديل 2011 الحيده ب 67000جنيه (توضيح للاستاذ aveo)

واهلا لحضرلاتكم لكل من يريد الشراء

الأخ العزيز:
1- بالنسبة للعقد المسجل الشهر العقاري يوجد به شرائح لتكلفة نقل ملكية السيارة و لا يلتفت إلا المبلغ المذكور في العقد فمثلا السيارات موديل السنة بسعة لترية وليكن 1300 لها شريحة تختلف عن نفس الموديل بسعة 1600 أو 2000 كذلك عند مرور 5 سنوات على عمر السيارة تدخل حسب سعتها اللترية في شريحة أخرى و لا ينظر لمبلغ العقد نهائيا أي كان
كذلك الأمر عند تسجيل الشقق و الأراضي ياما ناس كتبت في العقد تنازل أو سعر المتر ربع جنيه و لكن هناك شرائح لكل منطقة و عند زيارة معاليك للشهر العقاري لتسجيل قطعة أرض مثلا هيقولك الموظف خش للأستاذ فلان علشان يقولك هتدفع كام بناء على تقييمه لقيمة الأرض و إلا ماكنش حد غلب كنت إشتريت العربية مثلا بتوكيل و جيت بعته لنفسي و كتبت 15 جنيه مثلا و أنا حر أبيع بالمبلغ إلي يريحني و أخش على الموظف أقوله نسبة العقد المسجل 4 % من قيمة السيارة يعني 75 قرش "جنيه إلا ربع" فإنسا تماما المعلومة إلي حد قالهالك قبل كده.
2- الواقع أني أجد مبالغة جبارة في تسعير اليني المستعمل و كأن الشخص البائع يشعر أن سيارته صيني و مالهاش سوق فياخد إجراء دفاعي بالمبالغة في السعر المطلوب زي أستاذنا إلي طالب هنا 68 أو هنال 67 و بنظرة حيادية و موضوعية و دع الإستسناءات جانبا أي عربي خرجت من المعرض و علقت نمر ينزل من تمنها حوالي 10 - 15 % إذا كانت ياباني أو كوري مثلا أنا بعت و إشتريت و إشتريت و بعت على هذا الأساس
3- لو العربي صيني مثلا فالقاعدة تختلف تماما و ندخل في قاعة حسب التساهيل بس الصيني بيقل في تمنه من 12 - 20 % و طبعا توجد إستثناءات حسب التساهيل
4- من حوالي 3 أسابيعفي سوق السيارات كانت عربية إف أر في بريليانس موديل 2009 عاملة 15000 كيلو تمنها جديد حوالي 70000 و صاحبها عارضها و حاطط ورقة مطلوب 60 ألف غير قابل للفصال طبعا الأخ ده مش نازل يبيع نازل الناس تتريق عليه المهم أخد الشمس على دماغه طولة اليوم و روح شفته الأسبوع إلي فات بالعربية في السوق و الحمد لله باع عربيته على أخر النهار ب 43 ألف و ده عادل جدا للعربية لأن اللانوس مثلا 2009 بتعمل من 50 ل 25 ألف و طبعا عربية كوري و ماشية في السوق زي الصاروخ فطبعا ماحدش يقولي إنت هتجيب إمكانيات اللانوس للبريليانس أو للإم 11 إحنا هنا بنتكلم في قيمة شرائية يعني كانت بكام و بقت بكام و اللانوس زيرو بتعمل 70000 زيها زي الإتنين دول وعربية مرغوبة و مبيعة و قطع غيارها ببلاش طبعا الإم 11 و البريليان أحسن منها مرات كأداء سيارة لكن السوق هوه إلي بيحكم
5- خد عندك عل سبيل المثال الميجان و الفلونس و البيجو و الرينو مجرد السيارة تخرج من المعرض بيتهبد سعرها بالعشرين و التلاتين ألف جنيه عند البيع الجدي ده مايمنعش إنك تلاقي واحد حاطط إعلان و بيقول أقل من سعر الوكيل بألفين جنيه ده بيغني و مافيش كورال هيرد وراه
6- صديق إشترا إسبيرانزا 516 موديل 2009 ب 44 ألف جنيه و جميع الحاضرين و السامعين أجمعوا إنه أخدها غالية طبعا عربية كويسة بس هي دي قواعد السوق
7- لكل المقبل على شراء عربية صيني زيرو يجب أن يضع في الإعتبار ألا يبيعها قبل مرور سنتين لتلات سنوات علشان يقدر يستمتع بيها قبل مايسيب مبلغ محترم من تمنها ممكن يوصل للنص.
أرجوا أن أكو أفدت و ربنا يوفق الجميع يا رب