شقاوة العيال و كوارثهم

**الغزالى** · 29-12-2009 10:18 PM

المشاركة الأصلية كتبت بواسطة Eng_Mostafa_89

انا وانا صغير كنت هادى بس كنت شغال عبقري بحب اصلح الالعاب بتعتى من وانا تقريبا فى يمكن ثالثة ابتدائى المهم بابا كان جايبلى كاوية لحام وكنت بخاف قوى امسك القصدير كنت بخلى اخواتى يمسكوة وانا السعهم بالكواية بتاعت اللحام.
--------------------------
ومرة تانى كنت صغير تقريبا كنت فى سنة اولى ابتدائى المهم بهزر مع اختى الكبيرة بعد لما رجعنا من المدسة حطيت لها فى الجزمة مياة وطبعا مستنى تانى يوم بفارغ الصبر علشان اتفرج والشراب بتاعها بيتبل
جية تانى يوم اليوم المنتظر اختى بتلبس الحذاء واذا بالماء (حتة شعر حلوة) طبعا اختى اية دة وانا اضحك طبعا رد بابا جاهز طاااااااااااااااخ كدة بوظت الجزمة بتاعت اختك.

تستهال :POINTI~2[2]: فى حد عاقل يعمل كدة تبوظ جزمت اختك الكبيرة

**الغزالى** · 29-12-2009 10:30 PM

خدوا عندكوا الموقف دى عندكوا مرة اونا فى 4 او 3 ابتدائى كنا فى العيد الصغير المهم كان البلايستشن لسة طالع ون طبعا المهم كان فى واحد جارنا فاتح محل وجايب واحد
المهم رحت اللعب عندة انا وابن عمى وعمتى وورحت البيت مش فاكر عشان اعمل اية
المهم كان فى مية فى الشارع وانا بجرى وهوب عايز اعدى من فوقيها رحت واخد باك ويرد على ظهرى زى الفل فى المية طلعت جت العلقة التمام ونمت
ومرة تانية كنت برضو كنت ستى الله يرحمها
وخالى كان بيجب الاجهرزة بتاعتة عشان يتجوز المهم ويحطها فوق الدولاب قمت انا
طالع على الدولاب وعايز اتشعلق علية وامشى بطول الدولاب وانا متشعلق
هوب راحت ماسك فى كارتونة تنننننننننننننننننننننننن ننننننن
كل الى على دولاب بئى على الارض الحج خبطنى قلم ساعتها زى الفل لولا ستر ربنا كان فى ناس قرابينا عندنا حاشوهم عنى وسعاتها مرجعتش البيت معاهم

فى حكايات تانى استنواااااااا شوية كدة

**fady.bekatcho** · 29-12-2009 10:56 PM

يوووة دا انا كنت عيل مصيبة

اولا انا ليا اخ توائم

ولينا مصايب الدنيا والاخرة

انا فاكر اننا قعدنا فترة كبيرة قوى نحب نعدى قدام العربيات لدرجة ان اهل المنطقة تعبوا من كتر ما كانوا بيطلعونا من خبطة عربية او موتوسيكل

ومرة كنا عند اهلى والدتى فى اسيوط
هما فى الدور الاول بس البلكونة تحتيها محل تحت الارض ومعملة سلم وكدة
البية اخويا راح شالنى ورمينى من البلكونة وانا رحت متعلق فيها وجسمى برة وهو عمال يضحك ويبصلى

ومرة تانية واحنا راجعين بالقطر ضربت فى دماغنا نقلد الافلام
رحنا نزلنا من القطر واستنناة لما مشى وجينا نجرى وننط وهوب ما عرفناش وكنا بتاع 6 سنين مثلا

اتبهدلنا بهدلة فى اليوم دة وعملنا افلام على الناس كلها علشان نعرف نرجع
والى غاظنى ان عمى اول ما شفنا راح جرى علينا وبصنا وحضنا لان العيلة كلها مستنيانا على المحطة بس لما اتجمعنا فى البيت قلب القصة اننا احنا الى جرينا علية وكدة

ومرة وانا فى حضانة اول يوم لينا المدرسة فكرت بس تحطنى فى فصل واخويا فى فصل عينكم ما تشوف الا نور بالجزم عليها وادى وتانى يوم رحت واحد سكينة المطبخ الكبيرة معايا وهيا تجرى وانا اجرى وراها
كلت علقة فى اليوم دا مية مية

ومرة تانية كنت عايز اشيل الكاسيت واخدة برة اسمع
كنت بتاع 8 سنين والكاسيت كان فى الدولاب فوق خالص
ففى درج بيتسحب ويبقى كانة مكتب رحت طالع علية وماسك الكاسيت بايدد وماسك فى الدولاب بايد علشان ما اقعش ورحت شايل الفيشة ببقى بقى
ورحت هب منطور ومكتهرب ومتبهدل اخر بهدلة

دا غير حاجات تانية كتير

**M.Mostafa80** · 29-12-2009 11:12 PM

الموقف التانى بقى والدى كان محرم علينا اللعب فى الشارع لأنو عندو مبداء ان اللى يلعب فى الشارع يطلع صايع هههههههههههه
المهم فى يوم العيال جرانا قعدو يغظونى أنهم نازلين يلعبو وانا لأ
قعدت اتحايل على والدتى عشان انزل قالتلى بابا زمانو جاى ولو شافك تحت هيعلقك
قلتلها أنا هنزل ألعب ولما اشوف العربيه على أول الشارع هطلع جرى
قالتلى مليش دعوه انت حر دلوع ماما بقى كنت الواد الوحيد ساعتها هههههههه
على حظى الأبيض بابا فى اليوم دا يغير عربيتو بعربيه تانيه ويقفشنى متلبس فى الشارع وكانت ليله بيضا ونبى بيضا ههههههههههههههه

**fady.bekatcho** · 29-12-2009 11:15 PM

المشاركة الأصلية كتبت بواسطة m.mostafa80

الموقف التانى بقى والدى كان محرم علينا اللعب فى الشارع لأنو عندو مبداء ان اللى يلعب فى الشارع يطلع صايع هههههههههههه
المهم فى يوم العيال جرانا قعدو يغظونى أنهم نازلين يلعبو وانا لأ
قعدت اتحايل على والدتى عشان انزل قالتلى بابا زمانو جاى ولو شافك تحت هيعلقك
قلتلها أنا هنزل ألعب ولما اشوف العربيه على أول الشارع هطلع جرى
قالتلى مليش دعوه انت حر دلوع ماما بقى كنت الواد الوحيد ساعتها هههههههه
على حظى الأبيض بابا فى اليوم دا يغير عربيتو بعربيه تانيه ويقفشنى متلبس فى الشارع وكانت ليله بيضا ونبى بيضا ههههههههههههههه

لا انا كنت زيك بس الفرق ان ما كنش عندنا عربية

كنت المح والدى طالع البيت اروح مستنى خمسة واروح جارى خمس دقايق وطالع واول ما والدتى تفتح اروح قايلها ما لقتش الصلصة او اى حاجة تانية كانها بعتتنى تشترى حاجات

**الغزالى** · 29-12-2009 11:15 PM

المشاركة الأصلية كتبت بواسطة eng_mostafa_89

[/center]
خلاص ضاقت بيك الدنيا طالع تتمشي فوق الدولاب انا لو من باباك كنت قتلتك

امشى اية يا هندزززززززززة بقولك متشعلق بدارعى
صباح الفل امسح النظارة

**الغزالى** · 29-12-2009 11:28 PM

خدوااا المواقف المئساااااااااااوية دى
لحج كان سسافر وانا صغير راح السعودية وانا والحاجة رحنا نقعد السنتين دول عند ستى
المهم كانت بتمزج اوى اوى اوى اوى لما امسك القلم الجاف الازرق وروح اشيل الدهان بتاع الابواب وافضل اشخبط االابواب لحد اما ابواب البيت كلة كانت بيضة بئت زرقة
المهم امى اتخنقت منى فى يوم قالتى بس يا محمد وانا ولا كانى سمعت حاجة المهم بقدرة قادر لقيت امى فى لحظة راحت جيبانى من على الارض ومشغلة الماكوة على 6 والمكوة هى رخرة فى لحظة ولعت وراحت حاطها على ايدى ولسة لحد دلوقتى العلامة بتاعتها موجودة بتحبنى اوى امى صح

بس انا والله العظيم بموت فيها مهما يحصل رينا يخليهاااااااالى ويخللناااااااااااا امهتنا كلناااااااااااا

اما الموقف دة فا موقف مزاجنجى اوى برضو كان عند ستى الله يرحمها كانت بيات عندنها ودخلت استحمى المهم المية نازلة سخنة وانا متمزج اوى اوى ونسيت افتح البلاعة وهى كانت مش بتسرب نقطة مية حاجات زمان بقى المهم انا فضلت جوا بتاع 1\2 ساعة كدة ونسيت نفسى المهم ستى كانت قايمة تشرب حرجت الصلاة لقيتها بتصوت طبعا خلى جرى جبنى من الحمام وانا طلعت برة الصالة ابص لقيت السجادة عايمة من كتر المية الى خرجت المهم خالى يحاول الله فضل من الساعة 12 او 1 مش فاكر لحد الفجر يشيل فى المية

روقنى ساعتها صح

-

-

-

الموضوع: شقاوة العيال و كوارثهم

LinkBack

أدوات الموضوع

عرض

-

-

-

-

-

المواضيع المتشابهه

ده اخره لعب العيال

اممممممممممممممممممم .... تقدر تقول شقاوة عيال ..

وبعدين فى لعب العيال ده

ايه أخر تقاليع العيال

الكلمات الدلالية لهذا الموضوع

المفضلات

المفضلات

ضوابط المشاركة