الموضوع: شقاوة العيال و كوارثهم

المشاركة الأصلية كتبت بواسطة karim_monir

ولنا عووودة

الوقوف على سور البلكونات دي كانت حاجة طبيعية طبعا بالنسباللي لدرجة انه بقي الطبيعي ان والدي يرجع يلاقيني قاعد على سور البلكونة
وطبعا رمي بلكونات الناس بالطوب كان شيء عادي ووالدي خصص جزء من الميزانية لاصلاح ما اتلفة كريم
ومش هاحجيلكم على حصص الفيزياء اللي كانت بتدخل في العابي الشيطانية ومقالبي في اصحابي والمدرسين اللي كرهوني فعلا
من اول الكربناتو على البيبسي لغاية عود الكبريت المتثبت في طرف المقلمة مع نقطتين بنزين جوة المقلمة وهوووب
ولا علب الورنيش القديمة المليانة بالباروووود
بجد ماكنتش طفل طبيعي
وكنت كثير الاصابات لحد مدهش
لدرجة ان دقني اتفتحت اكتر من 8 مرات في خلال سنة واحدة
ونادرا ماكنت تلاقيني مش مجبس ايد ولا لارجل وكان والدي بيفرح جدا لانه بالنسبالة مرحلة من الهدوء النسبي
وكانت بالنسبالى مرحلة من التروي والتفكر والتدبير لمخططات شيطانية جديدة تدخل حيز التنفيذ اول ماقوم
لدرجة ان كان في فكرة ان الاطفال بيعملو حاجة زي مقلاع خشب كدة وبيحطو فيه قلم او حاجة واول ما يسيبو الاستك يطير القلم
طبعا انا حولتة لاداة شيطانية اخري وثبت في طرف الاستيكة ابرة صغيرة واول ما اسيب الاستك تنطلق وترشق في جسم اي شخص قدامي
نييييييييهههههههههههههههه هه
يوووووووة
ومرة جبت ابرة طويلة ولفيتها حوالين صباعي في شكل دايرة وفاضل سن صغير منها
واول ماحد يجي يسلم عليا يرشق سن الابرة في ايدة وش وانا اقعد اضحك
نيييييييييييههههههههههههه ه
كفاية كدة عليكم النهاردة اشتغل شوية ولينا عودة

ايه الاذى الغرييييييييييييييييييييي ب اللى انت فيه دة:D:D

بجد كتر خير والدك :p:p

بجد عجبنى السطر بتاع دقنى اتفتحت 8 مرات فى سنة دى :D:D:D و يا حرام باباك بيبقي مبسوووووط كماااااااان
شفت وصلت الراجل لانهى مرحلة من اليأس ..انه لما تكون متجبس بيبقي

مبسوط!!!!:D:D:D:p:p:p

المشاركة الأصلية كتبت بواسطة Hossam_Hassan

الحمد لله كنت طفل هادى جدا لأسباب صحية :( بس كنت فضولى لدرجة مخيفة بس على تقيل، يعنى كان ممكن اقعد اخطط شهر علشان اوصل للى عاوز استكشفه، المهم كان عندى حوالى سنة و نص و فى يوم خالى كان بيكوى على ترابيزة السفرة و بعدين دخل ياخد دش و ساب المكواة بعد ما شال الفيشة، المهم رحت جبت كرسى صغير بتاع الأطفال و طلعت منه على كرسى السفرة و منه للسفرة و عاوز اكوى، راحت المكواة وقعت على ايدى الشمال و كانت تقيلة زى الداهية فمقدرتش ابعدها، طبعا صرخت جامد و بالصدفة جدتى كانت فى المطبخ اخر الشقة (شقة 7 اوض من بتوع زمااااان :d ) بتحمر فراخ و مسمعتنيش و فضلت المكواة على ايدى حوالى ربع ساعة لغاية ما خالى خرج من الحمام لقانى فى الوضع ده راح اغمى عليه بعد ما صرخ و الحمد لله جدتى سمعت صرخته و جت لحقتنى.

:(:(:(:(:(:(:(:(:(

هعيط خلاص :(

و كنت بتكسف من البنات جدا انا فاكر انهم كانوا بيستغلو النقطه دي :)
المشكله ان الموضوع ده ماشي معايا الي الان :(

انتي لازملك قاعدتين معايا وان شاء الله هخلي البنات هي الي تكسف منك :)

انا بقي العكس بكبر مش بعقل بتجنن اكتر :(

علي فكره الي قال الي يكبر يعقل ده غلطان

انا كنت شقي شوية بس ماكانش ليا مواقف تخريبية كتير. يمكن اكتر موقف بفتكره وانا صغير حوالي 6 سنين ايام شبرا الجميلة
كانت لنا واحدة ست جارتنا حوالي 35 سنة كدة كانت طالعة على السلم وشايلة صانية اكل
المهم احنا عندنا بسطة السلم كانت كبيرة فا قمت مستخبي ورا سور السلم واول ما قربت مني
....................
.........................
..................................
..........................................

هاو هاو هاو هاو هاو هاوهاو هاوهاو هاوهاو هاو عااااااااااااااااااااااا دشششششششش

الست طبت ساكتة وكل الاطباق اتفشفشت . انا افتكرتها نامت اتاريها اغمى عليها وكان يوم منيل اخدت علقة من والدتي

وجوزها اصلا كان مخنوق مني علشان كنت كييف العب كورة على البسطة بتاعة السلم واخبطها في الباب بتاعهم وهو كان عقيد في الجيش وشارك في الحرب وبيتخض من اصوات المدافع وانا شغال عليه مدافع كل يوم