المرور توزع مطبوعات بتعديلات سير جديدة فى الجيزة

**wael ahmed** · 17-04-2011 08:38 PM

أعلنت الإدارة العامة لمرور الجيزة بقيادة اللواء فهمى الهلباوى مدير الإدارة وإشراف اللواء فاروق لاشين مدير أمن الجيزة، بالتنسيق مع المحافظة عن تعديل اتجاهات السير بشوارع المنطقة المحصورة بين شارعى جامعة الدول العربية شمالا وشارع التحرير جنوبا وشارع محى الدين أبو العز شرقا وشارع السودان غربا وذلك إلى نظام الاتجاه الواحد بسبب التزايد المستمر فى إعداد السيارات وتغيير الأنشطة للعديد من العقارات من سكنى إلى تجارى وإدارى إضافة إلى تزايد المشاجرات اليومية على أولوية المرور مما أدى إلى وجود اختناقات مرورية.

تم الاستعانة فى تنفيذ التعديلات بخبرات المكاتب الاستشارية المتخصصة لدراسة تلك المنطقة ونوهت الإدارة العامة لمرور الجيزة الى أنه إذا كانت التعديلات يتضرر منها البعض إلا أن المصلحة العامة للجميع أولى .

تضمن المطبوع الذى وزعه رجال المرور على قائد السيارات أنه سيتم الاستعانة فى بداية تطبيق هذه التجربة بطلاب الجامعات من أصدقاء المرور لإرشاد المواطنين عن اتجاهات السير الجديدة دون تطبيق مواد القانون على المخالفين حتى مرور الفترة الأولى وعقب ذلك سيتم عمل بعض الحملات المرورية على المخالفين واتخاذ الإجراءات القانونية تجاههم .

اليوم السابع | "المرور" توزع مطبوعات بتعديلات سير جديدة فى الجيزة

**Ahmed Nasser** · 17-04-2011 09:53 PM

مشكوووووور والله يعطيك الف عافيه

**Dr_ElSioufy** · 17-04-2011 10:12 PM

فعلا المناطق دي بتبقى زحمه قوي وقت الذروه و الاتجاهين كان عامل مشاكل ربنا يقدرهم وينظموا المرو في البلد دي وتحنا المفروض نساعدهم ونلتزم كل منا بدوره

**EngAhmedSayed** · 17-04-2011 10:45 PM

اخير الاداره العامه للمرور بدات تفهم
بس هو فى اضافه المفروض يعملو فتره تجريبيه للمدة شهر مثلا و بعدين ياخدو اراء السائقين و ايه العيوب و المميزات
و كده يدروسو الموضوع صح
ربك المستعان

**sara2001** · 17-04-2011 11:36 PM

شكراً على الخبر
اتمنى التعديلات دي تحل ازمة الزحام في الطرق دي
وياريت يكون في حل لزحمة جامعة الدول العربيه والبطل احمد عبد العزيز ومحور 26 يوليو
الخروج من المهندسين كل يوم بقى اشبه بالعبور

**Hussein_Emara** · 17-04-2011 11:47 PM

مفيش امل

ده مش تشاؤم, انا بس عارف المنطقة دي كويس.

**sara2001** · 17-04-2011 11:56 PM

مفيش حل غير انهم يلغوا مطلع كوبري اكتوبر من شارع البطل احمد عبد العزيز
يلغوا 2 من مطالع كوبري 15 مايو ويكتفوا بواحد بس من المحور والتاني من عند مسرح البالون
مش عارفه ايه لازمة 4 مطالع للكوبري في منطقه واحده منهم اتنين ورا بعض في ميدان سفنكس
يلغوا اليوترن الي في اول وآخر شارعي محي الدين والبطل أحمد عبد العزيز وكفايه يوترن واحد
في منتصف الشارع

**Hussein_Emara** · 18-04-2011 12:13 AM

من وجهة نظري, الحل لمشكلة المهندسين خصوصا و وسط البلد عموما هو التفريغ.

لو كل الشركات و المكاتب اتفرغت في حتت مُصممه انها تكون منطقة عمل, حنحل المشكلة من جزورها, و مش لازم نبعد عندنا الدائري ماسك البلد داير مايدور, ننقي حتة من الحتت الصحراء الي حواليه و نخططها صح, و مش لازم من فلوس الحكومة, كام شركة كبيرة تاخد العملية في مقابل تخفيضات ضريبية اة تسهيلات, الخ. مع كام خط مواصلات او اتوبيسات للشركات.

و بكده, نخف الضغط على وسط البلد, عمرنا حتة فاضيه في البلد و اخيرا حلينا مشكلة المرور.

اي خدمة, 2 جنيه و نص هنا للعبد لله لما الفكرة تتنفز.