الموضوع: ارجو المساعدة ضرورى عايز اسقط مايفك 1600

المشاركة الأصلية كتبت بواسطة eslam_wega

ربنا يباركلك يا رب ان شاء الله خلاص بسقط المافيك الايام دى وهى عند واحد مشهور فى الحرفين اسمه عز وماشاء الله شوفت شغله مسقط مكنة 2400 تربو على بومة كنت عايز اقوله هتجبلها طريق فين دى فى مصر
بالنسبة للمتور الجين طبعا مفهوش كلام خصوصا المانويل بيجرى زى السيفك الجديدة لكن له عيب قاتل وهو صوته العالى
يعنى قبل كدا سفرت السويس وسفرت السخنة وماشى 160 170 وصوت المتور بيون فى ودنا
ولك ان تتخيل بعد ساعة وربع بس للسخنة جلنا صداع من صوت المكنة ولما سفرت السويس بابا قالى الماتور عندك صوته عالى اوى زى القطر
والمشكلة دى مش بس فى السفر لا ده سواقتى العادية اغلب الوقت بكون حرق على الغيارت
فا دى مشكله الكامبرو
لاكن انا طبعا افضل مكنة صوته هادى ونعمة بمعنى انك تبقا ماشى 170 180 مش سامع حاجة مفيش صداع ولا ( ون )
غير كدا انا ان شاء الله قلبت اوتوماتيك فمحتاج مكنة اقوى عشان محسش ان السحب اقل من الاول وعلى كلام كل الناس ان المايفك هيبقا اقوى من الكامبروا (الله اعلم )
فادعلى بقا ربنا يخلصها على خير

الف الف مبروك بس ياريت تقولنا عز ده فين فى الحرفيين واخباره ايه صنايعى كويس والا لا والاسعار بتاعته ايه علشان لما نحب نعمل صيانة وربنا يباركلك فيها ويستر طريقك

الاخ العزيز اخبار التسقيط ايه طمنا وعايزين نعرف التكلفة كام جبته بكام وصرف عليك قد ايه طبعا ده لوسمحت يعنى انك تقول والف مبروك مقدما وفعلا خطوة ممتازة ولو ينفع تقولنا على الميكانيكى ده يبقى كتر خيرك تحياتى

المشاركة الأصلية كتبت بواسطة eslam_wega

الحمدلله اخبار التسقيط ان شاء الله خير بس هو حوار متعب شوية عايز وقت وفلوس
انا جبت المايفك 1600 بى التركيب كان قايل 7900 بعد الفصل بى 7700
والماتور جيبه من نص يعنى مفكوك من نص مش لوحده
واخدت معه الحاجات بتاعته زى الرداتير والتكيف والفتيس ودوسة البنزين والمستر والبور
العربية عندى كانت مانويل فا طبعا احتجت اغير دوسة الفرامل بدواسة اوتوماتيك جبتها على حسابى 150 ج وبردوا عصاية الفتيس بالقاعدة بتاعتها جبتها على حسابى 250 ج وهحتاج لحام بسيط بين شكمان المايفك والشكمان الاصلى هعلمها انا بردوا 50 ج
بالنسبة للتقسيمة الفلوس المكنة بحاجتها بى 6300 والتركيب 1000 والكهرباء 400
طبعا حول يخلينى اجيب دوسة البنزين وقالى الكهرباء هتكلف 550 مصنعية مش 400 يعنى كان عايز منى 300 جنية كمان قولته انساء انى اتفقت معيا على 7700 بالتركيب متغيرش كلمتك لو تغير كلمتك يبقا يفتح الله لان اساسا الاسعار فى بورسعيد اقل من كدا بكتير بس الواحد بيريح دماغه مش اكتر من السفر ووجع القلب
لقنى بايع القضية كدا ومش فارقة معيا قالى خلاص الى انت عاوزة
دلوقتى بقا قبلتنى مشكلة عصاية الفتيس مش موجودة فاحول اركب ان شاء الله بتاعت اى عربية تانية لغايت ما اطلب العصاية بالقاعدة بتاعتها من ماليزا عشان هنا دول الى ينفعوا على الكنسول الى عندى
حاليا بقا خلصت الحمدلله بس لسة شغل الكهرباء وهياخد وقت لان كهرباء الجين 2 رخمة عشان يشغل العدادت والدنيا دى محتاجة وقت ومجهود ادعولى تتطلع مظبوطة ان شاء الله
بعد كدا هشترى 3 مرات زيت
مرة يدورها ويخلص تانك بنزين وينزل الزيت الى جبيته يكون زيت رخيص عشان هيعقد اقل من يوم
ومرة يحط الزيت التانى شل الاصفر الى همشى عليه الف او الف ونص كيلو
وبعد كدا عادى هغيره عند 4 الف ان شاء الله
وهشترى بقا فلتر هواء و3 فلتر زيت وهركب البوجيهات الى كانت عندى لانها جديدة
والحاجات الى هشتريها بعد كدا بعد 3000 كليو مثلا سير الكاتينة وبلية الشداد وفلتر البنزين هو قالى انهم كويسين بس هغيرهم ان شاء الله من باب الاحتياط واجب
يعنى الموضوع كدا داخل فى 10000 او اقل حاجات بسيطة بدون الترخيص معرفش هيتكلف كام
الحمدلله على كلام الراجل مش هحتاج مساعدين بس كله هيبان مع التجربة وبالنسبة للفرامل ان شاء الله مش هحتاج اغيرها بس لازم التجربة طبعا لانها هى الى هتاكد وهتحكم هتغير او لا
انا بقالى تقريبا اسبوعين ان شاء الله بقا استلم يوم الاتنين او التلات بالكتير وهروح اعمل كبس الماتور وربنا يستر يا رب دعوتكم يا جماعة
الى ناوى يسقط يتوكل على الله بس الموضوع مش سهل وبيحتاج وقت ومجهود وفلوس
اى استفسار دة رقمى 0111929094 ودعوتكم بقا ربنا يكرمكم انها تخلص على خير

الف مبروك بس انت بتقول ان المكنة الاصلية باظت من زيت فيسكو ليه بقا انا اسمع انه زيت حلو وهوا اصلا غالى ايه الى حصل؟

المشاركة الأصلية كتبت بواسطة eslam_wega

الحمدلله اخبار التسقيط ان شاء الله خير بس هو حوار متعب شوية عايز وقت وفلوس
انا جبت المايفك 1600 بى التركيب كان قايل 7900 بعد الفصل بى 7700
والماتور جيبه من نص يعنى مفكوك من نص مش لوحده
واخدت معه الحاجات بتاعته زى الرداتير والتكيف والفتيس ودوسة البنزين والمستر والبور
العربية عندى كانت مانويل فا طبعا احتجت اغير دوسة الفرامل بدواسة اوتوماتيك جبتها على حسابى 150 ج وبردوا عصاية الفتيس بالقاعدة بتاعتها جبتها على حسابى 250 ج وهحتاج لحام بسيط بين شكمان المايفك والشكمان الاصلى هعلمها انا بردوا 50 ج
بالنسبة للتقسيمة الفلوس المكنة بحاجتها بى 6300 والتركيب 1000 والكهرباء 400
طبعا حول يخلينى اجيب دوسة البنزين وقالى الكهرباء هتكلف 550 مصنعية مش 400 يعنى كان عايز منى 300 جنية كمان قولته انساء انى اتفقت معيا على 7700 بالتركيب متغيرش كلمتك لو تغير كلمتك يبقا يفتح الله لان اساسا الاسعار فى بورسعيد اقل من كدا بكتير بس الواحد بيريح دماغه مش اكتر من السفر ووجع القلب
لقنى بايع القضية كدا ومش فارقة معيا قالى خلاص الى انت عاوزة
دلوقتى بقا قبلتنى مشكلة عصاية الفتيس مش موجودة فاحول اركب ان شاء الله بتاعت اى عربية تانية لغايت ما اطلب العصاية بالقاعدة بتاعتها من ماليزا عشان هنا دول الى ينفعوا على الكنسول الى عندى
حاليا بقا خلصت الحمدلله بس لسة شغل الكهرباء وهياخد وقت لان كهرباء الجين 2 رخمة عشان يشغل العدادت والدنيا دى محتاجة وقت ومجهود ادعولى تتطلع مظبوطة ان شاء الله
بعد كدا هشترى 3 مرات زيت
مرة يدورها ويخلص تانك بنزين وينزل الزيت الى جبيته يكون زيت رخيص عشان هيعقد اقل من يوم
ومرة يحط الزيت التانى شل الاصفر الى همشى عليه الف او الف ونص كيلو
وبعد كدا عادى هغيره عند 4 الف ان شاء الله
وهشترى بقا فلتر هواء و3 فلتر زيت وهركب البوجيهات الى كانت عندى لانها جديدة
والحاجات الى هشتريها بعد كدا بعد 3000 كليو مثلا سير الكاتينة وبلية الشداد وفلتر البنزين هو قالى انهم كويسين بس هغيرهم ان شاء الله من باب الاحتياط واجب
يعنى الموضوع كدا داخل فى 10000 او اقل حاجات بسيطة بدون الترخيص معرفش هيتكلف كام
الحمدلله على كلام الراجل مش هحتاج مساعدين بس كله هيبان مع التجربة وبالنسبة للفرامل ان شاء الله مش هحتاج اغيرها بس لازم التجربة طبعا لانها هى الى هتاكد وهتحكم هتغير او لا
انا بقالى تقريبا اسبوعين ان شاء الله بقا استلم يوم الاتنين او التلات بالكتير وهروح اعمل كبس الماتور وربنا يستر يا رب دعوتكم يا جماعة
الى ناوى يسقط يتوكل على الله بس الموضوع مش سهل وبيحتاج وقت ومجهود وفلوس
اى استفسار دة رقمى 0111929094 ودعوتكم بقا ربنا يكرمكم انها تخلص على خير

ماشاء الله لا قوة الا بالله الف الف مبروك يا استاذ اسلام ربنا يتمها على خير وان شاء الله هاتبقى حكاية بس خد باللك متعملش موضوع الكبس ده الا بعد ما تكون مشيت بالعربية مش اقل من 500 كيلو المهندس اللى فى بنزينة موبيل شارع الطيران قاللى كده علشان المكن بيكون مركون فبيدى كبس عالى قوى لكن بعد 500 كيلو بيرجع لكبسه الطبيعى علشان تعرف بالظبط هى كام وان شاء الله تطلع حكاية انا بقى عندى شوية اسئلة معلش علشان انت عربيتك ممكن تكون مختلفة عن عربياتنا هلى فى الترخيص ينفع انك تركب ميتسوبيشى - وبعدين السعر حلو مش وحش بس انت لو كان يركب عندك المساعدين كانت احسنلك انا شفت عند واحد فى الحرفيين نص كامل بالعفشة بتاعته والفرامل والمساعدين ورى وقدام والعداد بتاع المايفك والسربنتينة والتكييف وكل المساتر كان بيتكلم بالتركيب حوالى 9500 المكنة والعفشة 8000 والميكانيكى 1000 والكهربائى 400 وفعلا مكنتش محتاجة مسمار والراجل قاللى فك اى حاجة فى النص خدها هنا بس انا عن نفسى كنت سقط انا كنت بسال علشان واحد صاحبى وكنت عايز اعمل موضوع المايفك ده فعلا اللى عايز يحس بفرق اجمد يركب المايفك ويبعد عن عادل وجدى انا كنت فاكر غالى علشان متميز بس طلع غالى على الفاضى المهم ربنا يحفظهالك وانا ان شاء الله هاكلمك عن قريب الف الف مبروك تحياتى مصطفى محمود