عايز اسقط 1600 او 1800

**samehsamuel** · 07-02-2009 02:22 AM

انا اول مرة ادخل المنتدى و عجبنى جدا و كان عندى سؤال محيرنى اوى عندى ابيزا موديل 2000 100cc و الموتور جاب زيت و عايز اسقط 1600 او 1800 اية رأيكم و اعمل اية فى العفشة و كمان احتمال اجيب 1/2 كامل علاشان أخذ منة الى انا عايزة الكلام دة هيكلف 9000 جنية اية رايكم ... و يا ريت رد سريع لأنى مش عارف أعمل اية .. و يا ترى فى ضرر على شاسية العربية و لا لأ عايز معلومات كاملة عن الموضوع دة

**د./اليشع ثابت** · 07-02-2009 04:43 AM

المشاركة الأصلية كتبت بواسطة samehsamuel

انا اول مرة ادخل المنتدى و عجبنى جدا و كان عندى سؤال محيرنى اوى عندى ابيزا موديل 2000 100cc و الموتور جاب زيت و عايز اسقط 1600 او 1800 اية رأيكم و اعمل اية فى العفشة و كمان احتمال اجيب 1/2 كامل علاشان أخذ منة الى انا عايزة الكلام دة هيكلف 9000 جنية اية رايكم ... و يا ريت رد سريع لأنى مش عارف أعمل اية .. و يا ترى فى ضرر على شاسية العربية و لا لأ عايز معلومات كاملة عن الموضوع دة

تسقطة يبقة حرام عليك الواد هيضيع مستقبلة

بضحك معاك والله

طيب نتكلم بقة جد اوكى

ولو انك كاتب 100 سى سى بس انا بعقلى النور فهمت انك تقصد 1000 سى سى صححححح

اوكى نتكلم بقة فى الجد

انا يا حبيب قلبى و من خلال منتدانا الحبيب هذا وجد مشاركة بخصوص كلام سيادتك دة

والاجابة عن تجربة صعب جداااا جدااااا

حيث ان فارق قوة المتور عالى 1600 من 1000

هيضرب لك الفتيس فى خلال شهرين

كما قال حبيبنا نقلا عن تجربتة الشخصية

و فعلا بالمنطق كل فتيس لة قوة تحمل معينة تتناسب مع قوة الموتور

و شكراا حبيب قلبى
يارب اكون قدرت اخدم حضرتك يا غالى

**samehsamuel** · 07-02-2009 10:27 AM

يا باشا انا ناوى اغير الفتيس كمان بس عايز أعرف اية التأسير على الشاسية و العفشة و لو عايز اسقط اسقط أية؟؟؟؟؟؟؟؟؟؟؟؟؟؟؟؟

**حماده المصري** · 07-02-2009 04:48 PM

المفروض ان في موديل للابيزا برا بينزل 1400 او 1600 او 1800

المفروض انك بتعمل تعديل على عربيتك من ناحيه العفشه وكمان الفرامل عشان تبقى زي الاوريجينال ال 1600 او 1800 وبعدين تسقط الموتور بفتيسه
واحيانا لما بتروح الحرفيين بتلاقي ناس عندها الماتور بعفشته
يعني متهيالي ممكن تلاقي 1800 بفتيسه وعفشته
ولو مفيش بتسقط عفشه كوني للعربيه تستحمل وتغيير الفرامل باكبر عشان العربيه تقفل

وفي ناس متخصصه في الفولكس وبتسقط مواتير وعفشه في الحرفيين
والموضوع كله متهيالي يكلف 15 الف كاملا

في ورشه ورا حديقه بدر مشهور جدا شغال فولكس واودي واسكودا ومتهيالي سيات كمان داخله معاهم عشان الماركات دي مشتركه في شاسيهات وفشات واحيانا مواتير واحده
اسمه تقريبا عيد سمير والمهندس الي هناك اسمه هاني روح واساله
هو غالي شويه بس معدى من ناحيه النضافه

وكمان متهيالي انه الموتور المناسب للابيزا هو 1800 Bb
ده باعتبار ان الابيزا نفس شاسيه البولو والبولو في منها 1.8 Bb
اهم حاجه تسال في الحرفيين وهتلاقي بتوع فولكس بالعبيط
والموتور ده منتشر في الحرفيين ونص شباب مصر مسقطاه

**crazylambada** · 08-02-2009 02:06 AM

اول حاجة حضرتك الموضوع لازم يدرس
علشان نعرف العربية ديه بينزلها كام سي سي برة و هل في ده تعديلات في الشاسيه و لا لأ
بالنسبة للموتور و الفتيس فمش حيبقى سيات
نجيب مكنة جولف احسن و الاختيارات قدامك حتبقى مفتوحة جدا
لان المكنتين الافراج بتاعهم فولكس
و كده تقدر تسقط مكنة مثلا 2200 سي سي بتاعه جولف
و المكنة حتيجي بالفتيس و نظام التبريد بتاعها
بس لازم نشوف موضوع الكنترول والضفاير
لان ممكن يكون فيه اختلاف في الضقاير و كمان طلمبة البنزين ممكن متقبلش ضفيرة المكنة الجديدة
وساعتها ياما نغيرلها الطلمبة او نركبلها طلمبة خارجية
اهم حاجة في تسقيط المكنة الضفيرة و الكنترول على فكرة
لان الموضوع لو متعملش صح حتتقرف في عيشتك
بالنسبة للعفشة فعليك بالعفشة الرياضية كاملة
لو حضرتك مهتم بجد بالموضوع ممكن تاخد ايميلي و تكلمني واشرحلك كل حاجة باستفاضة
لان انا دخلت في الموضوع ده جامد و كنت خلاص بس ففي اخر لحظة غيرت رايي لاحتياجي للسيولة
بالنسبة للفلوس فالموضوع لن يتخطي 5000 جنيه لو مكنة جولف 1600

و انا في خدمة حضرتك

**blazer** · 08-02-2009 02:49 AM

غالبا الناس اللى بتعمل الحاجات دى فى بورسعيد او الحرفيين
بينزلوا المكنه بلفتيس و الضفيره و الكونترول يونت
والعفشه والفرامل كمان لو انت عاوزهم معاها
بس الافضل انك تبقى فاهم وانت بتعمل كدا عشان تشترى الماتور مع العفشه المناسبه ليه

**SALEH_YAHA** · 10-06-2009 09:56 AM

مساءالخير يا معلم انا عايز اجيب عربية ابيزا موديل 94/ وعايز اسقط 1400 او 1600 بس عايز الفتيس اوتومتك يعمل كم وعند مين شكرا يا باشا [marq="2;right;3;scroll"] صالح عبد الجليل[/marq]

**alzelafy** · 11-06-2009 02:42 PM

ريح نفسك من المواويل دى كلها و اعمل طقم شنبر لعربيتك وريح دماغك لانك حتخش فى متاهات انتا مش قدها فى الصيانات و الفلوس عشان الموتور يظبط معاك دا غير ان دا حياثر على الشاسيه لانهم بيركبو شدادات و حاجات غريبه كدة و بردو الشاسيه بيفرد كل فترة او بيفتح بلغه الصنايعيه و لو مصمم تجيب هات ال 1400 هو اقرب حاجه لل 1000 سىسى بس بردو له مشاكلو و على فكرة هو اغلى من ال 1600 عشان الاقبال عليه اكثر وربنا يوفقك بس نصيحه بلاش