طلب تسعير بريليانس fsv 2011

**momo2003** · 18-04-2011 10:06 PM

السلام عليكم

من فضلكم عايز مساعدتكم في تسعير سيارة بريليانس fsv 2011 GL السيارة جديدة في اح المعارض و صاحب المعرض كان امين معايا و قالي ان السيارة اتسرقت في احداث الشغب اثناء الثورة ولكن ربنا كرمه و الجيش كان عامل كمين و مسك الحرامي على بعد 20 كيلو من المعرض ( عداد السيارة 92 كم ) و اثناء السرقة الجنب الشمال اتجرح اثناء خروج السيارة من المعرض ف اضطر يرش جنب و ايضا يوجد خدش في التابلوه نتيجة محاولة سرقة الكاسيت و لكنه سيعالج هذا الخدش

السيارة سعرها جديد 72 الف و صاحب المعرض قال انه سيبيعها ب 67 الف افيدوني افادكم الله

**morsi** · 18-04-2011 10:22 PM

أتأكد بأى وسيلة ان كلام صاحب المعرض حقيقى.يعنى لو الجيش مسكهم على بعد 20كم لازم يكون فيه محضر اللى على اساسه الناس دى اتحقق معاهم واللى على اساسه صاحب المعرض استلم منهم العربية اما موضوع العداد ماتعتمدش عليه لأن بكل بساطة يمكن اللعب فيه او تعطيله عن العد .وبعد كدا ممكن يعملك خصم عادل على سعرها لو انت تقبلت انك تاخدها زيرو ومرشوشة.

**momo2003** · 18-04-2011 10:57 PM

شكرا للرد
الراجل صادق في كلامه فعلا و انا اتأكدت و شفت العربية بس عايز اعرف السعر العادل ايه

**mohamed_rhem** · 26-04-2011 02:19 PM

هي المفروض مرخصتش ومعلقتش نمر

فالسعر عادل

**khaled_Saga** · 02-05-2011 09:48 PM

بغض النظر عن السرقة وان الحرامى جرى بالعربية واتمسك انما حكاية الخدش فى الكاسيت دى ممكن تأكد الموضوع ده
والله انا شايف جوهر الموضوع مش سرقة او حادثة ايا كان هى كده كده اتعمل بيها حادثة والراجل اعترف بكل صراحة ونزل من سعرها 5 الاف جنيه ده كويس فلو انت هتبقى مرتاح نفسيا اتكل على الله بس اكشف على العربية كويس جدا يعنى خد معاك ميكانيكى وكهربائى قبل ما تتفق على الاستلام

ربنا يوفقك للاختيار الصحيح