جولف 2 سيات ابيزا لانشيا ديدرا سيتروين زد اكس

**Mahmoudyoussif** · 20-04-2011 02:37 AM

ما جربتش تسال على بولو من 95 ل 97

**heshamzaky** · 20-04-2011 02:38 AM

دة صورة موتور الانشيا . هههههههههههههههه بعد اذنك يا ميكو لان الصورة دى بتاعت عربية مايكل صديقى العزيز
ز مايكل بيصرف كويس جدا جدا على عربيتة و كلة بيجيبة جديد من ابو كرتونة مش بيجيب الاستيراد هههههههههههه

**heshamzaky** · 20-04-2011 02:41 AM

المشاركة الأصلية كتبت بواسطة formulator

والله و انا بكتب المشاركة الأولى.. كنت هقوله استنى heshamzaky هو اللى هيفيدك فـ الديدرا..!

ازيك ياباشا يا كبير الفياتاوية والتمبراوية..

أزيك يا باشا و والله أنا مش أحسن واحد ولا حاجة فى التمبرا و رابطة التمبرا حا تلاقى كل واحد فيهم متميز و شاطر فى جزئية معينة . بالنسبة ل الانشيا ميكو و أحمد لانشيا حافظينها أكتر منى لانهم راكبينها .

**heshamzaky** · 20-04-2011 02:55 AM

و دة بعض موديلات موتور التمبرا الانجيكشن

**bondokdar** · 22-04-2011 01:24 AM

يعنى يا جماعه الاجزاء الداخليه و الميكانيكا فى لانشيا مفيهاش مشكله طب يا ريت بس اساتذه التيمبرا و الانشيا اللى بجد بشكرهم جدا جدا على الردود و الصور كمان يقولولى اسعار الحاجات لخارجيه و الاكسسورات بقى و اسعار الحااجات اللى لازم تيجى لانشيا بس مينفعش يلاكبلها حاجه تانيه و كمان اماكن بيعها

**heshamzaky** · 22-04-2011 01:30 AM

دة لينك فية معظم اسعار قطع الغيار و تقريبا السعر شبة واحد بين التمبرا و الانشيا
http://www.nilemotors.net/Nile/194188-a.html

**MNabeih** · 22-04-2011 01:49 AM

لانشيا ديدرا وشششششش

انا كنت لقيت واحدة ايام ما كان معايا البولو كانت كرسي السواق كهربة و المرايات ضم كهربة و فرامل سكاكين ورا و عربية مميزة اوي,

و عربية قطع غيارها متوفرة جدا و واسعة و حمالة اسية,

يا سلام بقي لو تقع علي واحد 2000 سي سي موتور والا اروع.

**heshamzaky** · 22-04-2011 01:51 AM

المشاركة الأصلية كتبت بواسطة mnabeih

لانشيا ديدرا وشششششش

انا كنت لقيت واحدة ايام ما كان معايا البولو كانت كرسي السواق كهربة و المرايات ضم كهربة و فرامل سكاكين ورا و عربية مميزة اوي,

و عربية قطع غيارها متوفرة جدا و واسعة و حمالة اسية,

يا سلام بقي لو تقع علي واحد 2000 سي سي موتور والا اروع.

بلاش الانشيا ال 1800 و ال 2000 سى سى مواتيرهم مالهاش قطع غيار متوفرة الافضل ال 1600 سى سى

**ahmed1981** · 22-04-2011 02:06 AM

لو لقيت وصعب تلاقي جولف2 نظيفة حالة ممتازة 1600 مثلاً متفكرش وخدها على طول
قطع غيارها متوفرة بغزارة شديدة سواء جديد أو إستيراد
عربية شباب على طول مبتعجزج ما شاء الله

مشكلة الفيات التمبرا وأخواتها من اللانشيا
قطع غيارهم الجديدة تحس إنها محتكره لمحل أو إتنين في كل بلد
القاهرة وسط البلد عند الكيلاني وفيات 2000 وواحد كمان
في شارع دمشق واحد ومعندوش كل حاجتها

**Formulator** · 22-04-2011 03:55 AM

المشاركة الأصلية كتبت بواسطة heshamzaky

بلاش الانشيا ال 1800 و ال 2000 سى سى مواتيرهم مالهاش قطع غيار متوفرة الافضل ال 1600 سى سى

أستااااااااااااااذ يا أتش..
مع ان فيات من أكتر الشركات المعروفة انها بتنزل Range واسع من المواتير (من أول الـ132-131 لحــــــد الـ500 والجراند والبرافو دلوقتى).. طول عمرهم كده..؟!
بس للأسف.. ده بيبقى عيب بعدين.. عشان توافر قطع الغيار؟؟!!!

السيينا الـ1400 قطع غيارها كانت أكتر من الـ1600
الألفا الـ156 كنت بلف حوالين نفسى عشان ألاقى حاجة الـ2.0 TS وقطع الـ1.6 كانت بتبقى متوفرة أكتر.. وفـ معظم الأحيان كنت باضطر أجيبها من التوكيل بالـ تيييييييييييت..!!

المشاركة الأصلية كتبت بواسطة ahmed1981

مشكلة الفيات التمبرا وأخواتها من اللانشيا
قطع غيارهم الجديدة تحس إنها محتكره لمحل أو إتنين في كل بلد
القاهرة وسط البلد عند الكيلاني وفيات 2000 وواحد كمان
في شارع دمشق واحد ومعندوش كل حاجتها

فعلا الكيلانى فـ شارع شمبليون, وفيات 2000, وبتاع شارع دمشق اسمه غطاس (فيات وألفا ولانسيا)..؟؟!! تقريبا دول شبه احتكار..!
بس والله ياريت حاجة الجراند والبرافو واللينيا موجودة يا باشا.. حتى عند واااااااااحد برا التوكيل..؟!!

الكيلانى كانوا بيقولوا كذا مرة انهم هيوفروها.. يارب يصدقوا