جولف 2 سيات ابيزا لانشيا ديدرا سيتروين زد اكس

**mikology** · 22-04-2011 05:02 AM

مع احترامى لكل الناس
انا بجيب حاجات العربيه من اى محل وفى اى مكان
وكمثال وليس للحصر فلتر الزيت بما انه بيتغير كل شهر تقريبا
بجيبه من اى حد ب 10 جنيه بتاع ال 128

**bondokdar** · 22-04-2011 11:19 AM

ميكو و سبعاوى و هشام الله ينور عليكو يا رجاله بجد اهم من العربيه انى اتعرفت عليكو و اتمنى نكون دايما اصحاب و متواصلين باذن الله انا قدامى عربتين هفاضل بينهم فى الديدرا و الاحسن حاله و سعر هخودها ان شاء الله و بعدها نبدأ بقى رحله البحث و المعرفه عن اماكن و بيع قطع الغيار اللى تعرفوها لسه هحتاج منكم مساعده يا رجاله و انا عارف انكو مش هتبخلو عليا انا عاوز اعرف كل حاجه عن العربيه دى و اكون استاذ زيكو كده او حتى نص استاذ مفيش مشكله انا كنت على وشك اخلص فى سيتروين زد اكس على فكره انما اتمنيت اركب لانشيا علشان كده عملت الموضوع ده اللى خلانى استقريت بشكل كبير عليها طبعا احترامى و تقديرى لكل مشاركه كانت ليها راى تانى فى الجولف او ابيزا انا برضه بحبهم قوى و يا ريت الواحد كان معاه فلوس يشترى كل دول

**heshamzaky** · 22-04-2011 01:21 PM

و عليك يا باشا و بص للأمانة بقولك حاجات التمبرا متوفرة أكتر شوية من حاجات الانشيا بس برضو حاجات الانشيا موجودة و الاسعار متقاربة جدا تقريبا واحدة .
و حاجاتها موجودة

**bondokdar** · 24-04-2011 01:02 PM

ميكو محتاج رقم تليفونك ضرورى عاوز اخد رايك فى شويه حاجات و يا ريت سبعاوى و هشام برضه .. او عموما الاسهل ده رقم تليفونى يا ريت حد يكلمنى انا لقيت عربيه حلوه بس محتاجه تابلوه و تظبيط الصالون من جوه الكراسى ممتازه بس فرش الابواب و التابلوه مش اد كده و مش كل العدادات شغاله هى موديل 93 بس فيه عدادات كتيير قوى حوالى سبعه معرفش ازاى المهم الحكايه دى تتكلف كام ارجو التواصل يا معلمين الانشيا و التيمبرا .. 123312495

**heshamzaky** · 24-04-2011 01:17 PM

التابلوة كامل اعتقد ب 450 جنية من العزبة

**heshamzaky** · 24-04-2011 01:33 PM

بص أنت بصيت على العربية كشكل و دة كويس بس ما تنساش تبص على الباقة يعنى بص على علبة الدريكسيون و تأكد ان مفيش عليها تعريق زيت و حالة العفشة و المقصات و التكيف شغال و لا لآ و الباقى ميكو يقولك علية بالتفصيل . تابع مع ميكو لانة حافظ العربية الانشيا أكتر منى .
و دة شكل التابلوة

**bondokdar** · 24-04-2011 02:37 PM

شكرا يا هشام باشا انا رفعت العربيه امبارح و كانت تمام الحمد لله الموتور كويس و العفشه معقوله محتاجه شويه تظابيط خفيفه و تربيط بس كمان التكييف محتاج شحن انما حاجته موجوده ده كل اللى فى العربيه ... فى انتظار مشاركتك يا ميكو عاوز اتكلم معاك ضرورى

**mikology** · 25-04-2011 01:01 AM

سورى يا باشا
ماخدتش بالى
ده رقمى ٠١٠٤٣١١١٠٧
و التابلوه زى ما هشام قالك ٤٠٠ جنيه
انا عربيتى ٩٣ بردو
العدادات فعلا كنيره

**mikology** · 25-04-2011 01:05 AM

انا عاوزك تبص على دى مش عارف كنت حاططها فى اختياراتك ولا لا
http://www.nilemotors.net/Nile/215480-a.html

**ibnseena2k** · 06-04-2012 04:31 PM

مشكلة الفيات التمبرا وأخواتها من اللانشيا
قطع غيارهم الجديدة تحس إنها محتكره لمحل أو إتنين في كل بلد
القاهرة وسط البلد عند الكيلاني وفيات 2000 وواحد كمان
في شارع دمشق واحد ومعندوش كل حاجتها--------------
فعلا معظم حاجة الموتور والفوانيس بجيبها من عند الكيلانى انما المساعدين والفرامل والعفشة من عند أوتوربيع ورا قسم عين شمس