محتار بين النيسان الصنى Ex- Salon والهيونداى الإلنترا والأوبترا

**أبو عمار** · 03-06-2007 03:40 PM

محتار بين النيسان الصنى Ex- Salon والهيونداى الإلنترا والأوبترا و كلهم الأوتوماتيك كلهم من 95000 حتى 100000 و مواصفاتهم متقاربة ، بصراحة حاجة تحير ومش عارف أرسى على حاجة و طلباتى بإختصار عربية تكون واسعة و محترمة و موتورها مضمون و سعر إعادة بيعها معقول
أفيدونى أفادكم الله

**mina_ramsis** · 03-06-2007 03:44 PM

اى استفسار بخصوص الاوبترا انا تحت امرك

**fahd_628** · 03-06-2007 04:07 PM

طيب ما تبص على الانسر 1600 ممكن سبورت لو حتدفع 5 كمان و بتكون بعتب و فتحة سقف

و هوة فعلا حاجة تحير بس انا لو مكانك حختار الاوبترا او الالنترا و لو انا ميال للألنترا موتورها جامد جدا 122 حصان و تكنولوجيا حديثة

**Salah_sr** · 03-06-2007 05:26 PM

أعتقد الألنترا ثم اللانسر ثم الأوبترا ثم أخيرا الصني

**أبو عمار** · 04-06-2007 03:04 PM

متشكر يا جماعة على الرد ، أنا حابب الأوبترا لأنها واسعة جدا و تقفيل محترم و موتورها متجرب و قوى جدا و بيشد مع أفخم السيارات بس النقطة الوحيدة اللى خايف منها الصاج الخفيف و الأوتوماتيك الكورى (إن كان بتاع النوبيرا ودة موضوع عاوز تأكيد) أما اللانسر مش عارف ليه مش هاضمها مع علمى إن مافيهاش مفاجآت و الصنى رحت إمبارح إتفرجت عليها بصراحة فرق كبير بينها و بين اليابانى ، المكونات المصرى بهتت عليها و لما فتحت الكبوت لقيت شكل الموتور مكعبل أسلاك و شكرتون فكرنى بتقفيل السوزوكى سويفت (عربيتى الأولى) و كمان لاقيت الكنبة الخلفية ضيقة شوية ، الإلنترا فخمة جدا و موتورها قوى و تقفيل محترم بس بالحجز و إستنى بقى ...

مش عارف أنا تقريبا رسيت على الأوبترا ياريت الأخ hoko_mosha يجاوبلى على تساؤلى بالنسبة لها و شكرا للجميع و معلش وجعت دماغكم ... أخوكم أبو عمار

**mina_ramsis** · 04-06-2007 06:35 PM

يا باشا انا تحت امرك قولى كل الاسئلة اللى بتفكر فيها و انا اجاوب حضرتك
منتظر الاسئلة :D
بالتوفيق ان شاء الله

**أبو عمار** · 05-06-2007 01:52 PM

إيه أخبار الصاج و الفتيس ، هل السيارة بتستحمل ولا ملهاش فى الشقى و آسف على وجع دماغك

**mina_ramsis** · 05-06-2007 07:55 PM

لا يا باشا مفيش وجه دماغ ولا حاجة انت بس تأمر انا مش هكدب عليك فعلا صاج العربية خفيف شويه بس الفيتيس سلس جدا و مفهوش مشكله نهائى اما بخصوص بتستحمل ولا لأ فكل حاجة بتستحمل جامد قوى المساعدين جامدين و ده مخلى العربية ناشفة شويه فى المطبات بس فى مقابل ده العربية مابتوطاش لما تيجى تحملها و ثابته جدا اقصى سرعة جبتها كانت 130 مش علشان العربية مش قادرة و لا الكلام ده علشان انا بخاف من السرعة المبالغ فيها بس كانت العربية تمام قوى و ثابته فى الارض على السرعات العاليه الحاجة الوحيده اللى مابتستحملش هو الصاج خفيف يعنى مش بتاع حد يقعد عليها خصوصا الكابوت غير كده العربيات كلها مميزات و مافيهاش عيوب خالص

**أبو عمار** · 07-06-2007 11:06 AM

شكرا يا باشا و منستغناش عنك و ربنا يحفظ لك سيارتك من كل سوء و سأوافيك بأخبار إستلامى أولا بأول

**mina_ramsis** · 07-06-2007 12:47 PM

العفو انت تأمر و الف مبروك مقدما

الموضوع: محتار بين النيسان الصنى Ex- Salon والهيونداى الإلنترا والأوبترا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ما الفرق فى العفشة بين نيسان صنى ex salon & super salon

محتار بين نيسان صني و الإلنترا

مقارنة بين الصنى سوبر صالون و الإلنترا الأتوماتيك

ما هو الفرق بين Sunny Ex-Salon و Super Salon؟

الكلمات الدلالية لهذا الموضوع

المفضلات

المفضلات

ضوابط المشاركة