المخالفات على تقيل

**om mohammed** · 19-04-2011 03:29 PM

المشاركة الأصلية كتبت بواسطة aif

ايون
وبتيجي كمان برسالة ع الموبايل لو كنت مسجل موبايلك في ملف السيارة
المهم انك تتأكد ان المخالفة مظبوطة مش بتاعت حد تاني
لو انت فعلا اللي ارتكبتها
يبقى ادفع بنفس راضية .... ده حق الدولة ومفيش مشكلة
لو مش بتاعتك يبقى اعمل معارضة وتظلم وخد حقك تمام ودافع عنه
.......
انا عن نفسي اتمنى رجوع المخالفات بشكل حازم ورادع وبعقوبة مغلظة واكتر من اللي كانت عليه
كلنا شوفنا بدون مخالفات الشوارع عاملة ازاي

بارك الله فيك

وأنا كمان أتمنى ذلك لما أراة من مخالفات بشعة وسرعات جنونية وإستهتار من بعض السائقين والذى يؤدى فى النهاية الى موت أشخاص لا ذنب لهم

**drmsadek1979** · 19-04-2011 03:41 PM

قبل كدة حصلي موقف كانت عربية اخويا مفيمها وكان هو في القاهرة وكانت رخصة العربية معاه وكان سايب العربية في البيت فكنت عامل حادثة بعربيتي وكانت بتتصلح فقلت اجازف واروح ابص على عربيتي الي عاملة حادثة بالعربيه المتفيمة وكان اخويا راجع من القاهره فقلت اقابله على مدخل المنصورة اخد منه الرخص
اتوكلت على الله اتحركت لاقيت في الطريق وانا ماشي موتوسيكل مرور راكبه امين شرطة وبصلي كده باستغراب ولقيت وراه عربية مركبة ستائر قلت عادي
قربت على مدخل المنصورة لقيت لجنة مكبرة من مدير الامن ومدير المرور وحوالي عشرين ضابط وعسكري فقمت موقف قبلها بحوالي 500 متر قلت استنى اخويا على ما يجي بالرخصة كان هو داخل المنصورة كمان بس من ناحية القاهرة وكان جاي مواصلات
الاقي اتنين ضباط واربع عساكر جايين عليا جري
قالولي الرخص قولتلهم مفيش رخص فقام واحد فيهم متصل بالجهاز وقال يا باشا ممتنع انه يدينا الرخص قالوه خليك معاه انا جاي لكوا
لقيت مدير المرور جاي بنفسه قالي الرخص قلتله مفش قالي مفيش ايه قلتله مفيش رخصة للعربية قالي طب هات رخصتك وبطاقتك قالتله خدهم فركب معايا ضابط وقاله هاتوا وتعالى على المرور ورحنا المرور فضلوا يصوروا في العربية 128 كأنها هتيجي في خلف الاسوار وكتبوا مذكرة متينة كان فحواها اني حاطط ملصقات اتعتيم الرؤية ولأيهام ضباط الشرطة اني ضابط شرطة لعدم تحرير مخالفات ضدي والسير بدون رخصة تسيير وكان اخويا جه بقه وخدت منه رخصة العربية ورحت اتعرضت على النيابة واخلى سبيلي في ساعتها وبعد دا كله جاتلي غرامة على البيت 105 ملصقات وطبعا حرمت امشي مخالف تاني لو ايه هيحصل

**human** · 19-04-2011 04:45 PM

انا مافيش حاجه بتجيلى على البيت
يبقى كده براءه؟

**aif** · 19-04-2011 04:53 PM

المشاركة الأصلية كتبت بواسطة human12

انا مافيش حاجه بتجيلى على البيت
يبقى كده براءه؟

الموضوع مش معمم يا طارق
مش كل المخالفات بيتم ابلاغك بيها
المفروض يكون كدة لكن مش كل المخالفات بيتم ابلاغك بها
ممكن عنوانك عندهم مش صح
ممكن موبايلك مش متسجل
ممكن العربية مش متسجلة على الكمبيوتر باسمك ( الناس اللي شغالة بتوكيل )
وكتيييير الادارة مش بتبلغ
المفروض يتم تعميم الابلاغ عن طريق الرسائل القصيرة ..... يبقى في خلال يومين تلاقي رسالة جاية على موبايلك بالمخالفة ومكانها ووقتها والغرامة
دي بتبقى مفيدة جدا خصوصا لو ان السائق مش هو صاحب العربية
او سائق شركة
او عربية متأجرة
او اتوبيس مدرسة

**aif** · 19-04-2011 05:24 PM

المشاركة الأصلية كتبت بواسطة elfashn

الموضوع ده وجعلى بطنى. انا عايز اسأل سؤال هيه الردارات الى على الدائرى من المعادى وحتى طريق السويس لسه شغاله. ولو شغاله شغاله من امتى .بينى وبينكو ده كان طريقى لمده اسبوع رايح جاى وبعدين كنت مقضيها سباق ناسكار رايح جاى فياريت حد يقولى لو عنده معلومه اكيده

يا باشا اطمئن خالص
ولا يكون عندك اي قلق ولا تهتم
انت بس اعمل جمعية ب عشرتلاف جنية واقبضها الاول ...... ده من باب الاحتياط يعني

**nonetta** · 19-04-2011 06:15 PM

فعلا اتمنى المخالفات ترجع وبشكل رادع وبالعدل
الناس خلاص ما بقاش عندها احساس بالمسئولية
مفيش حد رقيب على نفسه
سير عكس الاتجاه .. عادي
ركن في الممنوع.. عادي
ركن صف تاني وتالت ورابع .. عادي
كسر اشارة و عسكري المرور واقف ..عادي
تفييم .. عادي
و على مرأى من ضباط المرور
بس اصعب حاجة اني ادفع مخالفة مش بتاعتي

**drmsadek1979** · 19-04-2011 10:07 PM

المشاركة الأصلية كتبت بواسطة nistelrooy

علي البيت هو انتا في دولة تانية ؟

هوا أنا من المريخ يا جدعان

**MASERATI** · 19-04-2011 10:28 PM

السلام عليكم و رحمة الله و بركاته

هيييييييييييييييييييييييي ه.

أنا بأه عربيتنا البيجو مكنتها خفيفة و مابمشيش أكتر من 90كم/س, يعنى -ان شاء الله- لا رادار و لا بطيخ , ربنا يسترها علينا .

-

الموضوع: المخالفات على تقيل

LinkBack

أدوات الموضوع

عرض

-

-

-

-

-

-

المواضيع المتشابهه

الدبرياج تقيل .. !!

الدبرياج تقيل

الدركسيون تقيل

البنزين تقيل قوى

دركسيون تقيل

الكلمات الدلالية لهذا الموضوع

المفضلات

المفضلات

ضوابط المشاركة