الكركره هتجننى

**essamenen** · 23-04-2011 03:53 PM

المشاركة الأصلية كتبت بواسطة amrelsaqqa

ممممممم
والله مشكلتك اهون شوية من مشكلتى اللى برضه جربت معاها كل حاجة ومفيش اي فايدة
انا عندى استهلاك البنزين عالى بغباااء (60 كيلو في الصفيحة )

بالنسبه الاستهلاك البنزين( في اسباب كتير بس منها)
1 عدم ظبط الكربراتير بانواع
2 وجود تسريب فى احد الخراطيم او الكوليهات او الكربراتير نفسه بتلاقى لون احمر على المكان الى فيه تسريب( نزين 80 )
انا شخصيا لقيت بين الكربراتير نفسه يوجد تسريب بسيط فربطه ومستنى اشوف ايه الوضع مع ان استهلاك البنزين عندى معقول من 9 -13 كيلو التر بس ليه يكون فيه تسريب وفيه شيء من الخطوره

**essamenen** · 24-04-2011 12:19 AM

على فكره يا جماعه انا مالقيت حل عند اى ميكانيكى رحتله عشان كده انا بجرب بنفسى مادام مافيش الى خسائر انشاء الله
النهرده نزلت اتسلى واجرب
1- اشوف السلوك (واحد واحد ) مع جسم العربيه لفيتها تمام الشراره قويه ومنتظمه
2- فكيت وش التقسيمه وغطاء سير الكاتينه ’ فى كاتلوج العربيه
صمام الشحن بيفتح عند 10 درجه ويغلق عند 49 درجه
صمام الطرد يفتح عند 50 درجه ويغلق عند 10 درجه
نقطه الاشعال عند 10 درجات
حاولت اطبق الكلام ده عملى قعدت اشفل من المارش واشوف والحمد لله مافهمتش حاجه خالص المهم قفلت كل حاجه وقلت اشوف الكربراتير واظبطه اخرت الاسبراتير شويه لاقيت المكنه بترعش (لان الكهرباء زياده ) وقلت اظبط الهواء والبنزين (وانا عند الميكانيكى سالته عن مسمار الهواء والبنزين لانى دائما بتلغبط فيهم )انا كنت ناسى انهو مسمار الهوا والبنزين المهم فى مسمار ناحيه العجله اليمين فى الكربراتيرالمسمار ده كان مربوط على الاخر وهو مسمار كبير زى مسمار البك وفى مسمار ثانى فى الناحيه الثانيه من الكربراتير ناحيه الماتور وهو فى مجره رفيعه وبيتربط بمفك رفيع المهم فكيته ( المسمار الفيع ) شويه لحد لما لقيت المكنه صوتها اتعدل فافلت وربط العمه ورحت اجرب لاقيت العربيه مخنوقه ومابتسحبش فركنت وقدمت الكهرباء سنه وجربت لاقتها 80 % احسن من الاول فى الكركره .
المهم بما ان التغير فى الكربراتير يبقى العيب والسبب من الكربراتير
مش عارف المسمار ده بتاع الهواء ولا البنزين؟
ولو بتاع البنزين ممكن يزود استهلاك البنزين ؟
لو الخلط ( الهواء مع البنزين ) مش مظبوط ايه الى هيحصل ؟
المسمار الاول كان مربوط اوى ليه وهو بتاع ايه ؟
نوع الكربراتير
Weber

**amrelsaqqa** · 24-04-2011 01:28 AM

المشاركة الأصلية كتبت بواسطة essamenen

على فكره يا جماعه انا مالقيت حل عند اى ميكانيكى رحتله عشان كده انا بجرب بنفسى مادام مافيش الى خسائر ان شاء الله
النهرده نزلت اتسلى واجرب
1- اشوف السلوك (واحد واحد ) مع جسم العربيه لفيتها تمام الشراره قويه ومنتظمه
2- فكيت وش التقسيمه وغطاء سير الكاتينه ’ فى كاتلوج العربيه
صمام الشحن بيفتح عند 10 درجه ويغلق عند 49 درجه
صمام الطرد يفتح عند 50 درجه ويغلق عند 10 درجه
نقطه الاشعال عند 10 درجات
حاولت اطبق الكلام ده عملى قعدت اشفل من المارش واشوف والحمد لله مافهمتش حاجه خالص المهم قفلت كل حاجه وقلت اشوف الكربراتير واظبطه اخرت الاسبراتير شويه لاقيت المكنه بترعش (لان الكهرباء زياده ) وقلت اظبط الهواء والبنزين (وانا عند الميكانيكى سالته عن مسمار الهواء والبنزين لانى دائما بتلغبط فيهم )انا كنت ناسى انهو مسمار الهوا والبنزين المهم فى مسمار ناحيه العجله اليمين فى الكربراتيرالمسمار ده كان مربوط على الاخر وهو مسمار كبير زى مسمار البك وفى مسمار ثانى فى الناحيه الثانيه من الكربراتير ناحيه الماتور وهو فى مجره رفيعه وبيتربط بمفك رفيع المهم فكيته ( المسمار الفيع ) شويه لحد لما لقيت المكنه صوتها اتعدل فافلت وربط العمه ورحت اجرب لاقيت العربيه مخنوقه ومابتسحبش فركنت وقدمت الكهرباء سنه وجربت لاقتها 80 % احسن من الاول فى الكركره .
المهم بما ان التغير فى الكربراتير يبقى العيب والسبب من الكربراتير
مش عارف المسمار ده بتاع الهواء ولا البنزين؟
ولو بتاع البنزين ممكن يزود استهلاك البنزين ؟
لو الخلط ( الهواء مع البنزين ) مش مظبوط ايه الى هيحصل ؟
المسمار الاول كان مربوط اوى ليه وهو بتاع ايه ؟
نوع الكربراتير
weber

يعنى انت كدة عندك 3 مسامير ؟
لو كدة يبقى سيب الكبير مقفول على الاخر زي ماهو

والمسمار اللى هو رفيع ده ، ده بتاع الهوا
مسمار البنزين بقى ده اللى هتلاقيه راكب بين ميكانيزم بكرة الاكسراتير وجسم الكربراتير
هتلاقيه مصمم بحيث يمنع البكرة انها تقفل على الاخر
الرباط عليه تزويد سرعة السلانسيه (برفع البكرة حاجة بسيطة جدا ) والحل تقليل سرعة

اظبطه بحيث مثلا يديك سرعة 1000 ار بي ام
بعد كدة العب في المسمار الرفيع

اربطه لحد ما صوت المكنة يهدى وترعش (تخلى الهوا قليل اوى ) ، وتقرب تبطل ، بعد كدة فكه واحدة واحدة هتلاقى صوت المكنة بيعلى بيعلى معاك لحد ما يبدأ يوطى تانى ( الهوا زيادة اوى اكتر من اللازم)
اول ما يوطى تانى ابدأ اربط براحة لحد ما توصل للنقطة اللى عندها الموتور في احسن حالاته من حيث الصوت والانتظام

الظبطة هتبقى حوالين النقطة دى
يا نص لفة ربط يا نص لفة حل

جرب لحد ما توصل لأفضل اداء

بعد كدة في الاخر خالص ارجع لمسمار البنزين ( الى عند بكرة الاكسراتير ) وخلى سرعة الموتور بين 800 - 900 ار بي ام

--

بالنسبة لسؤالك لو الخلط مش مظبوط
هتلاقى ريحة العادم وحشة
او لونه اسود والبوجيهات تهبب والعربية تاكل بنزين

وبرضه لو الكهربة مأخرة زيادة عن اللزوم هيطلع بنزين نى من العادم واستهلاك البنزين يزيد والسحب يقل زي ما حصل معاك

**essamenen** · 24-04-2011 03:03 AM

الف شكر يا استاذ amrelsaqqa انا فكيت بس مسمار الرفيع ( الهواء ) وانا معنديش rpm بس انا حاسس ان الماتور استريح وهدى وعزمه زاد بس فى استهلاك البنزين لسه انشاء الله هجرب واقولكم بس غريبه ان تكون سبب الكركه عدم ظبط الكربراتير

**amrelsaqqa** · 24-04-2011 03:41 AM

المشاركة الأصلية كتبت بواسطة essamenen

الف شكر يا استاذ amrelsaqqa انا فكيت بس مسمار الرفيع ( الهواء ) وانا معنديش rpm بس انا حاسس ان الماتور استريح وهدى وعزمه زاد بس فى استهلاك البنزين لسه انشاء الله هجرب واقولكم بس غريبه ان تكون سبب الكركه عدم ظبط الكربراتير

يااه طيب تمام
والكركرة اختفت خالص دلوقتى ؟

وهى قبل كدة كانت عبارة عن صوت في الموتور بس ولا مصحوبة برجة ونتشة
لو فيه رجة او نتشة معاها يبقى طبيعى جدا ان يكون الكربراتير له دور في الموضوع

**kaza** · 27-04-2011 02:08 AM

موضوع الكركرة دة عبارة عن سبق الاشتعال للشحنة قبل المكبس ما يوصل للنقطة الميتة العليا ويلف الكرنك للاستعداد لانفجار الشحنة نتيجة شرارة البوجية لذلك بيسبب ضرر جسيم للمحرك ممكن يوصل لكسر او ثقب المكابس اذا استمر دون التفات وانتباة السائق وسرعة قيامة برفع رجلة من علي الدواسة لتخفيف الحمل وسرعة معالجة السبب
واسباب الكركرة او الصفع بتكون ل3لسباب هي
-اعدم مناسبة الاوكتان الخاص بالوقود بنسبة انضغاط المحرك بمعني ان المحرك ذو نسبة انضغاط 1:10 لا يناسبة وقود 80 مثلا لان نظرا لكبر النسبة بتشتعل الشحنة نتيجة الضغط الزائد زي المحرك الديزل بالضبط وبالتالي لو حاستخدم بنزين اقل في الاوكتان يبقي لازم اعدل حاجتين هما درجة حرارة التشغيل للمحرك تبقي اقل من 90 او80 ودة لة تاثير ممكن يلاحظة السائق الماهر بمجرد ارتفاع الحرارة تبداء العربية في التسقيف والكركرة وضعف القدرة وبيبان قوي في المحركات المشحونة بشاحن توربو او ضاغط لان نظرا للحجم الكبير للشحنة وانضغاطها في حجم صغير في غرفة الاحتراق بيحصل التسقيف ويدمر المحرك وبالاخص في الاجواء الحارة لذا بيستوجب تزويد المحركات دي بمبادل حراري او انتركولر لتقليل حرارة الهواء الداخل للمحرك وبرضة بيزود للمحركات المزودة بدورات حقن بحساس للتسقيف ليعدل نسبة الوقود لمنعه
وباعدل توقيت الاشتعال بالتقديم علشان الحق اعمل اشتعال للشحنة قبل الاشتعال الذاتي مايبداء ودة بيبقي في الغالب يادوب والمكبس بيكمل مشوارة للنقطة الميتة العليا بس للعلم بيحصل صفع بسيط لا يظهر الا بارتفاع حرارة المحرك وبيتناسب طرديا بزيادة الانضغاط
-ممكن اختلاف توقيت القفل للصمامات يؤدي لنفس النتيجة بس بيصحبة ضعف ملحوظ للقدرة بس السبب المباشر التاني بيكون وجود الرواسب الكربونية من بقايا الاشتعال وبالاخص في حالة غرق المحرك بالبنزين نتيجة عدم ضبط الكربراتير ودي بتكون مولعة جوه غرفة الاحتراق زي الفحم بتاع الشواية وبالتالي بتحرق الشحنة قبل اتمام شوط الانضغاط
دي الاسباب واسف علي الاطالة