تجربتي مع تسقيط مكنة ليجانزا 2000 سي سي علي نوبيرا ون

**hosar** · 25-04-2011 05:55 PM

الف مبروك ياباشا و خليبالك على نفسك من شر السرعة

**mely** · 26-04-2011 08:22 AM

والله العظيم الناس دى كلها كلامها زى الفل
اولا الف مبروك على الفكره المجنونه دى
ثانيا ورق المتور مش بيحدد السعه اللتريه او سنة الصنع عن تجربه مغير 3مواتير هيونداى و2بيجو
ثالثا انا خايف على فتيسك لانه غير مهئ للاستجابه السريعه دى فهدئ من سرعاتك اوصلها بدون حرق

**moko_2004** · 26-04-2011 12:40 PM

المشاركة الأصلية كتبت بواسطة mely

والله العظيم الناس دى كلها كلامها زى الفل
اولا الف مبروك على الفكره المجنونه دى
ثانيا ورق المتور مش بيحدد السعه اللتريه او سنة الصنع عن تجربه مغير 3مواتير هيونداى و2بيجو
ثالثا انا خايف على فتيسك لانه غير مهئ للاستجابه السريعه دى فهدئ من سرعاتك اوصلها بدون حرق

ربنا الستار يعلم الله اني مجريتش بيها غير اول يوم لما كنت بجربها وبيني و بينك مفيش طريق في مصر كلها يستحمل سرعة اكتر من 120 ولكن دي فلوس انا دافعها وكان لازم اعرف انا دافعها في اية قبل التاجر ميستهبل و يقلي مكان قدامك انتي لسة جايلي النهاردة

و شكرا علي العملومة الورق دي وضحتلي حاجات كتير و اظن هتوضحها للناس

بالنسبة للفيتس انا بقيت حاسس كأن العربية مانيوال من عنف الأستجابة يعني لما احرق تأمرك معايا مع انهة قبل كدة كان مستحيييل و لكن اللي لاحظتة اني لما بعمل كيك داون العربية بتفتح لحد ار بي ام 5.2 وتقلب علي النقلة اللي بعدها ومش عاوز اشد كابل الكيك لأن الأداء كدة انا شايفة معقول جدا ومريح العربية جدا
فأنا مش محتاج الحرق عشان اوصل الي سرعة معينة الا يمكن في اول نقلتين بس وكمان مش للأخر
الميزة اني حصلت علي كفائة عربية 2011 و يمكن افضل بسعر تكلفة لايزيد عن 3000 جنية في عربية تمنها اصلا لا يزيد عن 38 الف ودة هو الفكرة من الموضوع
فبدل ما اشتري جديد و معرفش اسدد تمنة او علما اخلص تمنة تكون حلاوتة راحت الحل ده هو انضف حل بديل و ارخص كتير اية رأيك في وجهه النظر دي

**moko_2004** · 26-04-2011 12:42 PM

يمكن حتتة الطرق دي اللي مأخراني في تصوير التسارع و السرعة القصوي كل سنة وانتو طيبين شم الفسيخ بقة و الناس بتبقي بايتة في الشارع

**HOSSAM99** · 26-04-2011 02:01 PM

المشاركة الأصلية كتبت بواسطة moko_2004

يمكن حتتة الطرق دي اللي مأخراني في تصوير التسارع و السرعة القصوي كل سنة وانتو طيبين شم الفسيخ بقة و الناس بتبقي بايتة في الشارع

كل سنه و حضرتك طيب
و نصيحه أنا لسه راجع من بره و ملاحظتي للشوارع كل يوم بتزيد سوء عن سوء و زحمه ....و أخطاء الآخرين لا تعد و لا تحصي

فخلي بالك و علي أقل من مهلك و بالتوفيق إن شاء الله

**mohnsar** · 30-04-2011 04:46 PM

السلام عليكم
الف مبروك علي التعديل وربنا يباركلك فيها
لاكن بصراحه انا ليا رأي في موضوع المكنه ال2000 علي النوبيرا
لاني والحمد لله عندي نوبيرا وليجنزا وعارف الفرق بين الاثنين كويس
ونصيحتي هي ان لو حد عايز قدره اكبر لعربيته النوبيرا فبدل ميركب موتور 2000 يبعها ويشتري ليجنزا احسن لانو هياخد معاها مميزات كتير جدآ وخصوصآ انهم نفس السعر فهتستفاد بالوسع - السبات القوي - قوه المحرك - التكييف اقوي - الكراسي جلد وكرسي السائق كهرباء- الفرامل abs - العفشه اقوي - الشنطه اوسع - البور انعم - من الاخر مرسيدس
وربنا يوفق الجميع للخير وعمل معروف خلي باللك من السرعه في التقني السلامه والف مبروك

**mahmoudysf** · 30-04-2011 05:06 PM

المشاركة الأصلية كتبت بواسطة mohnsar

السلام عليكم
الف مبروك علي التعديل وربنا يباركلك فيها
لاكن بصراحه انا ليا رأي في موضوع المكنه ال2000 علي النوبيرا
لاني والحمد لله عندي نوبيرا وليجنزا وعارف الفرق بين الاثنين كويس
ونصيحتي هي ان لو حد عايز قدره اكبر لعربيته النوبيرا فبدل ميركب موتور 2000 يبعها ويشتري ليجنزا احسن لانو هياخد معاها مميزات كتير جدآ وخصوصآ انهم نفس السعر فهتستفاد بالوسع - السبات القوي - قوه المحرك - التكييف اقوي - الكراسي جلد وكرسي السائق كهرباء- الفرامل abs - العفشه اقوي - الشنطه اوسع - البور انعم - من الاخر مرسيدس
وربنا يوفق الجميع للخير وعمل معروف خلي باللك من السرعه في التقني السلامه والف مبروك

والله انا معجب بالليجانز جدا وخصوصا مع سعهرها المعقول
ولاكن عايزين موضوع وتقرير كدة عن الليجانزا
زي استهلاكها للبنزين بتعمل كام في الصفيحة
قطع الغيار متوفرة ولا بتتعب عليهاشوية

**moko_2004** · 30-04-2011 07:15 PM

المشكلة ان عربيتي لما تمنتها كانت ب 35 والليجانزا ب 50 وصعب عليا جدا تدبير الفرق
قدامي كذا حل
ابيع العربية واجيب زيرو قسط وممكن معرفش اكمل القسط وتخش في مشاكل
او
اقعد اصرف علي العربية دم قلبي و برضة مش هوصل لنتيجحة
او اسقط موتور وابقي اسمي عملت تجديد و كدة اخدت ميزة اي عربية جديدة في السرعة ومخسرتش كتير و هو فرقة في البنزين 10 كيلو في الصفيحة فقط عن المكنة 1500
و لان الموتور وزنة تقيل اتقل من التاني العربية ثباتها اتحسن كتير و الفرملة هيا هيا مفرقتش
بالنسة للabs مش كل الليجانزا فيها abs للأسف فبعتبر نفسي مخرتش كتير واداء التكييف معدش بيأثر نهائي علي العربية انا مرة مشيت 190 وانا مشغل التكييف و العربية لا الدموع