الموضوع: تقرير و تجربه قياده فولفو s60

المشاركة الأصلية كتبت بواسطة ahmzd

أعتقد أن المواطن المصري لا يعي ثقافة ( الغالي تمنه فيه ) و ( الغالي رخيص ) إلا من رحم الله!!
هذا بالرغم من أن هذه الأمثال من تراثنا العتيق!! إلا أن الكلام شيء والفعل شيء آخر!!
عموما حتى نكون منصفين فإن الجمارك والوكلاء لهما دور كبير جدا في عزوف المصريين عن السيارات المحترمة..وأملنا في الله أن يتغير الوضع للأحسن في القريب العاجل بعد هذه الثورة المباركة التي ستكون إن شاء الله أول خطوات إصلاح أم الدنيا مصر.

شوف يا باشا فى النقطة دى انا معاك و مش معاك

لأن ببساطة مش كل الناس تقدر على تمن الغالى ... او بمعنى اصح قليل جدا من الناس اللى يقدروا على تمن الغالى

و بعدين الغالى فى مصر غالى بغباء و لولا ان مرسيدس و بى ام بيجمعوا شوية موديلات فى مصر كنت هتشوف اسعار ولا فى الاحلام

يعنى مثال صغير جدا على العربيات الفخمة

المرسيدس ال إس الى تمنها مليون و 300 الف كان هيبقى تمنها فوق الاتنين مليون مرتاح لو ألمانى و هى هى نفس العربية و تمنها فى الكويت (الالمانى) حوالى 650 الف جنيه .... بالذمة ده كلام

و احنا فى مصر كمان مجبرين نركب اضعف عربيات فى العالم من ناحية المواتير عشان الجمارك الخزعبلية .. اول ما جيت الكويت مكنتش مصدق عنيا لما شفت العربيات هنا عاملة ازاى و اسعارها ازاى و لما واحد صاحبى جاب عربية 3500 سى سى قلت له انت مجنون ... و بعدها انا جبت عربية 5700 سى سى و بقيت اجن منه ههههه

هقول ايه

الحمد لله على كل نعمه التى لا تعد ولا تحصى