الموضوع: أول الحكاية

جزي الله عني خيرا أهل سلطنة سكودا كل من رد وتابع واهتم

انا اسف اتأخرت عليكم فى الرد

كنت عند الميكانيكي امبارح
رحت للميكانيكي اللي صاحبي قاللي عليه

في شارع التلاتيني
كان راجل محترم جدا كشف عليها وظبطها


التفاصيل فى التقرير التالي

البدايه كتنت التحرك من شارع الهرم للوصول الى الميكانيكي <محمد الديب>

طبعا زحمة الهرم ظبطتني [اصلي مش متعود اسوق]

من شارع الهرم تكسر يمين من عند بتزا هت وتاخد الشارع لأخره وتكمل فى نفس الشارع طوالي بعد ما تقطع شارع خاتم المرسلين لغاية ش التلاتيني ومن شارع التلاتيني من عند محل اسمه الكرامه للإتصالات تاخد الشارع اللي جنبه لغاية مركز شباب العمرانيه اكسر يمين بعد ما تخلص سور الملعب تكسر يمين لغاية أخر الشارع

كده وصلنا الحمد لله

تم الكشف علي السياره الحمد لله الفتيس طلع كويس اللي كان فيه خبطه بخرابيش انما الحاله كويسه

قاعدة الفتيس كانت مكسوره ودي اللى كانت عامله صوت مع الغيارات
تم تغيير قاعده واحده وعملت فرق كبير جدا

تم تغيير فلتر الزيت مع زيت الموتور وحطينا زيت شل هيلكس xh 5تم تغيير عدد 2 فلتر بنزين
عدد 4 بوجيهات فرنساوي سن طويل

تم تنظيف الكربراتير بمنظف مش فاكر اسمه
تم تنظيف فلتر الهواء وإعادة تركيبه
تم تنظيف الرادياتير وتغيير الميه بميه خضراء سعودي تركير 40%
تم تنظيف جسم الموتور بالجار

تم تركيب عدد 2 كاوتشة حامل الشكمان


كان مطلوب نغير جوان كرتيره بس كان الوقت اتأخر وانا كنت مسافر فلم يتم تغييرها



التكلفه
130 زيت وفلتر زيت
50 2 جركن ميه خضراء [باقي نصف جركن]
12 2 فلتر بنزين
45 بوجيهات
45 قاعدة فتيس تركي
10 كاوتشات شكمان

60 مصنعيه


سافرت بيها الساعه 2 باليل المشوار كان حواي 170 كيلو وتم استهلاك ربع التانك تقريبا ( بنزين 90 ) [ما شاء الله]

تسلم والله يا بشمهندس أحمد

بالنسبه للزيت هوه كان شل الأصفر 4 لتر 5000 كيلو وكان ب 110
الفلتر ب 20 جنيه



بالنسبه للحاله مع السفر بسم الله ما شاء الله
مشيت بيها على 120 وكانت فايقه جدا بس انا بخاف من السرعات العاليه

عداد الحراره مكانش معدي ال 70 على الطرق الطوالي لدرجة اني كنت مفكر انه عظلان لغاية ما مشيت فى طرق بطيئه لقيته زاد شويه بس موصلش لغاية 90 ابدا

دلوقت وانا راكبها فى النهار وماشى على التاني علشان الزحمه والمطبات بيوصل قبل ال 90 بشرطه وبعدها باسمع صوت المروحه لكن الحمد لله معدتش 90 خالص


استهلاك البنزين ممتاز بسم الله ما شاء الله زي ما قلت قبل كده بعد ما فولت التانك استهلكت لغاية الشرطه بتاع ال 3/4




بالنسبه للفتيس هوه اللي كان فيه انك بتسمع صوت لكه بعد الغيار بالظبط هوه خف جدا بعد تربيط قاعدة الفتيس بس لسه موجود على خفيف


إن شاء الله لما اكمل السرفيس بتاعها حاقولكم على اللي عملته بالتفصيل




تاني شاكر جدا الإهتمام والمتابعه

المشاركة الأصلية كتبت بواسطة hamahomo

الراجل انا اتعملت معاة بقالي سنة وكان كشفلي على العربية اللي انا شاريها وهو راجل امين وجدع انا عملت عندة عمرة ماتور والحمد لله زي الفل وغيرت عندة ديسك واسطوانة وبلية وترس فيلام و ودورة التبريد بالكامل وسلكت عندة الكربراتير وكمان اسبوعين كدة حغير مساعدين امامي و علبة دريكسيون وفلاتر وزيت وبوجيهات المهم
اسمة محمد في اول فيصل في منطقة اسمها تقسيم عمرو بن العاص رقم موبيلة 0127243897
هو اول شارع يمين بعدمنزل كوبري فيصل تاخدة للاخر هو شارع ضيق واتجاهين ولما توصل لاخرة تاخد شمال وتفضل ماشي لحد متلاقي مسجد على ايدك اليمين تاني دخلى يمين بعد المسجد ولو احتجتني في حاجة انا تحت امرك ولو عايزني اكلمهولك معنديش اي مشكلة

جزاك الله خيرا يا hamahomo

انا رحت لواحد فى التلاتيني

على العموم ايه رأيكم نخلي المشاركات دي نواه للموضوع بتاع الصنايعيه وعناوينهم