عندى مشكلة و عايز حلها لو سمحتم

**FunnyMickey** · 21-04-2011 09:06 PM

كنت بقول زيك كده زمان ولازم نقف جمبها وكلام من ده
وبعيدا عن حلال او حرام
هوا حرام اصلا العلاقه دي
لانك لا حتي ناوي تخطبها ولا فيه من ناحيتك او ناحيتها اي حاجه
يبقي حتعرفها ليه

الحاجه التانيه ان الواحد صاحب كتير وانتا عارف ان الصديق وقت الضيق
بس الصاحب الولد مش البنت
لان البنت مسيرها في يوم لجوزها
وساعتها مش حينفع تكون في حياتها اصلا
واسأل مجرب
كنا شله 8 بنات و4 ولاد
واصحاب جدا
وفي الاخر كل واحده اتجوزت وراحت لحالها وكلام الاصحاب وحنفضل مع بعض طول عمرنا ده اتلحس مجرد ما العريس جه :)
ومش فاضل دلوقتي غير الاربع ولاد
طب وعلي ايه من الاول
وليه تستني اما تتقلب
اقلب انتا :)
ومفيش بنت ملهاش صحاب
مهما كنت قريب منها فمش حينفع تبقي اقرب لها من صاحبه ليها
هيا بنت وانتا ولد

**shod90** · 21-04-2011 10:35 PM

المشاركة الأصلية كتبت بواسطة funnymickey

كنت بقول زيك كده زمان ولازم نقف جمبها وكلام من ده
وبعيدا عن حلال او حرام
هوا حرام اصلا العلاقه دي
لانك لا حتي ناوي تخطبها ولا فيه من ناحيتك او ناحيتها اي حاجه
يبقي حتعرفها ليه

الحاجه التانيه ان الواحد صاحب كتير وانتا عارف ان الصديق وقت الضيق
بس الصاحب الولد مش البنت
لان البنت مسيرها في يوم لجوزها
وساعتها مش حينفع تكون في حياتها اصلا
واسأل مجرب
كنا شله 8 بنات و4 ولاد
واصحاب جدا
وفي الاخر كل واحده اتجوزت وراحت لحالها وكلام الاصحاب وحنفضل مع بعض طول عمرنا ده اتلحس مجرد ما العريس جه :)
ومش فاضل دلوقتي غير الاربع ولاد
طب وعلي ايه من الاول
وليه تستني اما تتقلب
اقلب انتا :)
ومفيش بنت ملهاش صحاب
مهما كنت قريب منها فمش حينفع تبقي اقرب لها من صاحبه ليها
هيا بنت وانتا ولد

بقى الموضوع كدا بقى هههههههه .. لا لو كدا يبقى اقلب انا قبل ما اتقلب ههههههههههههه .. محبش اللى يقلبنى بس بعشق اقلب الناس :p

**FunnyMickey** · 21-04-2011 11:26 PM

اه والله ياعم
انا كنت من اكتر الناس اللي بتحب الناس وعشري جدا وكان ليا اصحاب كتير في الجامعه
بس دول اللي طلعت بيهم بقي
عاوز اقولك من كتر ما احنا مع بعض الصبح وبالليل عالنت
الواحد بقي بيعيش معاهم اكتر من اهله
4 سنين عشره زي حضرتك كده بالظبط
واكلين شاربين سارقين قاتلين مع بعض
عالسنه الرابعه بقي
تلاقي الموضوع بقي ابتدي يقلب
كل واحده تنقي لها واحد من الشله
عاوزه تلحق بقي
امال يعني حتطلع من المولد بلا حمص
طب منفعش
خلاص بقي انا فضيالكو
تبتدي بقي تدور بره
:)
طيب لقت بره
طب يابنتي متيجي تقعدي معانا
اصلي عندي
اصل بس
طب
يووه
لا مش حينفع
ماما بتزعق
اصل توتو بيقفش عليا
بيضايق اما اسلم علي ولاد
اصل شافني وانا بهزر مع سوسو واتضايق اوي وقاللي متكلميهوش تاني

حاجات من دي بقي
ويحصل حاجه من الاتنين في الاخر
يايتخانقوا مع بعض وتبقي انتا صفيحه الهموم والاحزان والعياط
يااما يسيبوا بعض وترجع تقعد معاكو تاني لحد ما تدور بره تاني :)

وتخلص الاربع سنين يامعلم ويخلص الحلم الجميل
وتلاقي بقي النمر اتغيرت
والايميلات اتقفلت
كل ده عادي
اول ما تيجي تدور عليها عالفيس بوك تلاقيها مش موجوده
وتلاقيك اتعملك ريمووووووف
اعرف انها لبست دبل علي طووووووووووول
ههههههههههههههههههههه

بس بردو مينفعش تقطع خالص
لازم بقي كل فتره مسجات عالفيس بوك او عالايميل

انا حطلق الحقني
فيه مشاكل كتير
انا زهقت ومحتاجالك
:)

صفيحه هموم بس مش توتو زعلان بقي وقافش
لا
انا حطلق
انا متضايقه

واللذيذ بقي انك تقف في المشكله
اول ما تخلص ويتصالحوا
تيجي تبعت رسايل
ميتردش عليها
ههههههههههه
ياتيييييييييييييييييييت
يابت ده انا كنت لسه من يومين الصديق الصدوق

اسكت اسكت
مسيرك تقعد تضحك عالحاجات دي لما تخلص جامعه
انتا زعلان علي واحده بس
بقولك 8
تمانيه في وش العدو يامؤمن

**waelfarid** · 22-04-2011 12:17 AM

خبرة
واحد بيسأل واحد معاك ايه في الكيس ده ؟
قاله كده
قاله يعني ايه كده؟
قاله حتقولي معاك ايه في الكيس ده ؟حقولك برتقال !!حتقولي اديني واحدة !!حقولك لأ !حتقولي ليه ؟حقولك كدة! جاب من الآخر
اقلب بدل متتقلب وكله سلف ودين خليك فالسليم ياباشا

**د.أحمد السعيد** · 22-04-2011 12:32 AM

اولا احيك على شجاعنك على طرح الموضوع و ألتمس انك انسان محترم و فيه خير كثير ( و كذلك هم اولاد الاصول لما بيعرف انه كان بيعمل حاجة غلط مش بيكابر و يصر على ما يفعله طوال عمرة بحجة انها العادات و التقاليد و امور معتاده )

ابعد عنها أحسن لك و ربنا ينير لك طريق الهدايه
و ابسط حاجه شوف أختك لو ممكن تكلمها او حتى والدتك ممكن تنصحها
لكن انت خلاص .... معدش ينفع و خاف على نفسك لحسن هيه اللى تقنعك انك تبقى لارج و تكبر دماغك عن الصلاه و الالتزام

و لو انت شايفها انها ممكن تنفعك فى يوم من الايام انها تكون زوجتك حاول جديا معاها بس عن طريق أخوها او ابوها

و ربنا يرضى عنك و يوفقك

**misoalex** · 22-04-2011 07:40 AM

ميكى جاب من الاخر ههههههههههههههههههههههههه ههههههه

ده فعلا اللى بيحصل صباح التنفيض اللى حتشوفه اخر سنه

لازم تحدد موقفك من دلوقتى

**dr.hazem** · 22-04-2011 09:29 AM

(ومن يتق الله يجعل له مخرجا)
من ترك شيئا لله عوضه الله خيرا منه
يعني انت لو هتبطل تتلكم معاها فقط عشان ربنا وعشان الموضوع حرام شوف جزاء ربنا
وهذكرك بحديث كمان
(من ارضى الناس في سخط الله سخط منه واسخط عليه الناس, ومن ارضى الله في سخط الناس رضي عنه وارضى عنه الناس...)

متخيل الحديث ومعناه؟؟؟

شوف الآيه الجميله دي
{وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَيُقِيمُونَ الصَّلاةَ وَيُؤْتُونَ الزَّكَاةَ وَيُطِيعُونَ اللَّهَ وَرَسُولَهُ أُولَئِكَ سَيَرْحَمُهُمُ اللَّهُ إِنَّ اللَّهَ عَزِيزٌ حَكِيمٌ}

وخد بالك من الشيطان
ربنا بيقول (ولا تتبعوا خطوات الشيطان)
الشيطان مبيكبرلكش الحاجه من اولها وانما بيبدا معاك واحده واحده وبيتكتك كده

يارب لا تجعلنا ممن زين لهم سوء عملهم وهم يحسبون انهم يحسنون صنعا...

والحمد لله انك عارف ان الموضوع حرام شرعا ومش فاضلك الا انك تتغلب على هوى نفسك باليقين وتمتنع عما حرم الله

يارب وفقنا جميعا لكل ما تحبه وترضاه...

آمين

-

-

-

الموضوع: عندى مشكلة و عايز حلها لو سمحتم

LinkBack

أدوات الموضوع

عرض

-

-

-

-

-

المواضيع المتشابهه

مشكلة عندى وعاوز اعرف حلها

عندى مشكله ومش عارف حلها

مشكله عندى فى العربيه ايه حلها

عندى مشكلة مش عارف حلها يا عماليق الدايو !!!

عندى استفسار ضرورى لو سمحتم ادخلوا عايز اعرف انا اتنصب عليا

الكلمات الدلالية لهذا الموضوع

المفضلات

المفضلات

ضوابط المشاركة