نوع التعليق الخلفى للالنترا 2012 !!

**AHMED REFAT** · 23-04-2011 12:45 AM

للاسف فعلا الالنترا الجديدة تورشيم بيم وليست مالتى لينك علما بان الحالية مالتى لينك وطبعا ده يرجع لتقليل التكاليف فى انتاج الالنترا الجديدة .. والمتوقع ان تكون العفشة هى هى بالظبط الموجودة فى سيراتو بالذات الخلفية .. والنهائى طبعا عند نزول السيارة وفحصها واختبارها ولكن اذا كانت العفشة متماثلة تماما يبقى شكرا يا صاحبى توقع المزيد من المشاكل فى الالنترا الجدية ربنا يسترها بقى .. ده الشعب كله مستنيها

**هيثم المنياوى** · 23-04-2011 01:49 AM

ياجماعه لوتكرمتم حد يقولنا ايه الفرق بين التورشيم بيم والمالتى لينك ولوفى أنواع تانيه للتعليق
ضرورى من فضلكم

**new** · 24-04-2011 12:44 AM

انا كنت اليوم فى غبور صلاح سالم و قالولى ان الالنترا الجديده هاتنزل نفس ماتور الالنترا الحاليه مش ال gdi ال140 حصان علشان ده لازم بنزين 95

**bassem.naguib** · 24-04-2011 01:30 AM

المشاركة الأصلية كتبت بواسطة hhoo

ياجماعه لوتكرمتم حد يقولنا ايه الفرق بين التورشيم بيم والمالتى لينك ولوفى أنواع تانيه للتعليق
ضرورى من فضلكم

لتوضيح الأمور بشكل مبسط جداً .. المالتي لينك بيبقى التعليق مستقل لكل عجلة من العجل الخلفي .. أما التورشم بيم بيبقى فيه زي بار بالعرض ماسك العجلتين .
ومميزات المالتي لينك أن العفشة بتكون ناعمة ومتحسش بالمطبات عكس النظام الثاني .. ولكن على حساب الثبات في المناورة والمنحنيات .

**superb** · 24-04-2011 01:01 PM

معلومه اخرى ممكن تفيد .. ان فى امريكا و فى جميع انحاء العالم بيفضل المالتى لينك لأنه بيقدم راحه و بيقلل الأصوات الناتجه عن المشى على الطرق و كمان مؤخرا شركات كتير استرخصت و استغنت عن المالتى رينك سسبنشن زى محصل من فولكس واجن فى الجيتا الجديده 2012 و دا لاقى استياء جميع راكبى الجيتا فى امريكا و اللى عاوز يتأكد يراجع الريفيوز... خلاصة الكلام الشركات بتوفر عشان تقلل تكلفة الأنتاج و تكسب اكتر .. و انا فى رأيى المالتى لنك اريح على الطرق المصريه لأنها طرق زباله :)

**Typerr** · 24-04-2011 08:13 PM

المشاركة الأصلية كتبت بواسطة hhoo

معلش ياجماعه ياريت توضيح لأنظمة التعليق المختلفه بارك الله فيكم

+1111111111111111111+

**حماده المصري** · 25-04-2011 02:56 PM

والله المشكلهل مش في المالتي لينك او التورشن بيم

المشكله في هيونداي وكيا اللي فشلوا انهم يعملوا عفشه محترمه بالنسبه للتورشن بيم (والناس مش مستوعبه ده)

مهو الكورولا القديم والجديد تورشن بيم والجولف 4 تورشن بيم وعربيات كتير جدا زي الفل مفيهاش مشاكل وماشيه بالتورشن بيم وبالعكس فيه عربيات تورشن بيم مفيهاش غلطه زي الجولف 4

**هيثم المنياوى** · 25-04-2011 10:17 PM

المشاركة الأصلية كتبت بواسطة ziabassem

لتوضيح الأمور بشكل مبسط جداً .. المالتي لينك بيبقى التعليق مستقل لكل عجلة من العجل الخلفي .. أما التورشم بيم بيبقى فيه زي بار بالعرض ماسك العجلتين .
ومميزات المالتي لينك أن العفشة بتكون ناعمة ومتحسش بالمطبات عكس النظام الثاني .. ولكن على حساب الثبات في المناورة والمنحنيات .

ياباشا بارك الله فيك وشكراً على رد حضرتك وإهتمامك

**waelfarid** · 25-04-2011 10:34 PM

Torsion beam like english letter H the upper two points of H each connected pivoted to the car
the middle of H rests shock absorber & spring for each side between car & H
the lower two points of H each carrying rear wheels individually