الموضوع: رابطه مالكي الاكسنت الrb :تقرير عن السياره من كل مالكيها في المنتدي

السلام عليكم,
محدش جرب العربية دي خليجي يجماعة؟ يمكن ميكونش فى الخليجي نفس عيوب الوكيل؟
وأصلا هل هى فكرة كويسة إنى أشتري خليجي؟ وإيه الحلول المتوفرة بالنسبة لضمانها وصيانتها وخصوصا بالإسكندرية؟

سؤال كمان, هو ال هاى لاين الوكيل فيها وصلة iPod ولا USB و AUX بس. وحد عنده فكرة الفئة إللى بـ ١٢٢ دي لسه موجودة؟ أو أي فئة بـ ABS , و حتى لو إيرباج واحده؟

طولت عليكم, كل عام وأنتم بخير وعيد سعيد.

المشاركة الأصلية كتبت بواسطة ahmed_m_ashraf

السلام عليكم,
محدش جرب العربية دي خليجي يجماعة؟ يمكن ميكونش فى الخليجي نفس عيوب الوكيل؟
وأصلا هل هى فكرة كويسة إنى أشتري خليجي؟ وإيه الحلول المتوفرة بالنسبة لضمانها وصيانتها وخصوصا بالإسكندرية؟

سؤال كمان, هو ال هاى لاين الوكيل فيها وصلة iPod ولا USB و AUX بس. وحد عنده فكرة الفئة إللى بـ ١٢٢ دي لسه موجودة؟ أو أي فئة بـ ABS , و حتى لو إيرباج واحده؟

طولت عليكم, كل عام وأنتم بخير وعيد سعيد.

انا سئلت على الخليجي هي في سمير ريان ب 112,500 وفيا جنط 15 وطاره مالتي واير باج واحد للسواق وبقيه الكماليات بس من غير بلوتوث( مش عارف ليه)
بالنسبه للضمان والتوكيل مفيش بس في شركه موجوده بتاخد الخليجي وتضمنه بس مقابل 2500 جنية مشتركه مع بعض مراكز الصيانه بس طبعا المراكز دي مش زي التوكيل او الحجات المعتمده من التوكيل وسئلت اكتر من معرض نصحوني اخد بالتوكيل احسن عشان لو في اي مشاكل حتوه
الفئات كلها فيها وصلة iPod ولا USB و AUX بس
ولو بتسئل على الفئه الي بسعر 122 الف انا صراحه اقلك زود 4 الف جنية وخد الالينترا دى رأيي

ياريت الناس الي معاها العربية تفهمنا اخبار العربية ايه يعني الي واخد العربية بسعر 103الهاف الماتور من غير غطاء عزل يا ترى اخبار صوت الماتور ايه ولو رجع الوقت يخده ال الهاي الي ب110 ولا شيف ان العربية كده حلوة اوي وكفايه عليها
الاداء اخباره ايه؟
صوت العجل تحت كرسي السواق مسموع؟
ناقص العربية ايه من رأيك؟
ايه المشاكل الي انت شيفها؟
لون عربيتك ايه ولون الفرش ايه؟
عملت تعديلات على العربية من حيث الشكل او الفرش وكلفتك كام وفين؟
اخبار العربية في مطبات الهواء ايه؟
وجدعنا ارفعولنا صور لدخل العربية ياريت ونبي تكسبوا فينا ثواب

هي الناس سكتت ليه محدش عايز يسعدنا

المشاركة الأصلية كتبت بواسطة dramir1

بالنسبه لرأيي في عربيتي ال RB:


العربيه معايا بقالها 5 شهور عامل بيها 4400 كم هاي لاين وانا قلت لازم ارد بكل امانه ::
المميزات:
ماشاء الله

1-موتور ناعم وهادي وعزل الموتور ممتاز .
2- تجميع العربيه فوق الرائع بمعنى لما جربت الكيك داون بتاعها لقيت العربيه بتتنفض وتسبق اي عربيه ماشيه جمبها"بس لو هتحرق بيها كتير استهلاك البنزين بيزيد كتير"
3- تكييف ممتاز"كفائته زادت كمان لما ركبت فيها عازل حراري امريكي 3m.
4-كرسي السائق بيطلع وينزل وقمت باضافة سفنج مضغوط في كرسي السائق لمزيد من الراحه.
5-العربيه شيك جدا والتابلوه ممتاز.
- الكاسيت فيه usb,aux,ipod
البلوتوث للموبايل .
-كمبيوتر الرحلات .

:::عيوبها :
- العفشه الخلفيه زي السيراتو "تورشن بيم" فلو اتنين ركبو ورا بيبقو مش مرتاحين خاصة في مطبات الهوا على الاتوستراد.
-الفرامل اول ماشترتها كانت ضعيفه شويه ولكنها اتحسنت بعد 2000 كم بس طبعا مش زي فرامل الألماني.
-العربيه ساعات لما تحمل فيها زياده بتحك في المطبات.

::::الخلاصه: لوظروفك تسمح تشتري نيسان تيدا- فانتازيا -او هوندا سيفيك وتقدر على اسعار قطع الغيار يبقى ماتفكرش
وممكن تسأل اصحاب البروتون برسونا اليجانس عامله ايه وتوكيلها اخباره ايه "يارب اكون افدتك"

شكرا ليك بجد افدتني بس عندي لو تسمح كم سؤال لاني ان شاء ناوي عليها
1- حضرتك وخدها هاي لاين شايف بعد استعمالك اني اخد الهاي لاين ولا بلاش يعني حسس بفرق بتستخدم الكماليات دي وشيف مهما ولا كنت فرحان فيها في الاول وبعدين بقت عاديه؟
2-موضوع العازل 3m عملته فين وكلفك كام وباين ولو حبيت تشيله حيسيب اثر في الازاز؟
3- لون عربيتك ايه ؟ وكسيت الفرش من جوه؟ وشايف بعد مشتريت احسن لون ايه؟
4- وانت ماشي بتسمع صوت العجل لان في ناس اشتكت منه؟
5- موديل عربيتك ايه 2011 ولا 2012؟
تعبتك وشكرا ليك وربنا يكفيك شرها يارب

شباب في معرض اوتوماك اخر الشهر تفتكروا غبور يعمل عليها خصم في المعرض ولا خير البر عاجلة واتوكل اخر الاسبوع الجي