الموضوع: رابطه مالكي الاكسنت الrb :تقرير عن السياره من كل مالكيها في المنتدي

المشاركة الأصلية كتبت بواسطة dramir1

العربيه معايا بقالها 4 شهور عامل بيها 3700 كم هاي لاين وانا قلت لازم ارد بكل امانه ::
المميزات:
ماشاء الله

1-موتور ناعم وهادي وعزل الموتور ممتاز .
2- تجميع العربيه فوق الرائع بمعنى لما جربت الكيك داون بتاعها لقيت العربيه بتتنفض وتسبق اي عربيه ماشيه جمبها"بس لو هتحرق بيها كتير استهلاك البنزين بيزيد كتير"
3- تكييف ممتاز"كفائته زادت كمان لما ركبت فيها عازل حراري امريكي 3m.
4-كرسي السائق بيطلع وينزل وقمت باضافة سفنج مضغوط في كرسي السائق لمزيد من الراحه.
5-العربيه شيك جدا والتابلوه ممتاز.
- الكاسيت فيه usb,aux,ipod
البلوتوث

:::عيوبها :
- العفشه الخلفيه زي السيراتو "تورشن بيم" فلو ركب اتنين ورا بيبقو مش مرتاحين خاصة في مطبات الهوا على الاتوستراد.
-الفرامل اول ماشترتها كانت ضعيفه شويه ولكنها اتحسنت كتير بعد 2000 كم

ربنا يباركلك فيها بس العربيه دى مشهتحس قيمتها دلوقتى وكل متقدم معاك هتحبها اكتر لان ميزة هيونداى قطع غياره وصيانته وقلت اعطاله
وكمان زود ميزه ان الار بى والالنترا الجديده التقفيل والصاج والخامات افضل من الموديلات القديمه بكتير فان شاء الله هتبقى معمره مشهيبان عليها البهدلة بسرعه زى الالنترا القديمه من 2007 والنيو اكسنت من 2007 برده

المشاركة الأصلية كتبت بواسطة memo823000

هيا طبعا غاليه جدا جدا بسبب التوكيل والجمارك لاكن كعربيه هيا كويسه
هضربلك مثل
انا دلوقتى معايا 122 الف جنيه ومينفعش اوزد جنيه وبفاضل بين الار بى الهاى لاين اعلى فئه جنط 16 والذى منه من فرش جلد وفتحة سقف و abs وايرباج وكاميرا وا وا الخ
هاتلى عربيه بنفس السعر بشرط
نفس الموتور - نفس الكماليات - نفس الشكل - الصالون - الشنطه - يعنى سيدان مش هاتشباك- نفس الانتشار وسعر اعادة البيع وكمان سهولة الصيانه يعنى متقوليش اعلى شويه

رينو فلوانس ....
بيعيبها بس سعر أعادة البيع ....
ومش هقول قطع غيارها غالية ....
لآن قطع غيار الجيل التالت للهيونداى مش رخيصة ....

المشاركة الأصلية كتبت بواسطة linux1man

انا والله بقيت فى حيرة
بعد ما حجزت العربية حاسس انى ندمت

ايه بقى الفرق بينها وبين الفيرنا غير الكماليات والشكل معلش ؟؟؟؟

ومحدش يقولى ما تقارنش بالفيرنا والله الفيرنا بنت ناس اوى بالنسبة للتعليقات اللى شايفها دى

وكلو بيقول جنت الار بى وانسى الدنيا

مانتا ممكن تجنط الفيرنا ومعاك وحش كاسر

قرار شراء عربية جديدة ....
دة من أصعب القرارات و خصوصآ لما يكون أدامك ....
عربيات كتير فى نفس الفئة السعرية ولما تلاقى حواليك ناس كتير بتلعب فى دماغك ....
وكل واحد تلاقية بينصحك عشان تجيب عربية زية مش عشان بيحبك لا عشان يثبت لنفسة أن أختيارة كان سليم ....

المشاركة الأصلية كتبت بواسطة memo823000

هيا طبعا غاليه جدا جدا بسبب التوكيل والجمارك لاكن كعربيه هيا كويسه
هضربلك مثل
انا دلوقتى معايا 122 الف جنيه ومينفعش اوزد جنيه وبفاضل بين الار بى الهاى لاين اعلى فئه جنط 16 والذى منه من فرش جلد وفتحة سقف و abs وايرباج وكاميرا وا وا الخ
هاتلى عربيه بنفس السعر بشرط
نفس الموتور - نفس الكماليات - نفس الشكل - الصالون - الشنطه - يعنى سيدان مش هاتشباك- نفس الانتشار وسعر اعادة البيع وكمان سهولة الصيانه يعنى متقوليش اعلى شويه

شوف يا استاذ

عندك فى الكورى الكيا سيراتو اعتقد موفيه مغظم طلباتك

و برضه عندك الكروز و لو انى ما بفضلهاش

عندك فى اليابانى النيسان تيدا برضه موفيه معظم الطلبات و برضه النيسان ليفينا

و برضه عندك الهوندا سيتى يعيبها ان الموتور 1500 بس طبعا اداءه لا غبار عليه

و برضه عندك التوتويا ياريس 1500


و فى الاوروبى زى ما العضو قال الرينو فلونس و شوفت الاسكودا فابيا سيدان

يعنى دى اقتراحات شوف كده

بس العجيب فى الامر انك بتقول 122 الف و مش لاقى بدائل

سبحانك يا رب واحد معاه 20 الف دولار و مش لاقى عربيه عدله

و الله حراااام

لك الله يا شعب مصر و حسبى الله و نعم الوكيل فى وكلاء السيارات فى مصر

المشاركة الأصلية كتبت بواسطة hanyemad123

بس العجيب فى الامر انك بتقول 122 الف و مش لاقى بدائل

سبحانك يا رب واحد معاه 20 الف دولار و مش لاقى عربيه عدله

و الله حراااام

لك الله يا شعب مصر و حسبى الله و نعم الوكيل فى وكلاء السيارات فى مصر

دة نتيجة الفساد اللى كان و مازال فى البلد ....
تخيل حضرتك واحد معاة 100000 جنية و أعتقد أن دة مبلغ مش قليل ....
ومش عارف يجيب عربية فيها كل حاجة بيتمناها ومين كان يصدق أن العربيات الكورى أسعارها تبقى كدة ....

المشاركة الأصلية كتبت بواسطة ghosts

دة نتيجة الفساد اللى كان و مازال فى البلد ....
تخيل حضرتك واحد معاة 100000 جنية و أعتقد أن دة مبلغ مش قليل ....
ومش عارف يجيب عربية فيها كل حاجة بيتمناها ومين كان يصدق أن العربيات الكورى أسعارها تبقى كدة ....

والله حاجه تحزن 100 الف يعنى 16.8 الف دولار المبلغ ده فى اميريكا يجيبلك عربيه كويسه جدا بجميع الكماليات و وسائل الامان

بلاش اميريكا ليه نروح بعيد ده حتى ربنا غضبان عليهم و راميهم فى اخر الدنيا :b4_556:

خلينا فى اخوانا العرب و خلينا فى الشقيقه المملكه العربيه السعوديه مبلغ 100 الف حنيه مصرى يعادل

63.5 الف ريال

المبلغ ده يجيبلك توتويا كورولا او النترا 2000 سى سى هاى لاين و حاجات كتير كتير

حسبى الله و نعم الوكيل فيكم يا وكلاء السيارات فى مصر

المشاركة الأصلية كتبت بواسطة hanyemad123

حسبى الله و نعم الوكيل فيكم يا وكلاء السيارات فى مصر

العيب مش عليهم ....
العيب على الحكومات الفاسدة ....
اللى سابتهم سنيييين يستغلونا بالطريقة دى ....
والعيب علينا أحنا كمان لأننا بنشترى و مابنقولش لأ ....