الموضوع: رابطه مالكي الاكسنت الrb :تقرير عن السياره من كل مالكيها في المنتدي

المشاركة الأصلية كتبت بواسطة ghosts

يااااااااااااااااة أخيرآ حد عبرنى ....
ألف شكر ....
يعنى لو واحد بس قاعد ورا هتحك بردوا ؟
وياترى ممكن الموضوع دة يتحل لو ركبت جنوط مقاس 16 ولا مفيش فايدة فى العيب الأزلى دة ؟

وانا معاك يا شبح بسأل نفس السؤال ..لان من الواضح ان دي نقطة الخلاف الكبيرة في الهيونداي عموما وفي العربية اللي بقيت ميال ليها ..ولو طلع العيب دا فيها من الباب للطق

على اعتبار ان ان المطب اللي اخدته العربية كان من مطبات الاهرام اللي بتبقى عامله زي الخواذيق وما اكثر ..ام ان المطب كان انسيابي وعادي ..و لو كان المطب العادي الطبيعي الظريف بتعمل الحركة المشينة دي وهي محملة اوزان ايه بالظبط :)

بصراحة مااعرفش اركب عربية بتحك في الارض ..اصلي .. بضرس من سناني

بعد متابعة العربية دي

للاسف فيها اختلاف وفي نقاط جوهرية

الثبات على السرعات فوق 120 - الحكات في المطبات الهوائية و المطبات العادية

بس فيها اتفاق

انها عربية شيك ومريحة واوبشنز و ستايل

يارترى بقى نقاط الخلاف دي هيكون ليها دليل قاطع بالحقيقة ولا هنفضل في الحيرة دي كتير

اللى عربية اكتر حاجة اللى اتور فيها و فى ناس سمعت ان فى بعض العربيات فيها مشاكل و هى الثبات انا عاوز اقول حاجة العربية دى ثباتها زاد ده دلوقتى بتمشى بيها على 160 و 170 عادى انا والدى جربها 160 بس كان العيب صوت المحرك عالى زى كيا سيراتو بظبط

المشاركة الأصلية كتبت بواسطة ahmedrb

اللى عربية اكتر حاجة اللى اتور فيها و فى ناس سمعت ان فى بعض العربيات فيها مشاكل و هى الثبات انا عاوز اقول حاجة العربية دى ثباتها زاد ده دلوقتى بتمشى بيها على 160 و 170 عادى انا والدى جربها 160 بس كان العيب صوت المحرك عالى زى كيا سيراتو بظبط

يا استاذ احمد لو على 160 زي ما بتقول دا كويس ومش مهم الصوت العالي المهم ترسى كدا وتثبت :)

طيب بالنسبة للحكات اللي بتاخدها في المطبات الصناعية او المطبات الهوائية ؟؟

ياريت تسألنا الحاج على النقطة دي كمان

يجماعه العربيه الحمد الله كويسه جدا جدا جدااااااااااااا
اوتوماتيك 102 الف
جايبها بالتقسيط من بنك المشرق
دفعت 15 ٪ مقدم والباقى على 5 سنين بفايده 7.9

بعد التجربه 600 كيلو

1- مفيش حكه فى المطبات انا كنت مركب 5 معايا غيرى يعنى 6 ومفيش اى حكه ولا اى حاجه
2- العربيه التسارع بتاعها سريع جدا جدا عايزه تجرى
3- التكيف كويس جدا بس حاسس انه بيزيد مع السرعه وبيقى قليل لو العربيه واقفه معرفش ليه
4- الفرامل كويسه جدا



موضوع الثبات مش متاكد منه اوى بس انا كنت جايب 130 وقافل الازاز ومكنتش حاسس باى حاجه ولا حاسس انى اصلا ماشى على 130

المشكله اللى مضايقنى بقه بس مش عارف ده من ايه

1-التكيف كويس جدا بس حاسس انه بيزيد مع السرعه وبيقى قليل لو العربيه واقفه معرفش ليه يمكن علشان 600 كيلو لسه
2- الانذار مره واحده بقه من غير صوت ومش عارف ارجعه صوت تانى

بس العربيه نصيحه لكل اللى عايز يجبها اشترى وانشا الله خير

RB 2011

أول فئة من الاتوماتيك
اللون النبيتى

بقالها معايا 3 شهور
عامله 5000 كيلو لحد دلوقتى

مميزاتها اللى عاجبانى : الشكل بتاعها فى التصميم من الخارج و شكل الفوانيس والموتور بسم الله ماشاء الله والتكييف لذيذ والكاسيت بتاعها جميل جدا وعاجبنى فيها كمان انها نازلة بمفتاح كمبيوتر متشفر

اما بقى عيوبها اللى لحد دلوقتى شوفتها : العفشة مش اوى وفيها صوت خشونة عالى شوية ولما سألت فى التوكيل قالولى دا عشان العربية راكب فيها دونجول فى الخلف بيثبت العربية شوية على السرعات العالية بس بيعمل خشونة فى العفشة والحل ليها ان تفرغ الكاوتش من الهوا العادى وتنفخه نيتروجين ودا هيقلل الخشونة شوية بس وانا لسه مجربتش الموضوع دا بصراحة ، العيب التانى ان للأسف العربية ناقصها حاجات كتيرة هايفة بس المفروض تكون موجوده فيها زى انه يعمل فرق فى الاسعار والفئات بتاعتها على اضافات اه كويسة ومهمة بس بيضيف معاها حاجات هايفة اوى المفروض انها من اساسيات العربية ومش تتغير فى أى فئة زى مثلا ان العربية بتقفل لوك اول لما تدوس فرامل بعد انا تنقل على غيار D او N او R وطبعا عشان تفتح تانى الباب لازم تفتح اللوك اللى موجود فوق الاوكرة بتاعتك فتح الباب والمفروض ان يبقى فيه زرار للوك جنب زراير الزجاج الكهربا ، كمان الكونسوله اللى فى الجنب المفروض تبقى احسن بكتير من كدا فى الاضافات وحاجات تانية هايفة بردو
المهم بقى المشكلة التانية بعد العفشة اللى مديقانى فى العربية دى هيا الكهربا بتاعتها : انا ركبت فيها زينون وللأسف لما باجى اشغلو الكاسيت بيعمل ريستارت للفلاشة usb وتشتغل تانى من الاول لوحدها ولما سألت كهربائى على المشكلة دى قالى ان كهربة الكاسيت والمفتاح بتاع الكونتاك على خط واحد ووصلة واحدة مع الفوانيس بتاعت العربية الامامية والزينون اول لما بيشتغل بيسحب كهربا عالية ود اللى بيخلى الكاسيت يعمل ريستارت وكان فيه حل عملتو وهو انى ركبت على الزينون كاتاويت كهربا عشان تنظم الكهربا وتقويها وبالفعل اتحلت المشكلة بس مؤقتاً بس ورجعت تانى ترستر الكاسيت على الرغم من وجود الكاتاويت وللأسف مش عارف اعمل ايه ؟؟؟؟؟؟؟؟

انا انهارده فرغتها من الهوا ومليتها نتروجين بصراحه حاسيت انها انعم وصوت الاسفلت مبقتش بسمعه اوى وكمان المطبات وكده بقت نعمه اوى
عمتا املها نيتروجين احسن بكتيررررررررررررررر