رابطه مالكي الاكسنت الrb :تقرير عن السياره من كل مالكيها في المنتدي

**Ra2ouf** · 13-05-2011 03:54 PM

الظاهر يا جماعة أن فى فرق ما بين الهيونداى المصرى و الخليجى لأن الأخ صاحب العربية المقيم فى مصر بيواجة مشاكل مش بيعانى منها خااااالص الأخ المقيم فى السعودية ...... أعذرونى يا أخوانا بس الواحد من كتر ما شاف فساد فى البلد دى ممكن يتوقع أى حاجة

**wello2002** · 13-05-2011 04:06 PM

المشاركة الأصلية كتبت بواسطة ra2ouf

الظاهر يا جماعة أن فى فرق ما بين الهيونداى المصرى و الخليجى لأن الأخ صاحب العربية المقيم فى مصر بيواجة مشاكل مش بيعانى منها خااااالص الأخ المقيم فى السعودية ...... أعذرونى يا أخوانا بس الواحد من كتر ما شاف فساد فى البلد دى

ممكن يتوقع أى حاجة

صح كلامك.....كل سوق بتتفصل العربية علي مواصفاته
يعني هنا مثلا التكييف بتاع الهيونداي بيبقي سبب كبير من اسباب نشاط مبيعاتها في السعودية هنا
ودا بيختلف عن التكييف اللي بينزل مصر كليا
كمان السيارة هنا ببتعرض لعوامل جوية شاقة جدا جدا
انما في مصر المشاكل مختلفة اكترها في نظام التعليق والعفشة ....الخ
عشان كدة تلاقي يقولك سيارة مواصفات خليجي
بس والله يا جماعة مش دا اللي يزعل
اللي يزعل بجد انك تلاقي هنا اقتناء السيارة زي اقتناء حذاء عندنا في مصر
بمقدم 5000 ريال وقسط 700 ريال تقدر تاخد سوناتا من التوكيل بالتأمين الشامل عليها
انما في مصر.....سلخ
الهيونداي هنا بـ 37.5 في مصر اكيد معدية ضعف المبلغ دا
الكروز بـ 55 الف
الكامري بـ 65 الف
واذا قلنا نشتري من هنا وننزل بيها مصر نلاقي الجمارك بتدبحك
لكي الله يا مصر

**Ra2ouf** · 13-05-2011 05:04 PM

تعرفوا يا جماعة..... أنا كنت خلاص ناوى أشترى ال Gen 2 لكن أول ما شفت ال RB بصراحة بهرتنى
و بقالى مدة متابع أخبارها و تخيلت أن الجيل التالت للهيونداى هيكون مختلف ومش هنلاقى فية المشاكل اللى كل المصريين بيعانوا منها على مر السنين لكن للأسف الشىء الوحيد اللى بيتغير هو الشكل وبس ...... يعنى العربية مفيهاش وسائل أمان خااااااااااالص ولا حتى airbag واحدة ولا فرامل abs & ebd و فيها نفس عيوب الفرنا يبقى أية اللى هيخلينى أجيب الهيونداى المصرى تانى ؟
عشان شكلها حلو ؟ مينفعش يكون هو دة السبب الوحيد لشراء عربية ب 94000 جنية
الظاهر أن الجواب النهائى هيكون بروتون جايلك يا جين تو

**error_1088** · 14-05-2011 12:57 AM

يا ريت دكتور امير تقولنا عملت صيانة الالف فين وايه اللى حصل وايه المشاكل اللى قولتلهم عليها وايه كان رد فعلهم يعنى اهتمو ولا انكروا كالعادة !! واكيد الانظار كان بايظ بردوا صح؟؟
وايه الحاجات اللى غيروها او عملو ليها صيانة واتكلفت كام وكده
شكرا ليك مسبقا

**dramir1** · 14-05-2011 02:20 AM

-استلمو العربيه في توكيل ابو رواش بالحجز برقم التليفون 16101 الساعه 1 ظهرا...موعد التسليم كان 4:30 ولكن الساعه 3:30 عملو لي نداء بالميكروفون الداخلي اني اتوجه للاستقبال لاستلام العربيه.
-العيوب اللي قولتلهم عليها :

-العربيه بتخبط في مطبات الهواء مع تحميل فردين.
-السخونه في الكونسله ورا الفتيس.
-الفرامل ضعيفه.
- العربيه احيانا بيحصل فيها رجه بسيطه على السرعات البطيئه فقط.
........
النتائج:

-تم تغيير زيت شل الترا 10 الاف كم وفلتر زيت ودفعت 260 جنيه." وادوني فلتر هواء هديه بكرتونته "عرض خلال شهر مايو.

-السخونه بتاعة الكونسله لم تظهر حتي بعد قياده مسافه 50 كم من التوكيل لحد البيت "معرفش كان ايه العيب ".

-تم تربيط العفشه وتم تربيط مسمار الميزان الخلفي " لسا لما ابقى اركب فردين معايا هجرب واقولكم الاخبار ايه" ..ولكن الدبدبه في المطبات قلت كتير.

-تم عمل رجلاش للفرامل والحمد لله اتحسنت عن الاول كتير.

- موضوع الرجه :كشفو على العربيه بجهاز جي سكان وقالولي العربيه تمام والعيب من البنزينه"كنت بحط 92 من تام اويل ....:مكدبتش خبر حطيت بنزين 92 بردو بس من محطه الوطنيه بتاعة الجيش وفعلا لحد دلوقتي الرجه ماحصلتش تاني.

...الحمد لله الناس قابلوني باحترام شديد وخاصة لما عرفو اني عضو في منتدى نايل موتورز ...وطلع مهندس جرب معايا العربيه
وقالي لو في اي حاجه شرفنا واحنا نعملهالك وانت معاك ضمان.

انا قولت لازم قبل ماانام اقولكم على اللي حصل معايا ...واي ملاحظه على العربيه ان شاء الله ربنا يقدرني وانقلهالكم ...

**dramir1** · 14-05-2011 02:31 AM

ملاحظات علي التوكيل فرع ابو رواش:

-التوكيل اول فتحه يمين بعد بنزينه الامارات قبل داندي مول الصحراوي قبل البوابات.

-الافضل لو هتحجز يوم الجمعه يبقى المعاد بعد صلاة الجمعه او بدري " 10 صباحا او 1 ظهرا "عشان المسجد بعيد حوالي15 دقائق مشي من التوكيل وطبعا الجو كان شمس جدا ......"المره الجايه هاحجز الساعه1 وابقى اصلي الجمعه في الطريق قبل ما اوصل التوكيل.

-الانترنت مش شغال في الاستراحه" اخدت معايا المودم بتاع اتصالات".

-الكافتريا مستواها معقول" الميه الصغيره ب 3 جنيه والنسكافيه ب 4 جنيه وكان في ساندوتشات بس انا ماجربتهاش".
-في شاشه عرض كبيره في االكافيتيريا.

**dramir1** · 14-05-2011 02:35 AM

المشاركة الأصلية كتبت بواسطة Ra2ouf

تعرفوا يا جماعة..... أنا كنت خلاص ناوى أشترى ال Gen 2 لكن أول ما شفت ال RB بصراحة بهرتنى

و بقالى مدة متابع أخبارها و تخيلت أن الجيل التالت للهيونداى هيكون مختلف ومش هنلاقى فية المشاكل اللى كل المصريين بيعانوا منها على مر السنين لكن للأسف الشىء الوحيد اللى بيتغير هو الشكل وبس ...... يعنى العربية مفيهاش وسائل أمان خااااااااااالص ولا حتى airbag واحدة ولا فرامل abs & ebd و فيها نفس عيوب الفرنا يبقى أية اللى هيخلينى أجيب الهيونداى المصرى تانى ؟
عشان شكلها حلو ؟ مينفعش يكون هو دة السبب الوحيد لشراء عربية ب 94000 جنية

الظاهر أن الجواب النهائى هيكون بروتون

جايلك يا جين تو

الفئه اللي فيها abs وجنوط سعرها حوالي 113 الف .

**dramir1** · 14-05-2011 02:39 AM

المشاركة الأصلية كتبت بواسطة error_1088

يا ريت دكتور امير تقولنا عملت صيانة الالف فين وايه اللى حصل وايه المشاكل اللى قولتلهم عليها وايه كان رد فعلهم يعنى اهتمو ولا انكروا كالعادة !! واكيد الانظار كان بايظ بردوا صح؟؟
وايه الحاجات اللى غيروها او عملو ليها صيانة واتكلفت كام وكده
شكرا ليك مسبقا

تم الرد في المشاركه السابقه وبالنسبه للانذار الحمد لله تمام مفيهوش مشاكل..