رابطه مالكي الاكسنت الrb :تقرير عن السياره من كل مالكيها في المنتدي

**error_1088** · 21-06-2011 09:33 PM

يا جماعة ايه رايكم فى استهلاك العربية للبنزين ؟؟
والصفيحة فى المتوسط بتعمل كام كيلو فى المدينة و على الطريق السريع ؟؟

**Ghosts** · 22-06-2011 05:32 AM

المشاركة الأصلية كتبت بواسطة mahmoudsaleh

انا معايا هيونداى rb بقالها معايا شهرين وعاملة حوالى 3000 كم و من ساعة ما اشترتها كلها مشاكل
اول مشكله و هي فى اول اسبوع شميت ريحة بنزين و رحت التوكيل قالوا دة خرطوم عايز يتغر ومش موجود و ركبوا بدالة خرطوم ماتركس بعد ما عملوا فية تعديل , و تانى مره رحت علشان الريموت مش شغال وكودوة تانى , و بعد كدة رحت على صوت سمعته تحت العربية و بدا يعلى و حت علشان الصوت دة 6 مرات مرة قالوا دة تشحيم ومرة مواسير التكيف بتخبط فى الصاج و مرة طقم دبرياج ولسة الصوت موجود .
استفسار حد حصل معاة المشاكل دى و هل دة عادى فى العربية دى .
ياريت الرد و المشاركة

واضح أن العربية واخدة عين تمام

**Ghosts** · 22-06-2011 07:58 PM

المشاركة الأصلية كتبت بواسطة Ra2ouf

تعرفوا يا جماعة..... أنا كنت خلاص ناوى أشترى ال Gen 2 لكن أول ما شفت ال RB بصراحة بهرتنى

و بقالى مدة متابع أخبارها و تخيلت أن الجيل التالت للهيونداى هيكون مختلف ومش هنلاقى فية المشاكل اللى كل المصريين بيعانوا منها على مر السنين لكن للأسف الشىء الوحيد اللى بيتغير هو الشكل وبس ...... يعنى العربية مفيهاش وسائل أمان خااااااااااالص ولا حتى airbag واحدة ولا فرامل abs & ebd و فيها نفس عيوب الفرنا يبقى أية اللى هيخلينى أجيب الهيونداى المصرى تانى ؟
عشان شكلها حلو ؟ مينفعش يكون هو دة السبب الوحيد لشراء عربية ب 94000 جنية

الظاهر أن الجواب النهائى هيكون بروتون

جايلك يا جين تو

بصراحة .... الراجل دة بيتكلم صح

**error_1088** · 22-06-2011 09:12 PM

يا جماعة ايه رايكم فى استهلاك العربية للبنزين ؟؟
والصفيحة فى المتوسط بتعمل كام كيلو فى المدينة و على الطريق السريع ؟؟

**عصام غنايم** · 24-06-2011 07:36 AM

ربنا يبارك لكل مشترين العربيه ويحميهالهم من العين

**Ghosts** · 29-06-2011 08:16 AM

المشاركة الأصلية كتبت بواسطة mahmoudsaleh

حصل مع اتنين تانين و قابلتهم فى حماية المستهلك و ناوين نجمع كل اللى عندهم مشاكل علشان نوصل لحل مع التوكيل

يعنى هو توكيل هيونداى فقير ولا مابيكسبش عشان يغير العربيات اللى فيها مشاكل بعربيات سليمة ؟

أية قلة الضمير و السرقة العلنى دى ؟
بس العيب مش علي غبور ....
العيب علينا أحنا اللى خلينا العربيات الهيونداى نمرة واحد فى المبيعات فى مصر بالرغم من كل العيوب اللى فيها ....
ربنا معاكم و يوفقكم فى أسترجاع حقوقكم ....

**mahmoudsaleh** · 30-06-2011 03:00 PM

اللى انا عرفتة ان التوكيل بيشترى العربية من غير ضمان من الدولة الام علشان تقف علية بسعر رخيص و هو بيدى الضمان من عندة و دة اللى مخلي الدولة الام مش عندها فكرة بمشاكل العربية فى مصر

**Nanona2011** · 29-07-2011 01:16 AM

المشاركة الأصلية كتبت بواسطة Ghosts

بصراحة .... الراجل دة بيتكلم صح

ايه ده مش انا لوحدي الي بقارن بين جين تو واكسينت

ده كل الناس بتقارن
بس يا جماعة قطع غيار الجين تو ايه حلها؟؟

**Ghosts** · 29-07-2011 08:24 AM

المشاركة الأصلية كتبت بواسطة Nanona2011

ايه ده مش انا لوحدي الي بقارن بين جين تو واكسينت

ده كل الناس بتقارن
بس يا جماعة قطع غيار الجين تو ايه حلها؟؟

أى حد بيفكر أنة يشترى عربية ....
لازم يحتار ويقارن مابين العربيات اللى فى نفس السعر ....
وأنا لما قارنت لقيت أن الشكل وسعر أعادة البيع طبعآ فى صالح ال RB ....
لكن الجين 2 بتتفوق فى باقى النقاط من وسائل أمان وصاج قوى وفرامل Abs & Ebd و 2 وسادة هوائية ....
كل دة ب 87000 ألف جنية والحاجات اللى ذكرتها دى موجودة فى ال RB بس تقريبآ اللى سعرها 113000 ....
شوفى أنتى أية اللى يفرق معاكى أكتر و القرار النهائى راجع ليكى مش لأى حد تانى ....
فى ناس مبيفرقش معاهم غير سعر أعادة البيع و وسائل الأمان دى ملهاش لازمة ....
وبردو أسئلى الأخوة فى قسم بروتون عن كل حاجة أنتى عايزها ....
عشان تطمنى أكتر وربنا يوفقك ....