الموضوع: رابطه مالكي الاكسنت الrb :تقرير عن السياره من كل مالكيها في المنتدي

طب يا جماعه الفئتين التانين انا عرفت ان فيه ب 101 الف و 107 ايه مواصفات كل واحدة فيهم بالتفصيل لو سمحتم

المشاركة الأصلية كتبت بواسطة error_1088

يا جماعة لو سمحتو اللى استلمو العربية ....
انا بس كنت عاوز اعرف ايه الحاجات اللى ابص عليها فى العربية من بره و من جوه وايه الحجات اللى اتاكد انها شغالة بطريقة سليمة
انا هستلم من توكيل هيونداى فى المنصورة ان شاء الله
شكرا مسبقا

بص يا سيدي
انا هنا في السعودية
استلمتها وفيها:-
الشداد اللي بتتشد بيه العربية لو عطلت لاقدر الله او غرزت
طفاية الحريق
شنطة اسعاف
مثلث ضوئي
استبن
كوريك رفع
مفتاح فك العجل
دواسات للسيارة من الداخل
2 نسخة مفتاح للسيارة بالميدالية الاصلية لهيونداي
كتالوج السيارة
كتيب الضمان
رخصة السيارة

المشاركة الأصلية كتبت بواسطة wello2002

يا اخواننا ردوا عليه
وانت يا سيدي لازم يعني تكتب زمالك؟
طب اكتب اهلي كدة وانت تشوف الردود نزلت زي المطر
علي فكرة انا بهزر معاك.....
لو ينفعك اقولك بتنزل هنا في السعودية كام فئة ومواصفاتهم تحت امرك
عموما انا سيارتي مانيوال...1400 سي سي....زجاج كهربا....سنتر لوك...مرايات كهربا بإشارات عليها...فوجات
الانوار عدسات وبتعلي وتوطي بزرار من الداخل...ام بي ثري...بلوتوث...يو اس بي...مخرج aux...استهلاكها في البنزين تقريبا من 6 الي 7 لتر لكل 100 كيلو...بس علي السرعات العالية جدا بتستهلك تقريبا 15 لتر في الـ 100 كيلو....كمبيوتر رحلات بيحسب المسافة المقطوعة والاستهلاك اللحظي للبنزين كام وفاضل كام كيلو والبنزين يخلص....
الكراسي بتعلي وتوطي للسائق فقط...مخدع للسائق...انوار خلفية علوية ..... وشاريها بأ38 الف ريال بس سعرها حاليا 37.5

الفئة التانية هي الاوتوماتيك بطارة مالتي
بس الكاملة لسه مانزلتش لحد دلوقتي علي حد علمي

و فيها abs ولا لأ??
جزاك الله خير

المشاركة الأصلية كتبت بواسطة rafeee2

و فيها abs ولا لأ??
جزاك الله خير

لا مافيهاش اي بي اس

بعد ما اقفل العربية بالريموت صوت الانذار بيفضل شغال على طول و مبيقفش وجربت كل حاجة و مفيش فايدة مبيقفش الا لما افتح العربية
مش عارف اعمل ايه
اى حد عندو اى فكرة لو سمحتو يقول
شكرا

يا جماعه ايه راى ملاك الاكسنت ار بى فى العربيه نشتريها ولا اشترى النترا؟؟؟

1-فئه العربيه : مانيوال معايه بقلها اسبوع
2- عجبني فيها الموتور والكسيت و وصلت ال aux , USB والكرسي الامامي حلو وواسعه
3- مضابقه في ايه : الفرامل فيها بوش مش عارف ده عندي بس ولا في كله مستني لما اروح الصيانه ومش عاجبني صوت الانزار
4- كان نفسي يبقي فيها ABS و ايرباج
5- عامل 270 كم
6- مستني اخلص ال 1000 كم واروح الصيانه
كنت عاوز اسل بالنسبه للعربيه ديهمحتاجه تتلين ولا هيه بتنزل متلينه واتوكل علي الله ؟