أشتري كروز توب لاين و لا لأ

**hesham_one** · 23-04-2011 05:42 PM

السلام عليكم

الي كل اهل الخبرة في المنتدي
عاوز اجيب كروز توب لاين و لما ابتديت اقرا عنها هنا في المنتدي لقيت مواضيع انها بتبطل وهي ماشيه

وكمان قريت مواضيع تانيه عن سحب العربيه من السوق الكلام ده حقيقي و لا لا و يا ريت اللي مجرب العربيه يقولنا رايه لاني محتاج العربيه جدا الايام دي

انا سالت و احد زميلي معاه المانيوال من سنه تقريبا و شكرلي فيها و مشتكاش من حاجه يا ريت يا اصحاب العربيه تردوا عليا

و شكرا

هشام

**Eslam.Elrefaey** · 23-04-2011 06:24 PM

انا رأيى تستنا الالنترا الجديدة لسببين ممككن تعجبك اكتر والتانى انا اتوقع اول لما تنزل كلو هيروحلها ويسيب الكروز والسيراتو وده ممكن ينزل من سعر الكروز المبالغ فيه الى حد ما

**hesham_one** · 23-04-2011 08:26 PM

شكرا جزيلا يا استاذ اسلام

بس بعد اذنك اللي عاوز اعرفه هل العيوب دي موجوده فعلا في كل الكروز

وثانيا امتي النترا الجديدة هاتنزل

و شكرا جزيلا لاهتمام حضرتك و تجاوبك مع الموضوع

**mhmdalsaadany** · 23-04-2011 08:28 PM

بص يا باشا اولا انا هكلم حضرتك مش بصفتي احد ملاك العربيه لأ بصفتي اخ وزميل ليك هنا في المنتدى
اولا موضوع انها بتبطل دا كان في الدفعه الاولى من العربيات المانيوال فقط لا غير وعمرها ما حصلت في اي عربيه اتوماتيك
ثانيا فعلا الكروز مختلفه شكلا وموضوعا عن ولاد عمها الكوريين مثل الالنترا والسيراتو اولا في الشد والسرعه يتفوقوا عليها بمراحل إلا لو انت مفتح الموتور هيتفوقوا فقط من غير مراحل كتيره ههههههههه يعني كدا كدا يكسبوا في الشد والسرعه وهتزحف وراهم
ولكن من ناحيه الثبات تفوق خرافي للكروز ومن ناحيه الامان برضه الكروز تكسب بكتير اوي لانها مش بس واخده خمس نجوم لأ دي واخده الدرجات النهائيه تقريبا في كل اختبار وطبعا الناس هتقول انها في مصر من غير 10 ايرباج والكلام دا بس هو هو نفس الشاسيه ونفس الصاج ونفس نقاط التحطيم وعلى فكره الكروز الهيكل بتاع الكابينه كله فولاذ داير ما يدور بجد منتهى الامان انا جبتها بصراحه عشان السبب دا مش اكتر وكمان العربيه نفس ركوبه الالماني باضبط
وربنا معاك في الاختيار السليم ومتنساش الاستخاره

**hesham_one** · 23-04-2011 09:43 PM

شكرا جزيلا يا أستاذ محمد

جزاك الله خيرا بالنسبه لموضوع الشد و الجري متفرقش معايا لاني بمشي علي مهلي و مبجريش

اما بالنسبه للامان و موضوع التبطيل ده فحضرتك كده طمنتني و ربنا يوفقني ان شاء الله في الاختيار

متشكر لحضرتك جدا علي استجابتك

**mhmdalsaadany** · 23-04-2011 09:49 PM

يا هشام باشا لا شكر على واجب واحنا هنا كلنا اخوات وربنا يديم المعروف وتحت امرك في اي استفسار ان شاء الله

**hesham_one** · 23-04-2011 09:51 PM

المشاركة الأصلية كتبت بواسطة hesham_one

السلام عليكم

الي كل اهل الخبرة في المنتدي
عاوز اجيب كروز توب لاين و لما ابتديت اقرا عنها هنا في المنتدي لقيت مواضيع انها بتبطل وهي ماشيه

وكمان قريت مواضيع تانيه عن سحب العربيه من السوق الكلام ده حقيقي و لا لا و يا ريت اللي مجرب العربيه يقولنا رايه لاني محتاج العربيه جدا الايام دي

انا سالت و احد زميلي معاه المانيوال من سنه تقريبا و شكرلي فيها و مشتكاش من حاجه يا ريت يا اصحاب العربيه تردوا عليا

و شكرا

هشام

و عندي استفسار كمان يا جماعه لو سمحتو
هي الكروز عربيه واطيه يعني بتحك في المطبات
انا عارف ان ادني ارتفاع عن الارض 15 سم هل ده كفايه

معلش انا معنديش اي خبرة في العربيات و شكرا

**hesham_one** · 23-04-2011 09:53 PM

طب معلش يا استاذ محمد

عندي استفسار كمان هي الكروز عربيه واطيه يعني بتحك في المطبات
انا عارف ان ادني ارتفاع عن الارض 15 سم هل ده كفايه

معلش انا معنديش اي خبرة في العربيات و شكرا

**snoop7oss** · 23-04-2011 09:53 PM

والله يا استاذ هشام انا وحضرتك عندنا نفس الحالة انا بردو باذن الله عايز اجيب كروز بس مانيوال وميفرقش معايا الجرى والشد زيك بالضبط.. فاسمحلى انى اشارك فى البوست هنا واناقش مع الرجالة فى اى معلومات عن الكروز.. وعايز اشكر استاذ محمد لأنه هو الوحيد اللى رد عليا وطمننى بردو على الكروز انها مش بتبطل ولا حاجة.. وربنا يوفقك للى فيه الخير ويديك احسن شيء ان شاء الله

**hesham_one** · 23-04-2011 10:14 PM

يا باشا اتفضل البيت بيتك و ربنا يكرمنا جميعا ان شاء الله

الموضوع: أشتري كروز توب لاين و لا لأ

LinkBack

أدوات الموضوع

عرض

-

-

المواضيع المتشابهه

محتار أشتري إيه لانسر و لا كروز؟؟؟

مقارنة بين لانسر شارك 2012 هاى لاين و شيفروليه كروز 2012 هاى لاين

كروز توب لاين ٢٠١٠ lt للبيع

لانسر شارك هاى لاين 2012 ولا كروز توب لاين 2012

مقارنة بين لانسر شارك هاى لاين و كروز توب لاين و كورولا هاى لاين

الكلمات الدلالية لهذا الموضوع

المفضلات

المفضلات

ضوابط المشاركة