مقارنه في الثبات بين الالماني والياباني ___شارك معانا

**Ahmed Selim** · 01-05-2011 08:57 AM

JapRulez
أنا شايفك واخد العربيات الرياضية كلها على أساس مقارناتك......بينما الموضوع صاحب الموضوع بيسأل على العربيات اللى ماشية عادى فى الشارع.

أنا هقولك رأيي بناء على تجربتى.....مش على كلام سمعته من حد
اليابانى سقت حاجات كتير فيه ما عدا الهوندا و يمكن المازدا كمان

أحسنهم على الإطلاق هى الأمبريزا......بس هتيجى هتقارن ثباتها ب بى أم دبليو ( E30 - E36 - E46 ) أو أوبل ( فيكترا B تحديداً ) أو سكودا ( أوكتافيا القديمة ).....يبقى أى عربية من اللى ذكرتهم دول تكسب .

ثبات الإمبريزا أحسن اليابانى اللى جربته و يقارب جداً جداً ثبات الميجان مثلاً......لكن الألمانى.....صعب شوية.

ملحوظة: كل العربيات اللى كتبتها دى جربتها بنفسى مش سمع.

و الأخ اللى كان بيقول على اللكزس و الأنفينتى.....أنا مجربتش لكزس و لكن جربت إنفينتى EX35.....ثباتها ممتاز بس مقارنة بمرسيدس GLK ....الأنفينتى تكسب بفرق بسيط جداً مع العلم أن المرسيدس أعلى و أكبر من الأنفينتى شوية....يعنى أعتقد المفروض تتقارن مع FX35.
بس فى السحب و الشد.....الأنفينتى تكسب.

**MOK3336** · 01-05-2011 08:00 PM

أنا شايف أن أثبت عربيه هي
العربية ايلي تمشي بيها بسرعة مناسبة للطريق و مناسبة لإمكانيات العربية و تحس انك بتتحكم فيها علي السرعة دى
يعنى مثال حصل معايا شخصياً
انا معايا نيسان صنى 2010 مانوال من غير abs
و كنت علي الطريق السريع حوالي الساعة 4 الفجر و الطريق فاضي و مشيت بيها 160- 180 و كنت متحكم فيها بس لما الطريق يكون مساعد معايا و كان في حتت من الطريق بيبقي فيها تصليحات كنت بمشي 90- 100 عشان الطريق اخر كده

**Ahmed Selim** · 01-05-2011 08:33 PM

المشاركة الأصلية كتبت بواسطة JapRuleZ

ال subaru فى مصر مظلومة لانها 1600 و صاحب ال topic يتحدث عن السيارات هنا
انا بقى بتكلم عن الفئة بغض النظر عن السوق المحلية

و رأيى ان ال subaru impreza wrx sti افضل من ال bmw m3 فى الاداء و القوة و الثبات و السعر
و طبعا الامر متروك للبحث و اراء الخبراء و ال reviews

ما هو يا باشا مينفعش يكون الراجل بيتكلم على العربيات المتوفرة فى السوق المصرى و نجيبله عربيات مش بتتباع فى مصر.

و عموماً.....ال wrx sti تتفوق فى الأداء ده محل شك شوية
و الثبات محل شك برضه
السعر معرفهوش و إن كنت أتوقع أن السوبارو أرخص بطبيعة الحال.

أنا بقول محل شك فى الأداء علشان نتيجة الكام فيديو دول

أول واحد E46 M3 بتزعل WRX جامد فى دراج

YouTube - BMW M3 Turbo vs Subaru WRX

تانى واحد ال WRX بتزعل E36 M3 فى النقلات الأولى و بعد ما السرعة بتعلى.....ال M3 بتطلع منها

YouTube - WRX STI vs BMW M3

تالت واحد برضه ال WRX بتطلع من E36 M3 فى الأول و بعد كده ال M بتطلع

YouTube - Stock BMW M3 3.2 vs tuned Subaru Impreza 320HP/450Nm part 4

بالنسبة للثبات
هقولك على حاجة..أنا كان معايا زمان E30 320 قعدت معايا 4 سنين.....و من سنتين 3 كده كان واحد صاحبى معاه أمبريزا 2005 أو 2006 على ما أذكر.....ثبات البى أم أعلى منها مع الوضع فى الإعتبار فرق الموديل.

و أخيراً الأختلاف فى الرأي لا يفسد للود قضية.

**SAMEH_FOUAD** · 01-05-2011 08:49 PM

المشاركة الأصلية كتبت بواسطة ahmed_riecky

hi all :)

أود فقط أن أقول أن</span> وزن السيارة لا يؤثر على الاتزان (إذا كان ذلك صحيحا فسوف تطير السيارات الرياضية عند 150 كلم / ساعة)، فقط التوزيع الجيد للوزن يؤدي إلى التأثير الذي ذكرتموه، و بالطبع الديناميكا الهوائية</span> هي ما تعمل على إبقاء السيارة على الطريق كلما زادت السرعة (بغض النظر عن الوزن)...

هناك طبعاً بعض العوامل الأخرى مثل: مسافة قاعدة العجلات، الفرق بين العجلات الأمامية والخلفية , مسافة الارتفاع عن الأرض، وما إلى ذلك..

وأيضا لا أحد يستطيع الحكم على السيارة على طريق مستقيم أو بمجرد احساسه حول ثبات السيارة.

متفق معاك فى كل الكلام اللى قولتة ماعدا نقطة واحدة

ان الوزن مش شرط على ثبات العربية طيب تعالى نشوفها نقطة نقطة

دلوقتى انا ماقصدش ان كل مالعربية وزنها زاد يبقى الثبات هيعلى ومش كل عربية وزنها يخف يبقى الثبات هيعلى

اذن يبقى عندنا حاجة كويسة جدا ان لازم يكون الوزن يعادل القوة الخارجة من المحرك , وكمان طول قاعدة السيارة وعرض السيارة بيزود الثبات بدرجة عالية جدا وكمان حاجة مهمة جدا الايرو ديناميك بتاع السيارة بردة مهم جدا للاستفادة من الهواء فى تثبيت السيارة اكتر

لكن ماينفعش تقول ان عشان السيارت الرياضية وزنها خفيف مقارنة بقوة المحرك الخارقة يبقى هتطير لا طبعا لان بيبقى المحرك متركب بطريقة تعطى لة توزيع مثالى على السيارة + انخفاض مستوى السيارة جدا مما يعطى قوة ثبات عالية , الايروديناميك عالى اوى وبيتكلف كتير اوى دة غير ان العفشة بتبقى معمولة بطرق معقدة جدا تخليها مكلبشة فى الارض ماتتحركش كل دة بيبقى فى الحسابات بتاعتهم عشان يطلعوا بالعربية سوبر كار وفى نفس الوقت ثابتة جدا جدا على سرعات بتوصل ل330 كم و350

يعنى مثلا عندنا معظم السيارات الكورية بتعتمد على شاسية خفيف جدا فى مقابل محرك قوى فطبعا بيخلى العربية اشبة بالمراجيح

والمثال التانى : السيارات الالمانية اللى بتنزل هنا مصر زى مثلا الجيتا والاكتافيا , الباسات , والبى ام كل دول مثلا بينزلوا بمحركات 1600 سى سى طبعا وزن العربية تقيل على محرك 1600 بقوة لاتتعدى ال 120 حصان فاكيد طبعا انت عارف ان الاداء بيبقى تعبان جدا واى عربية حديثة كورى او يابانى سعر العربية الالمانى لوحدها ممكن تجيب منها ثلاثة واربعة بتتبهدل منها يبقى الوزن مهم جدا كعامل اساسى فى ثبات العربية واتزانها , مش زى محضرتك فهمتنى انى انا اقصد ان كل مالوزن زاد زاد الثبات

شكرا جدا على المشاركة الجميلة

**horas3000** · 02-05-2011 08:35 AM

المشاركة الأصلية كتبت بواسطة S55paces

الموضوع اصلا راح بعيد
ده دخل فى الايفو والوايركس ومش بعيد حد يجيب فورد موستنج جى تى اللى هتعلم على الكل رايح جاى ويمين وشمال

هههههه عندك حق
بس من الناحيه دي اطمئن
الموستانج gt بره اللعبه دي خاااااااالص لانها مفيهاش حاحه اسمها ثبات
دي معموله عشان الطرق المستقيمه بس لكن ملفات و كيرفات متلاقيش

**Ahmed Selim** · 02-05-2011 07:59 PM

المشاركة الأصلية كتبت بواسطة JapRuleZ

فى بردو m3 قى فيدوهات تانية كانو مضايقيين من النتيجة بتاعت subaru بس الاتنيت عملو حوادث
موجودين فى اليو تيوب

التفوق اليبانى ..................

باقى القصة أنى جربت دى و دى و كان التفوق للبى أم فى الثبات.

و بعدين يا باشا أحنا بنقارن أيه بالظبط......يعنى أنا جبت لك شوية فيديوهات لدراجات بين الأتنين...و معظمهم التفوق فيهم بيكون للسوبارو على الأقل فى الأول.

و الفيديو الأول جبتلك ال M3 ال 420 حصان تربو.....تقولى و مش عاوزها تكسب السوبارو....طيب ما أنت اللى أتكلمت أن السوبارو تكسب ال M3 فى الأداء.

هنقعد بقى نقول لو كان فى تراك و لو و لو......أنا أعترض و بشدة

الثبات هيفرق فيه حاجات تانية غير أنها 4WD زى ما الأخوة وضحوا.....الوزن و توزيعه و تصميم العفشة.

أنا مش بقول أن السوبارو وحشة......بالعكس هى حلوة جداً....بس البى أم تتفوق فى رأيي.