الموضوع: مقارنه في الثبات بين الالماني والياباني ___شارك معانا

يا جماعه السوبارو بصراحه انا شفت ليها موقف بعينى كنا بنجرى انا واوحد صاحبى على الدائرى و انا كنت جايب 200 و حصلته كنت سايبه يجمع قدامى و فجاه خد غرزه من قدام عربيه نص نقل تلاجه و انا كنت طالع من جمبها فضرب فرامل فجاه و النقل خطبته فمع السرعه العربيه عومت و هو قام شادد هاند بريك و هو كان على 160 و بصراحه حصل اللى ماكنتش ابدا اتوقعه العربيه لفت فى الطريق اكتر من اربع لفات و الكاوتش دخن لدرجه انه غبر الدنيا بس العربيه كانها بتعض فى الاسفلت بجد ثبات فوق الخيال هو كل اللى حصل انها فضلت تلف لحد ما لبست فى حواجز نيو جيرسى ( الخرسانيه ) اللى على جانب الطريق و وقفت و الرفرف بس اللى اتخبطت و كمل بعدها عادى ف فعلا العربيه ثباتها ممتاز و ده عشان هى دفع رباعى و على ما اعتقد انها لو كانت امامى او خلفى بس كانت اتقلبت اكيد و بالنسبه لل Negative Camber فى العربيات البى ام دبليو بيبقى ناتج من تصميم نظام التعليق عشان المساعدين بتبقى متثبته فى الكارتيرات بزاويه ميل معينه والمقصات كمان + ان العزم بتاع الدفع كله مرمى على العجلتين اللى ورا فا العربيه بتهبط من ورا و العجلتين تفتح اكتر و ده بجانب وزن الموتور قدام التقيل و بالنسبه لعربيتى انا عندى دراع ميزان امامى و خلفى و كمان الماساعدين الاماميه مثبته فى الكارتيره بزاوية ميل معينه فالعربيه بتبقى محكومه اوى + مركز ثقل العربيه كمان ف ماشاء الله على الثبات فعلا

يا رجالة هي دي الماكينات الألمانية ( و حدش يفهمني غلط )

المشاركة الأصلية كتبت بواسطة japrulez

كل العربيات ليها اسامى مختلفة لل 4wd ما دام دوورت عليهم و على اساميهم
شوف مين افضل نظام ....طبعا اليبانى يا باشا

انا مش بدور على اساميهم يا باشا, لان اي حد اكيد عارف مسميات الدفع الرباعي لكل براند... عادي يعني

لكن مين قال ان افضل دفع رباعي هو الياباني..؟؟؟ و يعني ايه افضل (نظام)..؟؟؟؟

بس خاللي بالك اننا مش بنتكلم على نطاق الدفع الرباعي في suv.. احنا بنتكلم عن فئة السيدان زي السوبارو

تقبــل تحيــاتي...

الصراحة مقارنات مفيدة ومعلومات قيمة الواحد بيستفيد بيها
راي الشخصي ان العربيات الياباني الي موجودا عندنا مفيهاش تكنولوجيا عليا علشان هما بيقدمولنا عربيات علي اد فلوسنا فيارت لو حد جرب حاجة يباني محترمة زي اللكزس او الاكيورا او الانفنتي يقرنها بالالماني ويقولنا رايو بعد كدا يمكن نغير الفكرة الي وخدنها عن العربيات الاوربي بانها اثبت عربيات واحسن خامات.