هل فرق التسارع اللى فى الفديو ده واقعى؟

**Atrees** · 26-04-2011 12:58 AM

صباح الفل يا رجاله

عتريس يحدثكم من السخنه - بصو بقي

بخصوص تسارع السيراتو والكوب - وفي كتير منكم عارف اني مش بتاع شد وحركات- وعارفين كمان اني مش فتاي

بس اللي حصل انهارد علي طريق السخنه كالاتي

كوب بيضا متفيمه وجنوط سودا ومعاه لانوس سودا بيجرو علي الطريق وعدو من جنبي كنت ماشب 130 تقريبا - وحلفت لا اشوف اخر عربيتي كام لاني مجرتش اكتر من 180 بيها

وكانت المفاجأه

وصلت 180 كنت في ضهر الانوس قلبت نور راح موسع بجدعنه موت - زي ما يكون بيقوللي روح لصاحبك - هههههههه

عديته وكملت ورا الكوب - كان فاتح موت - اتغابيت وكبست الدواسه حبه كمان وركزت معاه وهوووووووب بقيت في ضهره - مرديتش اقلب نور

اهدي سنه وفي الملفات وارجع اكبس ابقي في ضهره - مش عايز يوسع

ريحت شويه لحد ما وسع ورحت جابيه تاني والمره دي عديته و فضل حارق وانا ببعد ويحرق وانا ابعد

ببص في العداد بتاعي ------------------- الاقيه كام ؟؟؟؟؟؟؟؟؟؟؟ 219 - قبل ال 220 بفسوه

تصدقو اول حاجه جتب في دماغي اصورها ونسيت بتاع الكوووووب خاااالص - هو تقريبا نفض للشد بعد اللي شافه

طلعت التليفون ورحت مصور - علي ما لحقت اصور كانت كاسره ال 200 كم - بس حرفعهلكم بكره لما ارجع

السحب في السيراتو والكوب واحد تقريبا والفرق في تفتيح المواتير
وانتو عارفين انا عملت ايه في اخر مره في التوكيل لل ecu وبصراحه اهي النتيجه

يارتني كنت لحقت ال 220 :( معلش بقي علي بال ما طلعت الموبايل وصورت ولخمه التصوير خلتني اريح السرعه شويه - بس ال 220 مش صعبه خالص زي ما في ناس قالت

**MMamdouh** · 26-04-2011 01:07 AM

الفرق اللى فى الفيديو فرق طلعة مش فرق فلتر ولا غيرة

هو موتور الكوب غير موتور السيدان؟... لو الاجابة لا يبقى الفرق بين العربيتين حيرجع لفرق الوزن و مقاومة الهواء (بافتراض ان الاتنين سايقهم ناس عارفة هى بتعمل ايه)

MMamdouh

**Mshawky** · 26-04-2011 02:34 AM

خلاص انا قررت ان شاء الله هروح اركب فلتر اسبور سيموتا فى التوكيل الاسبوع ده ان شاء الله

**Atrees** · 26-04-2011 01:59 PM

المشاركة الأصلية كتبت بواسطة love_life

شباب ازيكم
انا معاية كوبية 2010 خليجي وياريت لو اعرف سعر الفلتر كام

ولو سمحت يا اخ عتريس ايه هو موضوع اللعب في ecu لأني بدور ومش عارف وخايف ان اي حد يلعب فيه

انا شايف انك ركيب امريكاني كمان - يعني زميل قديم - كان معايا بويك ليسابر 6.9 سي سي موديل 86 كانت تحفة وركبت سوبربان 95 واخيرا بليزر

الامريكي امريكي برضو يا زميل :)

عموما بخصوص ال ecu كنت روحت التوكيل عملولي حاجة بسيطة جدا وفعالة جدا

انت معد ما مشيت بالعربية قد 10000 كم العربية خلاص اتعودت علي طريقة سواقتك سواء كانت رياضية او لا

طيب اللي يديلك فرصة تعلم العربية وتمرنها تاني من اول وجديد حتعمل اية في تفتيحها - طبعا حتفتحها بقلب المرة دي

عملت ريست لل ecu الموتور والفتيس وبدات اسوق سواقة رياضية لمدة اسبوع - فرقت موووووووووووووت بعد كدة

السحب والتسارع - والسرعة القصوي

انا اخري جبت قبل الموضوع دة 185 كم

امبارح والحمد لله 220 كم ولما نزلت ل 200 كم كان ال rpm علي 5000 - يعني لسة في كمان

ربنا يباركلنا في السيراتو الجميلة ويوعدنا بالكمارو ss حبيبت قلبي

**love_life** · 27-04-2011 03:04 AM

عتريس انا كدة هخاف منك انت عرفت منين اني ركيب امريكاني ؟؟؟؟؟؟؟؟؟
انا فعلا كان عندي بويك رود ماستر 5.7 لتر موديل 95 وكمان لومينا ls و ss ولنكلون تاون كار 2004
بس الكلام ده مش هنا في مصر المحروسة
كان برة
والله كانت ايام حلوة

طيب الفلتر ياعتريس اجيبة منين وبكام وهل في منه full intake بالماسورة كامل
ايام الشقاوة كنا بنركب هدرز و ام اس دس واسلاك وكويلات وكام شافت وبلاوي بس عقلنا خلاص