نقطة تلاقى عمود الكردان مع الكرونة - لغز محتاج حل

**blackmirror** · 25-04-2011 08:41 AM

السلام عليكم ورحمة الله وبركاته ،
عندى بيجو 505 موديل 1984 فيها المشكلة الآتيه:
بسمع طقة وانا بكبس بنزين أو لما أشيل رجلى من على البنزين فجأة وانا ماشى وبين الغيارات وانا ماشى بعد مادى الغيار
الطقة دى حاسس إنها جايه من نقطة تلاقى عمود الكردان والكرونة
لما بشحم العربية من تحت بتخف شوية الطقة دى بس بترجع تانى بسرعة
مش عايز أروح علطول للميكانيكى علشان ميعمليش فيلم هندى قولت أسأل فى المنتدى علشان يبقى عندى خلفية
ياريت لو حد عندو خلفية عن نقطة تلاقى عمود الكردان مع الكرونة وهل فيها كوتشة معينة ممكن تكون إتاكلت مثلا فمحتاجة تتغير ولا ممكن تبقى إيه المشكلة مع العلم إن العربية تعليق منفصل يعنى الكرونة والكردان ثابتين
وجزاكم الله كل خير

**saadelden** · 26-04-2011 01:05 PM

دي اسمها فلنشات او كرسي الوسط
لو مش مربوطه كويس او مبوشه بتعمل صوت الطقطقه دا

هي بتتربط كل فتره كصيانه عاديه زي ربط العفشه كدا

**blackmirror** · 26-04-2011 11:21 PM

برجاء التوضيح يا بشمهندس سعد ، أصل سألت حد زمان عن الموضوع ده فقالى إن عمود الكردان فيه شرشرة فى نهايته عند دخولو فى علبة الكرونة وقالى أن سبب البوش والخبطة دى أنه محتاج يتقص الجزء ده ويتلحم جزء جديد بشرشرة سليمة
بس بصراحة مش مقتنع بده ، وبيتهيألى موضوع كرسى الوسط ده مرتبط بالعربيات إللى تعليقها الخلفى متصل ،، مش عارف
برجاء التوضيح وياريت لو فى صور توضيحية وجزاك الله كل خير

**MMamdouh** · 26-04-2011 11:40 PM

ممكن يكون المشرر فعلا اتاكل و ممكن صليبة الكردان عايزة تتغير

MMamdouh

**aliyehia** · 06-05-2011 12:50 AM

كرسى النص حاجه مختلفه عن الصلايب
الاول عباره عن قاعده بتثبت فى جسم السياره من تحت و عامود الكردان بيمر عبرها و يكون حواليه بليه تحكم الكردان و تساعد على اتزانه
اما الصلايب فدى مهمتها ان تكون نقطه الاتصال بين الطرفين الرأسى و الافقى الى بيكونوا عامود الكردان
و الله اعلم

**MMamdouh** · 08-05-2011 12:03 PM

المشاركة الأصلية كتبت بواسطة aliyehia

كرسى النص حاجه مختلفه عن الصلايب
الاول عباره عن قاعده بتثبت فى جسم السياره من تحت و عامود الكردان بيمر عبرها و يكون حواليه بليه تحكم الكردان و تساعد على اتزانه
اما الصلايب فدى مهمتها ان تكون نقطه الاتصال بين الطرفين الرأسى و الافقى الى بيكونوا عامود الكردان
و الله اعلم

+1

MMamdouh

**saadelden** · 31-05-2011 04:55 PM

والله الكردان دا قرفني
جيت غيرت كرسي النص و صليبه بدل ما يتعدل لا باظ زياده

ف فكيته تاني و وديته للخراط و طلع النص الي ورا معووج و مهما عمل فيه ما بيتظبطش
لسه بقى بدور علي نص الكردان عشان اظبط العربيه

لو هتفك الكردان اول حاجه وديه لخراط يبص عليه لان لو فيه عوجه و لو بسيطه بتعمل رعشه طول ما انت ماشي