مشروع عمارة سكنيه

**magid1010** · 27-04-2011 03:48 PM

فكره ممتازه اهم حاجه الثقه بس ازاى حيتم تقسيم الشقق لان الناس معظمها مش بتحب الارضى و الاخير الا اذا كان الارضى بجنينه و الاخير بروف

**أبو_يوسف** · 27-04-2011 04:03 PM

المشاركة الأصلية كتبت بواسطة magid1010

فكره ممتازه اهم حاجه الثقه بس ازاى حيتم تقسيم الشقق لان الناس معظمها مش بتحب الارضى و الاخير الا اذا كان الارضى بجنينه و الاخير بروف

هايبقى فيه نسبة تخفيض كويسة بالنسبة للارضي والاخير ممكن تكون مناسبة لاحد المشتركين لو مفيش حد راضي يبقى بالقرعة مع وجود نفس نسبة التخفيض للارضي والاخير..

**mohamedbook** · 27-04-2011 08:23 PM

المشاركة الأصلية كتبت بواسطة ehab_mansour

انا معاكم طبعا والمكان اللي برشحه هو القاهرة الجديدة في اي مكان منها
وان شاء الله مبدئيا هشارك ب 60 الف ولما نبدا ممكن اكملهم ل 100 ان شاء الله

لازم نعرفوا ان الارض في القاهرة الجديدة غالية مش رخيصة احنا عملنا الحسبات المبدئية علي 1000ج للمتر في الهضبة
هل فية السعر ده في القاهرة الجديدة لو فية نتوكل علي الله لو مفيش الاسعار دي يبفي هنزود الفلوس عن المبلغ المتاح 100 الف
وانا امكانياتي 100 الف مش اكتر

**greenday** · 27-04-2011 08:43 PM

انا شايف ان التجمع ليه اولوية طبعا بس لو اسعار الأراضى كويسة فياريت حد يكون عارف الأسعار وانا اسمع عن منطقة اسمها حى الأندلس فى جمعيات كتيرة اشترت هناك وافتكر الأسعار رخيصة فياريت لو حد يعرف اقل سعر هناك كام

**bakkoor** · 28-04-2011 10:24 AM

معلش ياجماعه انا شايف اانا بنتكلم على النت وبس وبنقول نشوف وحد يشوف ونبقا نعمل !!!!!
كل ده بنقوله على النت ياجماعه عاوزين نتجمع وندرس ونشوف ماينفعش الكلام ده لازم نتقابل ونتفق وانا عن نفسى شايف اننا نتجمع فى مكان نقدر نقعد فيه كلنا
ايه رايكم نتجمع فى سيلنترو اللى فى عباس العقاد جنب ماكدونالدز واللى مش من القاهره يسيب رقم تليفونه وهانكلمه واحنا قاعدين وبما ان يوم الاحد اجازه نتقابل الاحد الساعه 6 مثلا .

ايه رايكم ؟؟؟؟؟

**bakkoor** · 28-04-2011 10:28 AM

المشاركة الأصلية كتبت بواسطة mohamedbook

لازم نعرفوا ان الارض في القاهرة الجديدة غالية مش رخيصة احنا عملنا الحسبات المبدئية علي 1000ج للمتر في الهضبة
هل فية السعر ده في القاهرة الجديدة لو فية نتوكل علي الله لو مفيش الاسعار دي يبفي هنزود الفلوس عن المبلغ المتاح 100 الف
وانا امكانياتي 100 الف مش اكتر

كلامك مظبوط علشان كده احنا قلنا ممكن فى الشروق ممكن فى العبور يعنى حسب الاتفاق وحسب قطعه الارض

**fny81** · 28-04-2011 10:59 AM

المشاركة الأصلية كتبت بواسطة timtim

هي فكرة تجميع العدد أولا وبعدين تحديد المكان ممكن تكون مناسبة للبعض ومعتقدش انها مناسبة للأغلبية لان الواحد لما بيفكر يسكن بيدور الاول على المكان المناسب له وبعدين يدور في المكان دا على اللي يناسب امكانياته..
وممكن يتم تصنيف الناس حسب الاماكن المقترحة..
وممكن ناس تدخل بأي نصيب على سبيل التربح من بيع الشقق وليس للسكن فيها..

بالنسبة لي أرغب في التجمع الخامس وأظن البناء شغال الايام دي في مناطق البنفسج والنرجس والياسمين .. ومتهيألي سعر المتر الأرض بيتراوح بين 2000 و3000 وممكن اكتر حسب الموقع والشوارع الرئيسة.. عموما سعر الارض هايكون تكلفة ثابتة وممكن معرفتها في اي لحظة..

بس انا كنت عايز من الاخوة الافاضل اللي ذكروا انهم لهم خبرة في اعمال البناء يفيدونا في تكلفة بناء عمارة تتكون من أرضي و 4 أدوار بمساحة 400م على شقتين وبالواجهات مثل الصورة والشقق نصف تشطيب تتراوح تكلفتها في حدود كام؟؟ أو لو ممكن بالتفصيل تكلفة الأساسات وبعدين تكلفة كل دور مثلا..

انا معاك فى كلامك بس لو كل واحد اختار الشقه فى المكان اللى يحب يسكن فيه يبقى مش هنجتمع على رأى ، ممكن يبقى بدافع الإستشمار بردوا ، الأماكن اللى انت بتقول عليها دى طبعا جامده جدا ، بس اعتقد صعب نجد حتى ارض بمساحه معقوله فى حدود الإمكانيات المتاحه و الله المستعان .

**fny81** · 28-04-2011 11:06 AM

المشاركة الأصلية كتبت بواسطة bakkoor

معلش ياجماعه انا شايف اانا بنتكلم على النت وبس وبنقول نشوف وحد يشوف ونبقا نعمل !!!!!
كل ده بنقوله على النت ياجماعه عاوزين نتجمع وندرس ونشوف ماينفعش الكلام ده لازم نتقابل ونتفق وانا عن نفسى شايف اننا نتجمع فى مكان نقدر نقعد فيه كلنا
ايه رايكم نتجمع فى سيلنترو اللى فى عباس العقاد جنب ماكدونالدز واللى مش من القاهره يسيب رقم تليفونه وهانكلمه واحنا قاعدين وبما ان يوم الاحد اجازه نتقابل الاحد الساعه 6 مثلا .

ايه رايكم ؟؟؟؟؟

انا معنديش اى مشكله اهو نتعرف على بعض و المكان مناسب ، بس يارب اكون فاضى عشان انا بشتغل فى السياحه و نظام ورديات و كده و نشوف راى الأخوه ؟؟

**kar!m** · 28-04-2011 11:28 AM

المشاركة الأصلية كتبت بواسطة fny81

انا معنديش اى مشكله اهو نتعرف على بعض و المكان مناسب ، بس يارب اكون فاضى عشان انا بشتغل فى السياحه و نظام ورديات و كده و نشوف راى الأخوه ؟؟

تمام .. أنا شايف ان ده بداية الجد .. طبعا الكلام على الواقع أفضل و ان الناس تشوف بعضها أفضل بكتير .. أنا هستخير وربنا يقدم اللى فيه الخير.

**fny81** · 28-04-2011 11:31 AM

المشاركة الأصلية كتبت بواسطة magid1010

فكره ممتازه اهم حاجه الثقه بس ازاى حيتم تقسيم الشقق لان الناس معظمها مش بتحب الارضى و الاخير الا اذا كان الارضى بجنينه و الاخير بروف

هو ده سؤال مهم طبعا لو كل واحد هيبقى نصيبه شقه هتكون فيه ، اعتقد هيبقى اختلاف فى الأسعار زى ما بنشوف يعنى الشقق العليا اقل من الوسطى و و الأول ، بردوا مش عارف اوى هتتقسم ازاى ، ممكن حد عنده فكره يقولنا

الموضوع: مشروع عمارة سكنيه

LinkBack

أدوات الموضوع

عرض

-

-

-

-

-

-

المواضيع المتشابهه

شقق سكنيه و مصيفيه للتمليك بارق مناطق مرسى مطروح الرائعه

تعليم السواقه في منطقه مدارس و سكنيه..... مشكله ساعدوني

عماره سكنيه خاليه

بيت فلاحي بشبرا بلوله المنوفيه يصلح لبناء عماره سكنيه

فية بدروم عمارة و عايز اعمل فية مشروع و محتاج افكار

الكلمات الدلالية لهذا الموضوع

المفضلات

المفضلات

ضوابط المشاركة