الموضوع: مشروع عمارة سكنيه

اهم حاجة باذن الله الأتفاق على منطقة معينة لان اكيد كل واحد فينا فى دماغه منطقة معينة لقربها من شغله او من مكان سكنه عشان كده لازم يبقى توافق فى الأراء ما بينا وبين بعض إن حصل اتفاق باذن الله نبدأ نكمل الخطوات

المشاركة الأصلية كتبت بواسطة fny81

مظبوط كلام حضرتك ، عشان كده كنت حابب كل واحد يقول المكان المناسب من وجهة نظره زى ما استاذ محمد ذكر هضبة الهرم
عشان نتفق على مكان محدد نبتدى ندور فيه ان شاء الله و يا ريت نتشرف بإسم حضرتك :e_braces[1]:

انا مثلا حابب اخد ممكن فى النزهه الجديده او مدينة الشروق بس معنديش مانع لو اتفقتوا على مكان تانى

اسمى هيثم وانا بالنسبالى يناسبنى الهضبة الوسطى او العليا بس مش عارف نظام الأراض هناك ايه واى كان المكان إن شاء الله نشوف الأغلبية هتختار ايه وانا معاكوا باذن الله

المشاركة الأصلية كتبت بواسطة fny81

السلام عليكم و رحمة الله و بركاته

انا شايف فى مشاركات من الناس كتيير و ده شىء كويس ، و انا عارف ان فى ناس كتير نفسها تعمل الموضوع ده بس مش لاقيه حد يشترك معاها

انا عاوز اتكلم فى نقطه مهمه جدا ، احنا كلنا منعرفش لسه بعض ، و اكيد مش بنثق لبعض ، و من الأخر اى واحد هيبقى قلقان ، و مواضيع النصب اللى بتحصل الإيام دى فى المواضيع دى كتير جدا:copy of majd(4):

انا زى اى واحد خايف على تعبى و فلوسى و يمكن اكون مغامر بكل ما املكه من مال ، انا على فكره خريج كلية تجاره و كنا بندرس حاجه اسمها نسبة المخاطره ، و مره الدكتور قال حاجه فضلة معلقه فى دماغى اوى ، ان رجال الأعمال و الناس اللى بتعمل فلوس هى الناس اللى بتخاطر بفلوسها و بتحاول ، و ده اللى خلانى اعرض الموضوع ده ، مش معنى كلامى انا بخوفكم ولا حاجه ، بالعكس انا عاوز نكلم مع بعض بصراحه و المخاوف اللى جواه ، يعنى مثلا انا جيه فى دماغى امبارح ، قولت يمكن واحد عنده قطعة ارض عليها مشاكل و عاوز نلبس فيها و تكون بتاعة حد من قرايبه و لا تبعه ، كل شىء ممكن و متوقع .


اللى عاوز اقوله اننا لازم نثق فى بعض ، و ده مش هييجى من اول مره ابقى بكدب عليكى احنا لازم نبنى الثقه دى و لما نتقابل نتعرف بعض اكتر ، كاننا اسره وحده ، ممكن نفيد بعض كتير ممكن نساعد بعض فى حاجات كتير ، بس بجد لو قدرنا نكون فريق ناجح و بيثق فى بعضه ، هنعمل اى مشروع و اى حاجه مش هتقف ادامنا .

انا عاوز اوضح انى اقدر اشارك بحد أقصى 100 الف ممكن انزل فى المشاركه ، لو العدد الأغلبيه معندهوش المقدره ، لكن مش هقدر ازود اكتر من كده . اختيار المكان و كل حاجه بقى و الضمانات و كل ده لما يكمل العدد ، و عاوز اقول حاجه لو الموضوع مكملش خالص و متفقناش انا هبقى كسبت انى اتعرفت بناس زى الفل ، انا للأسف معنديش اصدقاء كتير ، و هبقى كسبت انى اتعرفت على ناس زى الفل

انا عاوز اجمع اسامى الناس المشاركه و سامحونى لو نسيت أحد و لو حد غير رأيه يا ريت يقولى

1- تامر رجب fny81
2- محمد فوزى mohamed book
3- أحمد بدران pedro 732000
4- محمود جاد etc - cairo
5- عمرو الدسوقى amr dessoky
6- ايهاب منصور ehab_mansour
7- green day
8- maserati
9- محمد بكر bakkoor

و استاذ سيد و استاذ hho كمستشارين برأيهم و خبراتهم

يا ريت اعرف الناس اللى كاتب اسمها مستعده فعلا ، و جاهزه و امكانيتها متوافقه مع بعض ولا لأ ، ممكن واحد ربنا فاتح عليه و ممكن يدخل ب200 الف و واحد عاوز 50 الف و واحد مقدرته 100 الف عاوزين نبقى امكانيتنا متقاربه عشان نبقى عارفين بنعمل ايه

و شكراااا لكل من شارك فى الموضوع و ابدى رأيه و اضاف
و الله المستعان

بص يا سيدى انا معالكم ان شاء الله لحد 100 الف . المكان المناسب متهيألى حدائق الاهرام .

زى ماقلتلك ياباشا انا معاكو ولو الفرد هايدخل ب 100 الف انا هادخل بفردين انشاء الله