الموضوع: اعتداء ضابط جيش على سيارتى وعلى اهلى "حسبى الله ونعم الوكيل"

المشاركة الأصلية كتبت بواسطة blazer

انهاره رحت قابلت نقيب فى اداره اتلحريات انا ووالدتى واخدوا اقوالنا تانى

الضابط بقى بيقولى انه هو حرك الوحده بسبب بلاغ جه ليه من والده !1 ابوه يعنى اللى بلغ وبيقول ان انا بعمل بلطجه فطلع بالوحده على الاساس دا
طبعا انا قلت ليه كل اللى حصل بالتفصيل
والضابط قعد يقولى تتصالحوا وكدا كدا هو اتأذى بالمحضر دا
بس انا اصريت على موقفى انا ووالدتى ان مفيش صلح تماما وحقى آاخده قانونا
ربنا ييسر الامور
ادعوا لى كدا يا جماعه ربنا ينصرنى عشان انا فى بكالوريوس ومشغول اصلا ومش فاضى

واضح ان اللعب القذر ابتدى
و هما بيحاولو يظبطو الموضوع
و باينة اوى من سذاجة الرد انة بلاغ من ابوة

لو فى اى طريقة لتصعيد الموقف ارجوك لا تنتظر التحريات

المشاركة الأصلية كتبت بواسطة heshamzaky

الظابط الى بيقولك أتصالحو دة عارف أن الظابط حا يتأذى و بيحاول يجرك لموضوع صلح . يا باشا أضرب الضربة الاخرى توجة بالشكوى لقائد المنطقة المركزية الى عندكم فى المنطقة السكنية علشان حتى لو ظابط التحريات حب يطرمخ القصة لما القصة تسمع ميعرفش يلمها و الموضوع يخرج من يدية

بكره الشاهد جارى قريب لواء من المجلس العسكرى
هو قريب اللواء إسماعيل عثمان رئيس الشؤون المعنويه بالقوات المسلحه
هو كلمه واعمله بالموضوع بكافه تفاصيله
هو قالى هروح بكره ولو لاقيت اى تكاسل او تواطوء هتصرف
وانا حسيت فعلا من الضابط انه مش عاوز يأذيه بس فى نافس الوقت قالى لو انت مصر على رأيك همشى الموضوع زى ما تحب
انا مستنى بكره وربنا يقدم اللى فيه الخير

المشاركة الأصلية كتبت بواسطة نور القمر

احيانا بيصعب عليا واقول مستقبله ضاع والمسامح كريم
وارجع اقول لأأأأأأ خطأه لا يغتفر

أنا معاكي برده يامدام نور وهو ألي يقدر يحكم هل عمل الموضوع أفتراء حقيقي(شغل بلطجة وضابط لبط) ولا تهور(عدم نضج)
أنا رئي توصلها لدرجة أنك خلاص بيقفلو الموضوع وهاتاخد حقك منه وده هاتحسه لما تلاقيه بيخبط عليك بابك وبيعتذر أعتذار حقيقي ونادم
كده في نظري لكم مطلق الحرية في الترضية المناسبة كأعتذار علني زي الأهانة العلنية أمام الجيران والعفو
لأن الهدف هوالقصاص من ناحية والأهم الردع له ولغيره وده تحقق من البلبلة ألي حصلت حوله حتى أذا لم يعاقب فعنده نقطة سوده في ملف تحرياته

المشاركة الأصلية كتبت بواسطة axel

بسم الله الرحمن الرحيم
السلام عليكم و رحمة الله و بركاته

طبعا تصرف شخصي سئ و يدل ع شخصية و من العيب ما حدث
لكن هسأل سؤال
هل الضابط عندما جاء و رأي السيارة في هذا المكان قام بالسب و القذف بدون سبب يذكر
ام كانت هناك مشادات كلامية و بالتالي الضابط قام بالرد بوقاحة و حاول احد يتعرض له فقام بابلاغ الوحدة المتنقلة بالمجئ سريعا للتعامل
ام تعدي احد ع اخته كلاميا و بالتالي اتصلت به ليأخذ حقها
و ذلك لأني لا اعتقد ان هناك شخص يقوم بالقذف والسب لمجرد ان هناك سيارة تم ركنها في مكان خاص به و التهجم علي الاخرين كما ذكرت
فأول ما سيصل له ذهن الشخص هو محاولة معرفة صاحب السيارة او محاولة تحريك السيارة لتقوم باطلاق صوت الانذار او سيقوم بالنداء ع سبيل المثال ( يا صاحب العربية كذا)
و لكن سيستعين بالمساعدة في حالة تعرض احد له
او في حالة انه يري انه لن ياخذ حقه و لا يستطيع التعرض لهؤلاء الاشخاص و قالوا له بما يفيد ( اضرب رأسك عرض الحائط ) فقام بالاستعانة بالمساعدة

فكما تم عرض نص كلام الضابط و ما قاله يجب ايضا عرض جميع نصوص كلا من اسرتك و المواطنين الموجهة لأخت الضابط او للضابط لأنه من الواضح انه وجه كلام للمواطنين المحيطين به و هذا يعني انهم ايضا قاموا بتوجيه كلام له مع اسرتك
لذلك يجب عند ذكر موضوع عرضه بشكل كامل مفصل منذ بداية المشكلة و قيامك بالركن مكان اخت الضابط حتي اخر لحظة و ليس مجرد مقتطفات حتي يتم الحكم

و اريد ان انبهك ان اشتكاء ضابط في س28 قد يترتب عليه ضياع مستقبله نهائيا او كما نقول هنقطع رزقه

في انتظار ردك

سيادتك انا لو كنت عملت ليه حاجه اكيد بالعقل كدا كنت هقول انا اللى جبته لنفصى واستاهل اللى يحصل لى
انما كل اللى حصل انى ركنت عربيتى تحت بيتى !
واخت الباشا عاوزه تركن تحت بلكونتهم
مكلمنيش مثلا
وحتى لو كلمنى دا حاجه مش من حقه هو اشترى الشارع بأسمه عشان المكان يفضل فاضى لحد ما الهانم اخته تيجى وتركن
انما دا استغل وظيفته عشان يحقق غرض شخصى

المشاركة الأصلية كتبت بواسطة r0xer

الأخ blazer:

ياريت لو الموضوع مات و الظابط بتاع التحقيقات حاول يموته و ينيمه او بمعنى أصح الكوسة ترجع تشتغل، ياريت تبعتلي pm وهديلك طرق الإتصال برؤساء تحرير أكثرمن جريدة مصرية معارف لي و أيضاً بريد شخصي لأكثر من شخصية صحفية عالمية لنشر الموضوع فيها حتى يتم الضغط على القوات المسلحة للتحقيق في الموضوع من جديد.

مهو اصل تنييم الموضوع معناها إنه لم يتغير شيء حتى الأن ولن يتغير شيء وكل ما حدث في مصر لاثمن له. وبصراحة لابد فعلاً من نشر الموضوع في الإعلام عشان انا شايف ان الامور بدأت تتطبخ و تتوضب...ال ايه اصل بابا كلمني اجي احميه بقوة عسكرية ! ياسسسسلام!!!

جازاك الله خيرا انا هستنى اشوف ايه بكره اللى هيحصل وابعت لحضرتك :)