الموضوع: اعتداء ضابط جيش على سيارتى وعلى اهلى "حسبى الله ونعم الوكيل"

المشاركة الأصلية كتبت بواسطة ashouhdy

يأستاذى الفاضل انا لا كلمتك بأسلوب سئ ولا حاجة انا بستفسر عن منطقك ولعلمك دة اللى ماشى فى البلد دلوقتى ... كل ماتروح تركن فى مكان يطلع واحد يقولك ركنتى !! والتانى يقولك انا بركن هنا تحت بلكونتى والتالث يحوطلك طوبة يحجز مكانة والرابع يحط عمود بسلسة و المنطق واحد قدام بيتى ؟؟؟!!! يعنى بقية الخلق تحط عربيتها فين؟؟؟

اية معنى ان 3 او 4 اماكن يتحجزوا وانت تقعد تلف بعربيتك بالنص ساعة فى عز الحر والزحمة والاقرف عشان واحد حاجز لنفسة ؟؟؟ يعنى عمارة فيها 40 شقة ب 40 عربية يبقى بقية الخلق بقى كلها تتبلطج عشان خاطر نركن حتة حديدة ؟؟؟؟

فعلا مبروك على سيادتك حجز مكانك تحت بلكونتك والباقى مش مهم ... ودى صورة مثال حى للمنطق بتاعك و دى بداية الخناقات والمشاكل ذى الاستاذ صاحب الموضوع

يا استاذ ashouhdy اسلوب حضرتك يزعل و علي العموم ولا يهمك حصل خير
و انا عارف اللي حضرتك بتقوله و مجربه كتييير في كل مكان عز الحر و المطرة كمان و تلاقي واحد ناطط ده مكاني و يا ريت اصحاب عربيات لأ محلات كمان يقولك هتقطع رزقي مع ان ربنا هو اللي بيرزق مش لما عربية تيجي تركن عشر دقايق خلاص مش هتلاقي تاكل
و انا شايف ان حضرتك للمرة التانية بتكلم بتريقة و تقول منطقي و الف مبروك حجز مكان و مش مهم الباقي
اولا : حضرتك انا في مدينة من المدن الجديدة يعني كل باركنيج هتلاقي فيه اماكن كتيير تركن فيبقي عيب يعني انت مثلا عمارتك رقم 7 و انا عمارتي رقم 1 تيجي تركن عند عمارة رقم 1 و في المكان اللي بركن فيه بالظبط و انت عندك باركينج اوسع من اللي عندي و تقدر تبص عليها كمان
يبقي عيب و لا لأ و موضوع عيند و لا لأ , لاحظ اننا بنكلم ذوقيا مش منطقيا و لو اتكلمنا منطقيا اللي عمله الشاب ده غير منطقي تماما مجرد شاب فرحان بطوله و فارد صدره و عايز يتخانق و خلاص
ثانيا : انا ضد موضوع ده مكاني و مش مكاني و معاك ان مفيش حاجة اسمها مكاني لكن عندنا دلوقتي حتي لو مش هتقول مكاني غصب عنك هتقول بسبب الوضع الحالي و ان العربية لازم تكون تحت عينك
عندنا في خلال الشهر اللي فات 3 عربيات اتسرقوا من المربع و اخرهم جيب من يومين لكن الجيش قدر يجيب الجيب لكن الباقي لأ
غير باقي المنطقة و العربيات اللي اتسرقت فيها سيراتو و شفرولية النقل و فيرنا..الخ ...ألخ
و احنا طول الوقت واقفين في البلكونات عشان العربيات حتي الانذار لقوا ليه حل و بقوا يفصلوه و اللي قالي ازاي بيعملوها ظابط مباحث

يبقي في مكاني هتقول العربية تفضل تحت عينك و لا لأ
عشان كده في ناس كتيير بتقول مكاني و انا قولتلك اكتر من سبب اني اقول العربية تبقي تحت بيتي أكيد مش هروح اركنها بعد شارعين

في غيرنا بقي بيحجز مكانه لأنه بيرجع بليل بعد الساعة 12 ميلقييش و لا مكان يعمل ايه و لا يركنها فين برده لازم نعذر الناس قبل الحكم عليهم و للأسف العيب مش علي الناس بس اد مهو ع الحكومات السابقة انها كانت السبب في سوء تخطيط الشوارع و زيادة عدد العربيات اكتر من 3 مليون عربية في شوارع لا تتسع لأكتر من 700 الف عربية و كانت من ضمن الخطط المفروض تتعمل ان تحت كل عمارة يكون باركينج خاص بالعمارة فقط زي المولات

فلازم نعذر برده يا باشا و لا ايه
يعني هل حضرتك مش بتقول برده زيينا كلنا ان العربية تفضل قدامك و تحت بيتك و لا حضرتك بتروح تركنها بعد البيت بشارعين ؟؟
و الله يبارك فيك بخصوص الحجز عقبالك